Дара ж?не к?рделі етістік

Сабақтың тақырыбы: Дара және күрделі етістік

Сабақтың мақсаты: Білімділік. Оқушыларға дара және күрделі етістіктер

туралы түсінік беру.

Дамытушылық: Тілін, ойын, қиялын, сөйлеу мәнерін

одан әрі дамыту

Тәрбиелік: Адамгершілікке, көркем жазуға, қызығып

оқуға тәрбиелеу

Сабақтың көрнекілігі: суреттер, кесте, қима қағаздар

Сабақтың әдісі: сұрақ жауап, түсіндіру

Сабақтың түрі: аралас

Сабақтың барысы:

І Ұйымдастыру кезеңі

Оқушылардың назарын сабаққа аудару

ІІ Үй тапсырмасын пысықтау

Тексеру., дәптер алмастыру

Сұрақ жауап, бағалау,

Зат есім Сын есім

Сөз таптары

Етістік Сан есім

Дара

Күрделі

Сергіту сәті

Бой жазу жаттығулар

ІІІ Жаңа сабақ

Етістіктер дара және күрделі болып екіге бөлінеді.

Дара етістік бір сөзден тұрады: барды, келді, кетті.

Күрделі етістік екі немесе одан да көп сөздерден құралады: алып бар, қайтып кел, көріп кет.

Сабақты қорытындылау: Жаңа сабақты тиянақтар бекіту

Бағалау:

Үйге: ереже жаттау, 5 – жаттығу, 162 - бет

Сабақтың тақырыбы: Түбір және туында сөз

Сабақтың мақсаты: 1. Түбір және туынды сөздерге берілген білімін қайталау.

Сөйлемдерді сөз таптарына талдай білуге үйрету, сауатты

жаза білуге дағдыландыру.

2. Саяхат түрлері арқылы іздемпаздық қабілеттерін, ой –

өрісін дамыту, танымдық, іскерлік, есте сақтау қабілеттерін

арттыру.

3. Оқушыларды табиғатты сүюге, табиғаттағы тіршілік

иелерін сүйе білуге, ауызбірлікке, ұйымшылдыққа тәрбиелеу.

Сабақтың көрнекілігі: Төрт түлік және төлдері, интерактивтік тақта, медеу, үй,

күшік суреттері.

Сабақтың әдіс – тәсілі: сұрақ – жауып, түсіндіру, қайталау.

Сабақтың түрі: саяхат

Сабқтың барысы: І Ұйымдастыру кезеңі

А) Оқушыларды түгелдеу

Ә) Керекті құрал – жабдықтарын алғызу

Б) Оқушылар назарын сабаққа аудару

В) Қай мезгіл? қай сабақ? екенін сұрау

ІІ. Психологиялық дайындық.

Уа, халайық, халайық!

Бәріне жар салайық,

Көңілді кеш жасайық

Білімдеріңді сынайық.

ІІІ Үй тапсырмасын тексеру

А) Үйге берген 5 – жаттығуды оқушылардын сұрап, дұрыстығын тексеріп шығу.

Ә) Дәптер алмастыру

ІV Сергіту сәті

Бас бармақ, балаң үйрек, ортан терек, шылдыр шүмек, кішкене бөбек.

Сен тұр, жылқыңа бар,

Сен тұр, қойыңа бар,

Сен тұр, түйеңе бар,

Сен тұр, сиырыңа бар,

Сен тұр, ешкіңе бар,

• Міне балалар бүгін сендермен осы төрт түлікке саяхатқа шығамыз

V. Жаңа сабақ

Қазақ тілім-өз тілім,ана тілім

                                Абай,Мұхтар сөйлеген дана тілім

                                Қастерлейді ұл қызың мәңгі сені

                                Болашағым, бақытым, дара тілім

Бір күні Азаматтың әкесі далада тоңып қалған күшік тауып алыпты. Ол күннің суықтығынан әбден тоңып қалыпты. Тоңып қалған күшікті Азаматтың әкесі үйіне әкеліпті. Азамат оған қатты қуаныпты. Азамат оған Ақтөс деп ат қойыпты. Бір күні күшік қорада шулып жатқан Төрт түліктерді және төлдерінің дауыстарын естіп, төрт түліктермен танысуға қораға саяхатқа шығады.

