Темэр: Гущы1эухыгъэр. Гущы1эухыгъэм ичлен шъхьа1ыхэр.(к1эджык1ыжьын).
Мурадыр: 1.Гущы1эухыгъ зыфа1орэр мэхьанэу ащ и1эр агу къэгъэк1ыжьыгъэныр Гущы1эухыгъэм ичлен шъхьа1эхэр агу къэгъэк1ыжьыгъэныр ык1и гъэпытэжьыгъэныр.
2.Рассказ зэхагъэуцонэу егъэсэгъэнхэр.
3. Нахьыжъхэм лъытэныгъэ афаш1эу п1угъэнхэр. Ч1ып1эу зыдэщысхэр къабзэу а1ыгъыным фэгъэсэгъэнхэр.
Нэрылъэгъу 1эпы1эгъур: компьютерыр, мультимедийнэ проекторыр.
Планыр.
Урокым изэхэщэн.
Гущы1элъэ диктант.
Зэрагъэш1агъэм ик1эджык1ыжьын.
Темак1эм икъэ1отэн.
Темак1эм игъэпытэжьын .
7 Урокым изэфэхьысыжьын
Урокым ик1ук1.
К1-джэр.К1элэц1ык1ухэр зэк1эми партым тыкъыдэк1ы, занк1эу тыкъэуцух. Шъуимафэ ш1у к1алэхэр!
К1-хэр.Опсэу.
К1-джэр. Непэ тадэжь хьак1эхэр къэк1уагъэх сэлам ятэжъугъэх.
К1-хэр.Шъуимафэ ш1у!
К1-джэр.Шъут1ысыжьых. Зэк1эми дахэу тыкъэт1ысых, урокым зыкъыфэтэгъэхьазыры.
Непэ к1элэц1ык1ухэр темэу тызтегущы1эщтыр гу щы1эухыгъэр,гущы1эухыгъэмэ ячлен шъхьа1эхэр.
Урокыр гъэш1эгъоны хъуным пае зэк1эми дэгъоу 1оф тш1эн фай. Ащ пае къас1орэм шъукъедэ1оу ,сиупч1эхэм дэгъоу джэуап къяшъутыжьын фай.
Гущы1элъэ диктант (диктантыр атхы,слайдым тетэу къасэгъэлъэгъу , шъхьадж зыгос еджак1ом я1офш1энхэр аупл ъэк1ужьых).
Тхылъхэр,бэджэжъыер, жъуагъо, ошъуапщэ.къуаджэхэр,жьыбгъэ,1ажэхэр,бжыхьэ,л1ыжъыр.
К1-джэр :Сыда гущы1эухыгъ зыфа1орэр?Хэта къэзы1ощтыр? Шъугу къэжъугъэк1ыжь.
К1-ХЭР:
Зы гущы1эми гущы1элаузэми мэхьанэ ухыгъэ къызэрык1ырэр ары гущы1эухыгъ зыфа1орэр
К1-джэр. Тэрэз
К1-джэр. Гущы1эухыгъэхэр къэзы1отэрэ гушы1эухыгъэу,упч1э ык1и 1этыгъэу мэхъух. Гущы1эм пае : Сыдэу даха гъэмафэр! -1этыгъэ, садым ук1ощта?-упч1э,Непэ школым сык1огъагъ.-къэзы1отэрэ гущы1эухыгъ.
К1-джэр. Джы теплъы мы гущы1эу слайдым итхэр гущы1эухыгъэу мэхъуха?
Псыхъом загъэпск1ы чъэрым к1алэхэр.
Псыхъо чъэрым к1алэхэм зыщагъэпск1ы.
Садым къыщек1ы ины чъыг къужъыхэр.
Садым къужъ чъыг инхэр къыщек1ых.
Тэра гущы1эухыгъэр?
К1-хэр.Псыхъо чъэрым к1алэхэм зыщагъэпск1ы. Садым къужъ чъыг инхэр къыщек1ых -сыда п1омэ мэхьанэ ухыгъэ и1.
К1-джэр. Адэ зы гущы1эу мэхьанэ ухыгъэ и1эу гущы1эухыгъэ къысфа1уи?
К1-хэр.Бжыхьэ. Гъэмаф. Тек1уагъ. Нэфын.
К1-джэр. Джы гущы1элаузэк1э къэ1уагъэу мэхьанэ ухыгъэ и1эу гущы1эухыгъэ къызэхэжъугъэуцу? Хэта къэзы1ощтыр?
К1-хэр.Бжыхьэ чъы1эр къэсыгъ.
Школ дахэ ти1.
К1-джэр. Подлежащэмрэ сказуемэмрэ гущы1эухыгъэм ичлен шъхьа1эх.
