Ф.О??арсынова "?же"

Тақырыбы: «Әже» Фариза Оңғарсынова.
Мақсаты: 1. Оқушыларды Ф. Оңғарсынова өмірімен, шығармашылығымен таныстыруды жалғастыру. «Ана» туралы өлеңді пысықтап, «Әже» өлеңімен таныстыру.
2. Оқушылардың білімге деген қызығушылығын арттыру, өз бетінше жұмыс істей білуге баулу. Тіл байлығын, ой-өрісін, шығармашылығын қаблеттерін дамыту.
3. Оқушылардың үлкенге – ізет, кішіге – қамқор бола біліп, ата – ананы, әжені сыйлай білуге тәрбиелеу, адамгершілік қасиеттерді бойға сіңіру.
Сабақ әдісі: Ойын арқылы ой тарату, ой шақыру, ашық пікір, сұрақ жауап. Ойын технологиясы, сын тұрғысынан ойлау, венн диаграммасы, миға шабуыл, АКТ, бағалау.
Сабақ түрі: Ойын, жаңа сабақ меңгеру.
Көрнекілігі: Сызбалар. Ф. Оңғарсынова суреті.
Сабақтың барысы:
І. Ұйымдастыру кезеңі.
Амандасу.
ІІ. Өткен материалды қайталау.
Қазір бізде ана тілі сабағы. Біздің бүгінгі сабағымыз ойын түрінде болады. Қыс мезгілінен кейін қай мезгіл келеді?..............
Көктемнің алғашқы күндерінде қандай мейрамды қарсы аламыз?.................
Иә, балалар, алдымызда аналар мейрамы келе жатыр екен.
Ендеше біз бүгінгі сабағымызды әр адамға ең қымбат адам – Аналарға арнаймыз.
Өтілген тақырыптарды қайталамас бұрын, барлығыңызды бүгінгі «Бетпе-бет» студиясының қонағы болуға шақырамыз. Алдымен жүргізуші сайлап алайық. Бүгінгі «Бетпе-бет» студиясының жүргізушісі
- Жүргізуші: Сәлеметсіздер ме, бүгінгі «Бетпе-бет» студиясының қадірлі қонақтары. Студияның қонағы ретінде 3 – қатардан, яғни үш топтан.
Қош келдіңіздер, құрметті қонақтар.
Сіздерге студия қонақтары және теле көрермендер өз сұрақтарын жолдайды. Соларға жауап берулеріңізді сұраймыз. Жауап толық болмаса, басқа қатысушылардың толықтыруына болады. Ал ендеше алғашқы сұрағым.
Ана тілі пәнінен қазір өтіліп жатқан тараудың аты қандай?
осы тараудағы мәтіндердің негізгі ойы қандай?
Бұл тарау «қадірлі әкелерім, мейірлі аналарым» деп аталады. Бұл тараудағы мәтіндер бізді үлкенді сыйлауға баулиды. Адамгершілік қасиеттерді сіңіреді.
Жүргізуші:
Келесі сұрақты студия қонақтары жолдайды. Фариза Оңғарсынова кім? Ол кісі туралы не білесің?
1-оқушы: Ф. Оңғарсынова Қазақстанның халық жазушыны Қ. Р. парламент мәжілісінің депутаты. 1939 жылы 5 желтоқсан Атырау облысы, Монаш ауылында дүниеге келген.

2-оқушы: Ф. Оңғарсынова мектеп ұстазы, оқу ісінің меңгерушісі, мектеп директоры болып жұмыс жасаған.

3-оқушы: Ф. Оңғарсынова ақын жазушы, депутат, Мемелекет қайраткері. Ф. Оңғарсынова 2014 жылы қаңтарда Астана қаласында қайтыс болды.

4- оқушы: Ф. Оңғарсынованың «Сандуғаш», «Маңғыстау маржандары» атты еңбектері бар.

Жүргізуші: Әр оқушы өз аналары туралы не айтады?

-Оқушылар үйде жазған өз аналары туралы әңгімелерін оқиды (2 оқушы өз өлеңдерін оқиды).

Жүргізуші: - Отбасы, ата-ана туралы мақал-мәтелдер білесіңдер ме?

Жүргізуші: Ф. Оңғарсынованың «Жылу» атты өлеңімен таныстыңдар, (5-6 оқушы мәнерлеп айтып шықса деймін).

Жүргізуші: Аналарың сендерді еркелеткенде қандай сөздер айтады? (4-5 баланы тыңдау).

Жүргізуші: Рахмет, балалар, сендер, өткен тақырып туралы көп біледі екенсіңдер, ары қарай сендердің сабақтарында отырайын.

ІІІ. Жаңа сабаққа дайындық.

Рахат Турлыхановтың «Асыл әжем» атты бейнеклипін тыңдау.

Мұғалім:

Бейнеклип кім туралы болды?

Қандай әсер алдыңдар?

Әжесін сағынып жазған ән.

Сендердің әжелерін бар ма?

Сағынасыңдар ма? Онда бүгін сабақтың тақырыбы Ф. Оңғарсынованың «Әже» өлеңі.

IV. Жаңа материалмен жұмыс:

Оқулықпен жұмыс.

Мұғалім өлеңді мәнерлеп оқиды.

Оқушылар іштеп, әрқайсысы 4 жолдан мәнерлеп оқиды.

V. Сергіту сәті.

«Қызыл алма» арқылы бір-біріне тілек айту (Алмадай тәтті бол, алмадай сүйкімді бол, алмадай пайдалы бол).

VІ. Дәптермен жұмыс: Ақын сөздері арқылы сызбаны толтыру.

VІІ. Венн диаграммасы. Ана. Әже салыстыру.

VІІІ. Сабақты бекіту. «Әжемізге тілек».

Оқушылар өз әжелеріне деген әдемі тілектерін жазып, тақтаға іледі.

«Ыстық микрофон» арқылы 5-6 оқушы оқып береді.

ІХ. Бағалау. Кері байланыс. «Досыңды бағала».

Х. Үйге тапсырма: «Әже» өлеңін жаттау. «Менің әжем» әңгіме жазу.