Міне барлығымыз тапсырмаларды орындай отырып енесіне төлдерін табыстырып, Ақтөспен таныстырып шығу үшін төлдердегі жазылған тапсырмаларды орындауымыз керек.

Ақтөс үйден төрт түлікке саяхат жасауға шығады.Бірінші сиырға келеді

1 – жаттығу Сөздерге тиісті жұрнақтарды жалғап, туынды сөз жаса( -ім, -м, -пе, -шік)

Көкте........., көл..........., өн............., кес...............

Жаттығу орындалғаннан кейін сиырдың астына бұзауларды қыстырып қоямыз

Ақтөс одан әрі жылқыға келеді

2 – жаттығу Мәтінді оқы. Туынды сөздерді теріп жаз.

Шебер-лік-терін, коньки-ші-лерінің, спорт-шы-ларға

Жаттығу орындалғаннан кейін жылқының астына құлындарын қыстырып қоямыз.

Ақтөс одан әрі түйеге келеді

3 – жаттығу. Төмендегі сөздерді сызбаларға сәйкес таңдап жаз.

Әнші, кітаптар, алша, кәсіпкеден

; ;

Тағы да сызбаларға сәйкес келетін сөздер ойлап жаз.

Түйенің астына боталарды іліп қоямыз

Ақтөс одан әрі қойға келеді

4 – жаттығу. Мәтінді оқы. Туынды сөздерді теріп жаз, белгісін қой.

Каратэшілер, жаттықтырушы, каратэшілер

Қойдың астына қозыларын іліп қоямыз

Ақтөс одан әрі ешкімен танысуға саяхаттап келеді.

5 – жаттығу. Берілген сөздерді жұрнақтар арқылы туынды сөзге айналдырып жаз.

Тау – лы, ақыл – ды, өнер – лі, көйлек – шең, біл – гір, ек(г)- інші.

Оқушылар тапсырмаларды орындап болған соң Ақтөстің тапсырмасы бойынша ешкінің лақтарын астына апарып қыстырады

Міне осылай тапсырмаларды орындау арқылы Ақтөс төрт түлікпен және олардың төлдерімен саяхаттау арқылы танысып шығады.

Сабақты қорытындылау: Жаңа сабақты тиянақтау

Түбір сөз	Туынды сөз	Туынды сөз	Түбір сөз
Мүсін		үлкендеу
Күй		өнім
Өнер		шегеле

Бағалау: Балаларды қима қағаздарын санау арқылы марапаттау.

Үйге: 6 – жаттығу. 4 – бет, ережелер жаттау.

Сабақтың тақырыбы: Төрт түлік

Сабақтың мақсаты: а) Білімділік:

Оқушылардың ана тілі пәнінен төрт түлік жайлы алған

білімдерін тиянақтау, бақылау.

ә) Дамытушылық:

Балалардың есте сақтау, сөйлеу, шапшаң ойлау, қабылдау

қабілеттерін арттыру.

б) Тәрбиелік

Табиғатты сүюге, белсенділікке, шапшаңдыққа, білімділікке,

әсемдікке тәрбиелеу.

Сабақтың көрнекілігі: Ілмелі плакаттар, қалташалар,төрт түлік суреттері.

Сабақтың тақырыбы: «Төрт түлік мал-

Қазағымның ырысы»

Сабақтың әдіс – тәсілі: сұрақ – жауап, сайыс .

Сабқтың барысы: І Кіріспе әңгіме.

• Төрт түлік туралы қай пәннен оқып жатырмыз?

• Төрт түлікке нелер жатады?

• Олар туралы қандай шығармалар оқыдық?

ІІ Жаңа сабақ барысымен, мазмұнымен оқушыларды таныстыру.

Сабақ «Дарынды балдырған» сайысы арқылы болады. Бұл сайысқа 4 бала- Аружан, Арай, Алтынай, Дильназ қатысады. Сұрақтың бәрі төрт түлік малға арналады.