Упч1эхэр:Хэт? Сыд? – подлежащэм, Сыд ыш1эрэр? Сыд къыщыш1рэр?-сказуемэр.Зыщыжъумыгъэгъупш: Подлежащэм ____________; Сказуемое__________________
__________________ .
Гущы1эухыгъэхэр зэхэжъугъэуцу.
__________ __________________
__________________.
________________ _______________ ______________
______________ .
-------------------------- -------------------------- ------------------------
-------------------------- ------------------------ .
Физминуткэ
К1-джэр.Сурэтым теплъы. Рассказ ц1ык1у зэхэжъугъэуцо.
К1-хэр. Рассказхэм къяджэх.
К1-джэр. Урысыбзэк1э зэтэдзэк1ыжьы. Член шъхьа1эхэр къыхэтэгъэщы.
К1-джэр. 1офш1энэу 16 тэш1ы. Подлжащэхэр хэтэгъэуцожьых.
… мэгупшысэ. … машхэ. … есы. … къесы. … къещхы. … къепщэ.
1офш1энэу 17 тэш1ы. Сказуемэхэр хэтэгъэуцожьых.
Тэтэжъ…,Бзыур…,Шыр… Саниет,,, Атакъэр… Тыгъэр…
К1-джэр. К1алэхэр псым къэк1уагъэх. Хэта мыщ 1офыр зыгъэцак1эу хэтхэр?
К1-хэр. К1алэхэр.
К1-джэр. Сыда аш1агъэр к1алэхэм?
К1-хэр Къэк1уагъэх..
К1-джэр. К1алэхэр зыфи1орэ гущы1эр гущы1эухыгъэм сыдэущтэу къыхэфагъа?
К1-хэр. Подлежащэу ык1и член шъхьа1эу.
К1-джэр. Къэк1уагъэх зыфи1орэ гущы1эр сыдэущтэу къыхэфагъа?
К1-хэр. Сказуемэу ык1и член шъхьа1эу, пкъыгъом ыш1эрэр къегъэлъагъо.
К1-джэр. Член гуадзэу къыхэфагъэр тэра?
К1-хэр. Псыхъом.
К1-джэр. Джы мы сурэтым тыкъеплъы. Член гуадзэ хэмытэу гущы1эухыгъэ зэхэтэгъэуцо.
К1-хэр. Тэтэжъ мэпхъаш1э.
К1-джэр. Хэта офыр зыгъэцак1эу хэтыр?
К1-хэр. тэтэжъ.
К1-джэр. тэтэжъ сыдэущтэу къыхэфагъа?
К1-хэр. Подлежащэу ык1и член шъхьа1эу.
К1-джэр. тэтэжъ сыда ыш1эрэр?
К1-хэр. Мэпхъаш1э
К1-джэр. Мэпхъаш1э зыфи1орэ гущы1эр сыдэущтэу къыхэфагъа?
К1-хэр. Сказуемэу ык1и член шхъа1эу.
К1-джэр: Джы ребусхэр къэтш1эщт.Гущы1эу къэтш1агъэхэр зэддзэк1ыжьыщт.
Темак1эм игъэпытэжьын .
К1-джэр. Мы гущы1эухыгъэхэм тыкъяплъы. Член ш1хьа1эхэр къыхэтэгъэщы.
Жьыбгъэр къепщэ..К1алэхэр дэгъоу еджэх. Мэзахэ къэхъугъ.. Асхьад тхылъ къыситыгъ. Бжыхьэ ч1ы1эр къэсыгъ.
7. Урокым изэфэхьысыжьын.
К1-джэр. Джы хэта къысэзы1ощтыр непэ сыда тызтегущы1агъэр?
К1-хэр. Гущы1эухыгъэр, гущы1эухыгъэм ичлен шъхьа1эхэр.
К1-джэр. Сыда гущы1эухыгъэ зыфа1орэр?
К1-хэр. Зы гущы1эми гущы1элаузэми мэхьанэ ухыгъэ къызэрык1ырэр ары гущы1эухыгъ зыфа1орэр .Гущы1эм пае. Нэк1маз. К1ымэфэ ч1ы1эр къэсыгъ.
К1-джэр. Сыда гущы1эухыгъэм ичлен шъхьа1эр ?
К1-хэр. Подлежащэмрэ сказуемэмрэ гущы1эухыгъэм ичлен шъхьа1эх.
Упч1эхэр:Хэт? Сыд? – подлежащэм, Сыд ыш1эрэр? Сыд къыщыш1рэр?-сказуемэр.Зыщыжъумыгъэгъупш: Подлежащэм ____________; Сказуемое__________________
__________________ .
Унэмк1э гъэцэк1эныр
Н. 10. 1оф. 19.правилэр.
