Жеті модульдің қалай ықпалдастырылғаны көрсетілген сабақ топтамаларын орта мерзімді жоспарлау туралы рефлексивтік есеп.
«Оқытудағы Кембридж тәсілдерінің теориялық негіздерінің» жеті модуліне сүйене отырып, бірінші «Бетпе-бет» кезеңінде алған теориялық білімімді, тренерімізбен және де топтағы әріптестеріммен талқылаулар кезінде алған тәжірибелерімнің барыснда әдебиет пәні бойынша 3-сыныптағы «Маужырап барқыт қоңыр күз» атты тарауына орта мерзімді жоспар жасадым. Тараудың мақсаты: Қазақ, орыс жазушыларының шығармаларындағы идеяларымен танысу, айтылған ой-пікірлерді оқушы көзқарасымен толықтыру. Осы тарау бойынша төрт тақырыпты алдым. Олар: «Шегіртке мен құмырсқа», «Егінші мен қасқыр» , «Комбайншы», «Қатқан нан» әңгімесі. Әр тақырыпқа бағдарлама бойынша бір сағаттан берілген. Оқушылардың сабаққа қызығушылығын арттыру мақсатында«СТО» стратегиясының элементтерін ықпалдастыруды мол нәтиже береді деп төмендегідей тәсілдерді қолданамын. Топтық, жұптық жұмыс, «Ақ бидай» әнімен топқа бөлу, «Жигсо» , «Ыстық орындық», «Ролдегі оқушылар», «Авторға орындығы» тәсілі, бағалау сұрақтары, «Бес жолды өлең» «ББҮ», «Венн диаграмма» стратегиясы атты әдіс-тәсілдер балалардың білімді өздігінен ізденуіне жұмыс жасауына үлкен ықпалын тигізетінін ұғындым, сол себепті тізбектелген сабақтар топтамасының жоспарына осы тәсілдерді енгізіп отырдым . Себебі, топтық жұмыс жасау арқылы оқушылар ынтымақтастыққа қалыптасады. «Жигсо» тәсілі арқылы мысалды терең түсінуге ықпал етемін. «Ролдегі оқушылар» тәсілі бойынша оқушылар берілген ролді қызыға ойнайды және мәтінді терең ұғынады. Оқыту үшін бағалауды пайдалану үшін балалардың жас ерекшелігіне сәйкес бағалаудың түрлерін енгіздім. Сабағымды қызықты өткізу мақсатында түрлі әдіс-тәсілдер мен ресурстарды ықпалдастыру үшін көп іздендім. Сергіту сәттері мен топқа бөлуді дәстүрлі сабақтағыдан өзгеше етіп ұйымдастырдым. АКТ-ны пайдалануда да балаларға ерекше әсер ететін бейнероликтер, түрлі әдістерді іздестірдім. Осы жұмыстарымның барлығын орта мерзімді жоспарға арналған кестеге орналастырып өзімнің жүмыс барысымды реттеп отырамын.
Осы әдіс-тәсілдерді сабақтарыма ықпалдастыру барысында қиындықтар кездесті. Бұл қиындықтарымды әріптестеріммен кеңесу арқылы жеңдім.
Мектепте іс-тәжірибемде өткізетін сабақтарымда қолданатын тәсілдерді оқушыларымның терең білім алуына, пәнге деген қызығушылықтарын, белсенділігін, сабаққа ынтасын арттыратынына сенемін. Оқушылардың барлығы бір-біріне көмектеседі, өз-өздерін әділ бағалайды, ойларын еркін айта алады, көп ақпаратты жинай отырып, ішінен қажеттісін алуға үйренеді. Оқушылардың метакогнетивті немесе өздігінен реттелетін оқуын дамытуға ықпал етемін.