Сайыс 3 айналымнан тұрады.

І айналым – Бәйге

ІІ айналым – Көкпар

ІІІ айналым – Жорға

ІІІ Сайысты жүргізу.

1.Бәйге (Төрт түлік жайлы жұмбақтар)

Кішкене ғана бойы бар,

Айналдырып киген тоны бар. (қой)

Кезекті бір жануар,

Үстінде екі тауы бар. (түйе)

Екі айнасы бар,

Екі найзасы бар,

Төрт жылтырмағы бар,

Бір шыбыртқысы бар. (сиыр)

Басында таяғы бар,

Төрт аяғы бар,

Егіз құлағы бар,

Иегінде сақалы бар. (ешкі)

Екі кісі қарауыл қарайды,

Бір кісі шөпшек тереді. (түйе өркеші, ерні)

Туа сап жүгіріп кеткен,

Енесін қуып жеткен (құлын)

Қамыс құлақ, тостаған тұяқ

Мінсең – қанат, сүтң-дәрі, еті-тамақ. (жылқы)

Екеуі елеңдеп келеді, төртеуі төбелесіп келеді. (аттың екі құлағы, төрт аяғы)

ІІ. Көкпар. (Әр түрлі төрт түлікке арнал,арналған сұрақтар).

1-сұрақ. Жылқы туралы 1-20 ұпай

2-сұрақ. Қазақша жыл атауларына қай түліктер енген? 10ұпай

3-сұрақ. Арнайы сұрақтар (Көрермен қояды)-30 ұпай

4-сұрақ. Төрт түлік туралы мақалдар айт – 10 ұпай

5-сұрақ. Қой туралы – 20 ұпай

6-сұрақ. Сүт тағамдарын айт? – 30 ұпай

7-сұрақ. Арнайы сұрақ – 30 ұпай

8-сұрақ. Қойдың пайдасы – 10 ұпай

ІІІ Жорға. (Соңында қалған екі ойыншыға) әр жауапқа 10ұпайдан есептеледі.

1. Жылқы атасы

Қой атасы

Түйе неше жылда боталайды?

Ешкі атасы

Малшының жазғы қонысы

Түйе сусыны

Жылқы баласы

Малдың жауы

Бойына сенген жылдан құр қалған?

Сиыр баласы

1. Жылқы баласы

Түйе баласы

Сиыр атасы

Жылқы неше жылда құлындайды?

Ешкі атасы

Малшының қысқы қонысы

Түйе атасы

Қай малда өт жоқ

Төрт түліктің төресі

Қой атасы

ІV Қорытынды.

Ұпай сандарын есептеп, жеңген оқушыға «Дарынды балдырған» төс алқасын тағу, мадақтау, сыйлық беру. Ойынға қатысқан оқушыға рахмет айтып сыйлық таратып беру.

Сабақтың тақырыбы: Балаларыма. Тасымал

Сабақтың мақсаты: 1) Білімділік: Оқушылырға й, у,ң әріптері екі дауысты дыбыстың ортасында келетін сөзді тасымалдауды меңгерту.

2) Дамытушылық: Оқушылардың дұрыс оқуы мен әдемі жазуын, логикалық ойдауын, сөздік қорларын дамыту.

3) Тәрбиелік: Ержүректілікке, отансүйгіштікке тәрбиелеу.

Сабақтың көрнекілігі: Жеке суреттер Б.Момышұлының партреті әріптер.

Сабақтың түрі: Жарыс сабақ

Сабақтың әдісі: Түсіндіру, әңгімелеу, жаттығу, сұрақ- жауап,топтастыру.

Пән аралық байланыс:математика,дүниетану.

Сабақтың барысы: І. Ұйымдастыру кезеңі

Қонақтармен сәлемдесу

Үлкенге де сіз

Кішіге де сіз

Сәлем бердік сіздерге,

Құрметпенен біз

-Балалар, қазір қай сабақ?

- Ана тілі.

- Қай мезгіл?

