1.Таби?атта болатын ?згерістерді, ауа райыны? ??былыстарын, оларды? жыл мезгілдерін сипаттайтын басты ерекшеліктерін, сонымен ?атар термометр туралы т?сіндіру.
2. Ауа райы туралы жалпы т?сінік беру барысында, таби?ат ??былыстарыны? ?згеріп отыратынын т?сінуге жа?дай ту?ызу. Танымды? ?асиеттерін дамыту?а м?мкіншілік жасау.
3. Ауа райын салыстыру барысында таби?атты с?юге, оны ?ор?ай білуге, таби?атты ластамау?а т?рбиелеу.
Просмотр содержимого документа
«Д?ниетану. Ауа райы»
Аманкелді жалпы білім беретін орта мектебі
Орындаған: Қуанышова Г.Б.
1«Ә» сыныбы
2013-2014 оқу жылы
Сабақтың тақырыбы: «Ауа райы»
Сабақтың мақсаты:
1.Табиғатта болатын өзгерістерді, ауа райының құбылыстарын, олардың жыл мезгілдерін сипаттайтын басты ерекшеліктерін, сонымен қатар термометр туралы түсіндіру.
2. Ауа райы туралы жалпы түсінік беру барысында, табиғат құбылыстарының өзгеріп отыратынын түсінуге жағдай туғызу. Танымдық қасиеттерін дамытуға мүмкіншілік жасау.
3. Ауа райын салыстыру барысында табиғатты сүюге, оны қорғай білуге, табиғатты ластамауға тәрбиелеу.
Сабақтың түрі: түсіндіру, сұрақ-жауап.
Көрнекілігі:
Интерактивті тақта;
Ауа райына байланысты суреттер;
Жыл мезгілдері бейнеленген суреттер.
Сабақтың барысы:
І. Ұйымдастыру кезеңі.
а) психологиялық дайындық
Мейірімді жүрекпен,
Ақпейілді тілекпен,
Амандасып алайық,
Бір жадырап қалайық!
Оқушылардың ұраны:
Сабаққа біз даярмыз
Жалқаулықты қоямыз
Жақсы оқып әрқашан
Кілең бестік аламыз.
Мұғалім:
Бір, екі, үш
Сынып іші тып-тыныш
Жалқаулықты тастаймыз,
Сабағымызды бастаймыз.
І.Үй тапсырмасын тексеру:
Көз, құлақ, тістің күтімі
Қызығушылықтарын ояту
II. Жаңа сабақ
1. Хабарлау
– Балалар, бүгінгі сабағымыздың тақырыбы: «Ауа райы».
Сендер табиғатта болатын әр түрлі құбылыстармен танысқыларың келе ме?
Марат мектепке барайын деп жатыр еді? Апасы оған:
Терезеге қарашы, бүгін ауа райы қандай екен? – деп жауап берді Марат.
Күн жарқырап тұр. Аспан ашық, жел де жоқ, - деп жауап берді Марат.
Сен қалай ойлайсың, Маратқа ауа райын білудің қандай қажеті бар?
Оқушылардың ойлары....
Ауа райы — жергілікті жердің белгілі бір уақыттағы ауа температурасы, бұлттылық, жел, жауын-шашынның жай-күйі.
Термометр грекше «термо» - жылу, «метр» - өлшем деген мағына береді.
1) Қарлығаш жоғары ұшса,күн жылы болады, төмен ұшса, жаңбыр жауады.
2) Мысық босағыны тырмаласа ауа райында өзгеріс болады.
3) Құс жүнін үрпитсе,жаңбыр жауады.
4) Жаңбыр жауарда қарғалар у да шу болады
IV. Жаңа білімді қолдану
Шығармашылық жұмыс.
– Енді балалар, қазір мен сендерге Ш. Ахметов ағамыздың «Бұл қай кезде болады?» өлеңін оқимын сендер өлеңде не жайында айтылатынына зейін қойып, мұқият тыңдап отырыңдар.
Күз
Бұлттар төніп,
Жерге төгіп,
Дымқыл тұман басады.
Шөп сарғайып,
Өңі тайып,
Дала сұры қашады.
Ойнай алмай…
Денең мұздап тоңады.
Бөбектерім, айтыңдаршы,
Бұл қай кезде болады? (Күз суретін көрсету).
Күзде табиғатта қандай өзгерістер болады?
Күзде қандай жауын-шашын түседі?
Күз айларын ата.Тұман деп нені айтады?
Жануарлар тіршілігінде қандай өзгерістерді байқадыңдар?
Қыс
Аяз қысып,
Өрнек сызып,
Терезеңді торлайды.
Қарға омбығып,
Бет домбығып,
Сырғанап жастар ойнайды.
Кейде ұлып,
Кейде ысқырып,
Ұйтқып боран соғады.
Бөбектерім айтыңдаршы
Бұл қай кезде болады? (Қыс туралы суретпен жұмыс).
Қыс мезгілінде ауа райы қандай болады?
Қыс мезгілінің басты ерекшелігі не?
Қыста өлі табиғатта қандай өзгеріс болады?
Қыста қандай құстарды көресіңдер?
Неге күн қысқарып, түн ұзақ болады?
Қыстағы ағаш қандай болады?
Көктем
Қар, мұз еріп,
Су көбейіп,
Сай салаға ағады.
Бүршік шашып,
Жапырақ ашып,
Гүл, бәйшешек басады.
Бөбектерім айтыңдаршы
Бұл қай кезде болады? (суретпен жұмыс).
Көктемде ауа райы қалай өзгереді?
Қар қандай өзгеріске түседі?
Көктемде қандай жауын-шашын болады?
Көктем айларын ата.
Жаз
Өрік, алма,
Шие, алша,
Жидек, жүзім піседі
Қауын, қарбыз,
Қияр, сәбіз
Дүкендерге түседі.
Астық пісіп,
Орақ түсіп,
Қырман дәнге толады
Бөбектерім айтыңдаршы
Бұл қай кезде болады? (суретпен жұмыс).
Жаз айларын кім атап береді?
Жаз мезгілінде өлі және тірі табиғатта қандай өзгерістер болады?
Жазда қандай жаңбыр жауады?
Жаздың қай айы өте ыстық?
Неге күн ұзақ болады?
Ауа райында қандай дыбыстар бар?
Жұмбақ
Ал керемет бұл қандай?
Төгіледі төбеден.
Көк теңізден құйғандай
Көл-көсір су не деген?!
Жаңбыр
VІІ. Қорытындылау:
Табиғат құбылыстарына нелер жатады?
Жаңбырдың қандай түрлерін білдіңдер?
Найзағай туралы не білеміз?
Қар қай кезде жауады?
Неше жыл мезгілі бар?
VІІІ. Мадақтау
ІХ.Үй жұмысы:
Күзгі табиғатты және күзде болатын ауа райының құбылыстарын, өзгерістерін бақылау.