- Қыс мезгілінің 3-айы

- 20 ақпан

- Бүгін барлығымыз түгелміз бе?

- Сынып оқушылары түгел

- Ендеше сыныбымызды 2 топқа бөліп алайық

- І топ «Білім» тобы

- ІІ топ «Алға»

Ендеше үйге қандай тапсырма берілід?

«Бөдененің құйрығы неге қысқа?» ертегісін оқып, мазмұнын айту

І топтан 2 оқушы

ІІ топтан 2 оқушы шығарып мәтін мазмұнын айтқызу

І топ. Тасымал дегеніміз не?

ІІ топ. Қандай сөздер тасымалданбайды?

«Сиқыршыға көмектес» ойыны

Ақын, от, әже, өрік, сүт, көл, ауа, ән, ай, күн.

І топ. Бір буынды сөздерді тауып жазу

ІІ топ. Екі буынды сөздерді тауып жазу

Сергіту сәті:

Тәртіпті бала сүйініш

Төбең бір көкке жетеді

Тәртіпсіз бала күйініш,

Төмендеп басың кетеді

Ал, балалар тұрайық,

Алақанды соғайық

Оңға қарай иіліп

Солға қарай иіліп

Бір отырып, бір тұрып

Орнымызды табайық.

ІІІ Жаңа сабақ.

- Балалар, бізге қат келіпті. Ол хатта былай жазылыпты:

Жаңылмағанша жалықпай

Айта түс қалқам анықтай

Ал балалар, мына жаңылтпаштарды жаңылмай айтып шығайықшы:

Тау дәу, шеше, шеше

Дәу тау неше кесе, сынды кеше?

- Балалар біз не айттық? Жаңылтпаш

- Жаңылтпаш деген қандай ұзақ сөз

- Егер осы сөз жазып келе жатқан жолыңызға сыймай қалса не істейміз?

- Тасымал жасаймыз

- Тасымал жасау үшін алдымен не істейміз?

- Сөзді буынға бөліп аламыз

Ерте ерте, ертеде

Ешкі жүні бөртеде

Таулы биік өлкеде

Мөлдір бұлақты

Шапағы нұрлы шуақты

Дүниенің бір ғажап өлкесінде сиқырлы гүл болыпты. Бұл гүлдің сиқырлылығы оның ішінде не жазылғанын, неше фигура бар екенін ешкім таба алмапты. Сол гүл бізгеде жеткен сияқты

Қане болашақ академик, ғалымдар

Дәл бүгінгі бізге жеткен дарындар

Қараңдар, сиқырлы гүл алаңға

Ел таппас, қолы жетпес ғаламға

(фигурадан салынған гүлдің суреті салынады)

-Қане, кім айтады неше үшбұрыш барын және қандай сөз жазылыпты?

(Балалар үшбұрыштардың жетеу және тасымал деген сөз жазылғанын айтады)

-Ендеше жаңылтпаш сөзінің тасымалдау үлгісін көрейік

-Бірінші буынға бөліп алайық

Жа-ңылт-паш

Жа-ңылтпаш

Жаңылт-паш

Қазір балалар оқулықпен жұмыс

101- жаттығу «Балаларыма » мәтін Б. Момышұлы

1. Мәтінді мәнерлеп оқып түсіндіру

2. 2 балаға оқыту

3. Мәтін бойынша сұрақтар мен тапсырмаларды орындату

І топ – Мәтінде не туралы айтылған?

-Б.Момышұлы атамыз жөнінде не білесің?

ІІ топ – Б.Момышұлының айтқан тілегін тауып оқы

- Біз «Әліппе » пәнінде Б.Момышұлы атамыз туралы қандай әңгіме оқыдық?

Ал енді 102-жаттығуға қарайық

Тапсырмасын оқыту

І топтан 4 бала же-ңіс, қа-иық, же-іңімпаз, жа-уын

ІІ топтан 4 бала дә-уіт, ме-йіз,жа-ңалық, ма- ңай

Буынға бөлгізіп жаздыру

Й,У,Ң әріптері екі дауысты дыбыстың ортасында келсе онда л,у,ң әріптері екінші буынға кетеді. Яғни олардың алдынан тасымалдау белгісі қойылады.

Дәптермен жұмыс жасату

ІV Сабақты қорытындылау

• Ал балалар Әліппеден біз Бауыржан атамыздың қандай екенін біліп едік

• Батыр, ержүрек, қаһарман

• Ал бүгін тағы қандай қасиеті бар екенін білдік?

• Ия, жазушы, ақын

Ендеше соны топтастырып жіберейікші

ІV. Бағалау

• Қолдарындағы силықтарды санату арқылы қай топтың жеңгенін анықтап марапаттау

• Жеке оқушыларды бағалау

V. Үйге тапсырма:

Мәтінді түсініп оқып келуге 102-жаттығуды дәптерге жазу.

-Кәнекей бізде Бауыржан атамыз сияқты боламыз ба?

-Иә!

-Ендеше «Ұландар жырымен » сабағымызды аяқтайық.

Отан үшін, халық үшін

Талмай еңбек етеміз:

Оқып біліп, құлшынамыз

Жеңістерге жетеміз

Жүзден жүйрік

Мақсаты:

1. Тапқырлыққа, шешендіккебаулу, ізденімпаздыққа жетелеу, ой – өрісін, тіл мәдениетіне деген сүйіспеншілігін арттыру.

2. Оқушыларды жан – жақты сауатты, дарынды, озық болуға тәрбиелеу, оқу – білімге қызығушылығын арттыру, білім нәтижесін көрсете білуге баулу.

Көрнекілік: сұрақтар жинағы

1.Ұйымдастыру кезеңі

Оқушыларды жарысқаәзірлеу. Жарыс ережесімен таныстыру. Әділқазылар алқасын сайлау.

Психологиялық дайындық.

Мәңгі бақи есте қалар,

Қызықты бір жиын болсын.

Білімдірек шәкірт озар,

Сұрақтары қиын болсын.

Сұрақтары әр түрлі,

Тақырыпта қойылар.

Бәйгеде озар жүйрік ой,

Шығуға кімнің ойы бар – дей келіп

Қандай сынақ болса - дағы беріспе

Әрқашанда ұмтыла біл жеңіске, деп

«Жүзден жүйрік» сайысымызды бастаймыз

І КЕЗЕҢ «Бәйге » сайысы.

1.Республикамыздың басты қаласы? (Астана)

2.Қазақстан республикасының егемендігіні неше жыл? ( 22 жыл)

3.Кітапты неден жасайды? (ағаштан)

4.Білім күні қай күн? (1 қыркүйек)

5.Апрель айының қазақша атауы? (Сәуір)

6.Қазақтың ұлттық аспабы? (Домбыра)

7.Желтоқсан оқиғасы кезінде қайсарлықпен ерлік көрсеткен қазақ қызы кім? (Ләззат Асанова)

8.Қазақтан аты шыққан атақты суретші кім? (Әбілхан Қастеев)

9. Біздің мектебіміз кімнің атында? (Әйтеке би )

10. Қазақстан республикасының мемлеккеттік тілі қай тіл? ( Қазақ тілі)

11.Жылқы, құлын, жабағы, тай малының пірін ата? (Қамбар ата)

12.Қыстан кейін келетін мезгілді ата? (Көктем)

Ұпайларын есептеп ұпайы аз оқушы ойыннан шығады.

ІІ КЕЗЕҢ «Жеті жұрттың тілін біл» сайысы.

Толқимыз, толқып тұрмыз баршамыз да,

Мұндай күй болған бәлкім баршаңызда.

Қол соғып, қошметпен отырайық,

Өрендер түссін тағы сайысуға.

Бұл сайыста жұмбатардың дұрыс жауабын тауып, оның орыс тілінде аудармасы айтылса, 20 ұпай беріледі. Тек қазақша жауабы үшін 10 ұпай.

1.Сағат сайын қағылады,

Тек мектептен табылады. (Қоңырау – звонок)

2.Қалың киімді ұнатады,

Шешіндірсең жылатады. (Пияз – лук)

3.Бұлғандаған құйрығы,

Бір алдарлық қулығы. ( Түлкі – лиса)

4.Белі бүкір, алысқа түкір ( Мылтық – ружье)

5. Өзі кірді ашады,

Суға салсан қашады. (Сабын – мыло)

6.Ілулі тұр кең алаң,

Керегімді мен одан.

Жазып алам көшіріп,

Сүртем сосын өшіріп. ( Тақта – доска)

7. Табаныма байладым

Қос аяқпен айдадым) ( Шаңғы – лыжи)

8. Тырылдап көкке инелік,

Инелек емес үй делік. ( Тікұшақ – Вертолет)

9.Ашылып, жабылады,

Әр үйден табылады. ( Есік – дверь)

10.Қос күрекпен еседі,

Су көлігі деседі. (Қайық – лодка)

11.Қыста ғана болады,

Ұстасаң қолың тоңады. (Қар – снег)

12.Қылдай белі бүгілген,

Өзінен де жүгі үлкен. Құмырсқа – муравей)

2- кезеңнің ұпайлары есептеліп , ұпайы аз оқушыны ойыннан шығарып саламыз.

ІІІ КЕЗЕҢ «Дода» сайысы

Сабағыңа жөндеп,

Әзірленсең еңбек.

Қиындықтың бәрін,

Еңбек ғана жеңбек – дей келіп төрт пәп бойынша қаншы еңбек еткендеріңді байқаймыз.

Ойын ережесі бойынша ұпайы аз ойыншы ұяшыты таңдайды. Дұрыс жауапқа сол ұпай беріледі.

1-ұяшық. Әдебиетттік оқу

1.Кел, балалар, оқылық өлеңінің авторы кім? (Ы. Алтынсарин)

2.Қазақ батырларының атын ата (Қабанбай, Наурызбай, Бөгенбай)

3. Ат өнері білінбес,

Бәйгеге түсіп жарыспай, деген үзінді қай өлеңнен алынған? (Өнер-білім бар жұрттар)

4.Абылай хан, Бөгенбай, Қабанбай, Наурызбай батырлар туралы жырлардың авторы кім? (Бұқар жырау)

2-ұяшық. Қазақ тілі пәні бойынша.

1. Дара етістік неше сөзден тұрады? (бір сөзден)

2 .Сөздің маңынасын өзгертетін қосымшаны айт? (жұрнақ)

3.Туынды сөз қалай жасалады.(жұран арқылы)

4.Дауыссыз дыбыстардың түрлерін ата? (қатаң, ұяң, үнді)

3-ұяшық. Дүниетану пәні бойынша.

1.Адам бойындағы сүйектің жалпы саны қанша? (206 сүйек)

2.Тірі табиғаттың маңызды бөлігін ата? (Адам, өсімдік, жануар)

3.Пайдалы қазбалардың түрлерін ата? (Жанғыш, кеді, кенсіз)

4.Сегіз аяғы бар жануарды ата? (өрмекші)

4-ұяшық. Математика пәні бойынша.

1.Оқушылар әрқайсысы 5 кг-нан 9 шелек алма терді. Олар барлығы неше кг алма терді. (45 кг )

2. Қабырғасы 5 см шаршының ауданын тап. ( S = 25 см * )

3. 40 асықты сегізден неше балаға беруге болады. ( 5 бала)

4.Геометриялық фигуралардың ауданын қалай табамыз? ( S = а+в : 2 )

ІV – кезең. «Тапқырлық » сайысы

Алдыңда ұзақ жолың бар.

Оқумен өсіп толыңдар,

Қиындыққа мойымай

Бұныда тауып көріңдер.

Берілген мақалдың жалғасын табу.

1.Білікті бірді жығады,

(білімді мыңды жығады)

2.Әдептілік белгісі

(Иіліп сәлем бергені)

3.Жақсыдан үйрен,

( Жаманнан жирен)

4.Ата көрген оқ жонар,

(Шеше көрген тон пішер)

5.Қына тасқа бітеді,

(Білім басқа бітеді)

6.Еңбек етсең ерінбей,

(Тояды қарның тіленбей)

7.Көзің ауырса, қолыңды тый,

(Ішің ауырса, аузыңды тый)

8. Болат қайнауда шынығады,

(Батыр майданда шынығады)

4- кезеңнің ұпайлары есептеліп , ұпайы аз оқушыны ойыннан шығарып саламыз.

V – КЕЗЕҢ «Жорға» сайысы.

Сонымен ақырғы айналымға да жеттік. Менің қолымда ІІІ – нұсқалы конверть бар. Ұпайы аз оқушы ойынды бастайды. Дұрыс жауап үшін 10 ұпай.

І нұсқа.

1.Жылдан құр қалған жануар? (Түйе)

2.Басты байлық не? (Денсаулық)

3. Бір жылда неше ай бар? ( 12 ай )

4. Көру мүшесі не? (Көз)

5. Абайдың әжесі кім? (Зере)

6. Мектебіміз қай көшеде орналасқан? (Т.Рахым № 1 )

ІІ нұсқа.

1. Түн ұйқысын төрт бөлген адам? (Ана )

2. Жыл басы не? (Тышқан )

3. Орман дәрігері? (Тоқылдақ)

4.Абайдың анасы кім? (Ұлжан)

5.Есту мүшесі? (Құлақ)

6. Мектебіміз қай ауылда орналасқан? (Жайылма)

ІІІ нұсқа.

1.Үш биді ата? (Төле би. Қазыбек би, Әйтеке би)

2. Абылайханның шын аты кім? (Әбілмансұр)

3.Сен қай ауданда тұрасың? (Сарысу ауданы)

4.Бүгін аптаның қай күні.

5.Мектебіміз неше қабаттан тұрады. ( 3 қабат)

6.2тәулікте неше сағат бар? ( 48 сағат)

Мұғалім: Сонымен бүгінгі сайысымыздың жеңімпезы анықталады. Қазылар ойыншылардың ұпайын санап. Ең көп ұпай жинаған оқушыларды марапаттаймыз.

Сабақтың тақырыбы: Бірыңғай мүшелер

Сабақтың мақсаты: 1. Бірыңғай мүшелер туралы алғашқы түсініктерін

қалаптастыру; бірыңғай мүшелердің өзіндік

ерекшеліктерімен таныстыру

2. Сөйлемдегі бірыңғай мүшелерді сөйлеу кезінде пайдалана

білу дағдыларын дамыту, есте сақтау қабілеттерін

арттыру.

3. Оқушыларды табиғатты сүюге, табиғаттағы тіршілік

иелерін сүйе білуге, ауызбірлікке, ұйымшылдыққа тәрбиелеу.

Сабақтың көрнекілігі: Суреттері, қима – қағаздар

Сабақтың әдіс – тәсілі: сұрақ – жауып, түсіндіру, қайталау.

Сабақтың түрі: жаңа сабақ

Сабқтың барысы: І Ұйымдастыру кезеңі

А) Оқушыларды түгелдеу

Ә) Керекті құрал – жабдықтарын алғызу

Б) Оқушылар назарын сабаққа аудару

В) Қай мезгіл? қай сабақ? екенін сұрау

ІІ. Психологиялық дайындық.

Уа, халайық, халайық!

Бәріне жар салайық,

Көңілді кеш жасайық

Білімдеріңді сынайық.

ІІІ Үй тапсырмасын тексеру

А) Үйге берген 2 – жаттығуды оқушылардын сұрап, дұрыстығын тексеріп шығу.

Ә) Дәптер алмастыру

ІV Сергіту сәті

Бас бармақ, балаң үйрек, ортан терек, шылдыр шүмек, кішкене бөбек.

Сен тұр, жылқыңа бар,

Сен тұр, қойыңа бар,

Сен тұр, түйеңе бар,

Сен тұр, сиырыңа бар,

Сен тұр, ешкіңе бар,

V. Жаңа сабақ

Қазақ тілім-өз тілім,ана тілім

                                Абай,Мұхтар сөйлеген дана тілім

                                Қастерлейді ұл қызың мәңгі сені

                                Болашағым, бақытым, дара тілім

• Бірдей сұраққа жауап беріп, сөйлемнің бір ғана мүшесімен байланысып тұрған сөздерді сөйлемнің бірыңғай мүшелері дейміз.

• Мысалы: Әсемнің әжесі мейірімді, кеңпейіл, ақкөңіл жан. Бірыңғай мүшелердің арасына үтір қойылады.

1 – жаттығу. Әр топтағы сөздерді оқы, сұрақ қой. Қай сөз табы екенін анықта. Артық сөзді тап. Ол сөздің неге артық екенін анықта

А) қарағай, қайың, тербелді, қарағаш, үйеңкі;

Ә) ойнайды, секіреді, жүгіреді, ойнақтайды, қалың;

Б) қыр мұрынды, ашық маңдайлы, он бес, жылы жүзді;

В) екі, жүз, көп, алпыс, мың;

2- жаттығу. Сөйлемдерді оқып, көшіріп жаз. Бірдей сұраққа жауап беретін сөзднр сөйлемнің қай мүшесімен байланысып тұрғанын сызба арқылы көрсет.

1.Сиыр сүтінен құрт , май, ірімшік, кілегей, қаймақ алынады 2. Үлгілі оқушы оқулығын, күнделігін, дәптерін күтіп ұстайды. 3. Үлкендерге шөп жинауға көмектесіп жүрген балаларқолдары босай сала айнала жүгіреді, ойнайды, секіреді. 4. Комбайын астықты орады, бастырады,, ұшырады. 5. Балықты тормен, қармақпен, аумен, аулайды.

Үлгі:

құрт оқулығын

май күнделігін күтіп ұстайды

ірімшік алынады дәптерін

кілегей

қаймақ

3 – жаттығу. Мәтінді оқып көшіріп жаз. Бірыңғай мүшелердің астын сыз

Күн шайдай ашық, жылы еді. Бұлт та, жел де жоқ. Хамит бір ескілеу жолмен келді. Айнала қалың орман. Бойлап, таласа, жарыса шыққан қайың, қарағай, теректер көрінеді.

Бірыңғай мүшелерге сұрақ қой.

Сөйлем ішінде бірыңғай мүшелер болсын.

Сабақты қорыту: Сабақты тиянақтау

Бағалау: марапаттау

Үйге: 5 – жаттығу 53 - бет

5 – жаттығу. Өлеңді оқып, көшіріп жаз. Бірыңғай мүшелерді астын сыз

Археолог

Сауран, Бестам, Сығанақ,

Сырлары мол ашпаған.

Жер астынан сығалап

Жатыр көне тостаған.

Санатқа көп қосылар

Сансыз қала құмдағы.

Шақырады Отырар

Шешілмеген жұмбағы.

Қалақшамен тынбастан

Қазап төбе, обаны.

Қалаларды құм басқан

Ағам аршып алады.

Бір сөздің қайталануынан жасалған

3 қос сөз жаз.

Тау – тау--------------------------------------------------------------------------------------------------------------------------------------------------------------

Осы сөз тіркестерін қатыстырып, сөйлемдер құрап жаз.

Қап – қап---------------------------------------------

Жора – жолдас-------------------------------------------------------------------------------------------------

Мөп – мөлдір --------------------------------------------------------------------------------------------------

Осы сөз тіркестерін қатыстырып, сөйлемдер құрап жаз.

Сарт - сұрт---------------------------------------------

Жалт - жұлт-------------------------------------------------------------------------------------------------

Қысы - жазы --------------------------------------------------------------------------------------------------

Қос сөздердің сыңарын тап

ұл –

киім –

екі –

жора –

темір –

тәлім -

Қос сөздердің сыңарын тап

жарқ –

апыл –

ала –

жоғары –

алыс –

бүлк -

Қос сөздердің сыңарын тап

ауыр –

тар –

сарт –

бірен –

темір –

тәлім -