Cайыс саба?ты? та?ырыбы: "Сынып ж?лдызы"

Оңтүстік Қазақстан облысы

Мақтарал ауданы

Ш. Ділдабеков а/о, Сұлу бұлақ ауылы

«Қызыл таң» жалпы орта мектебі

Бастауыш сынып мұғалімі

Достемесова Жаңыл Берікқызы

1.Сабақтың тақырыбы: Сынып жұлдызы

Сабақтың мақсаты :

Білімділік: Оқушылардың білімдерін шыңдау, жалпы пәндер бойынша алған білім- білік дағдыларын пысықтау, молайту.

Дамытушылы: Оқушылардың ойын арқылы ойлау қабілеттерін дамыту Түсіну,әңгімелеу дағдыларын, тілдік қорын дамыту. Ауызша есептеуге, логикалық тапсырмаларды шеше білуге үйрету.

Тәрбиелігі: кішіпейілдікке,зеректікке,білім алуға деген санасын қалыптастыру.

Сабақтың түрі: Интеллектуальді мәдениетті дамыту.

Сабақтың көрнекілігі: Абай атамыздың суреті, бүктеме, нақыл сөздер,

қима – қағаздар т.б

Сабақтың барысы:

1.Ұйымдастыру кезеңі

1.Сәлеметсіздер ме? Қадірлі де құрметті,ардақты да аяулы ұстаздар,

оқушылар! Міне бүгін «Сынып жұлдызы» сайысына 2 б» сыныбының оқушылары қатысқалы тұр.

Бүгінгі шәкірт-ертеңгі азамат.Сол азамат бойында тапқырлықты, алғырлықты қалыптастыру мектеп қабырғасынан басталады.

Шын жүйрік шабысынан танылады,

Нақты білім, терең ой саналады.

Баға берер әділқазы ортамызда,

Сіздерге құрметпенен қол соғады.

Бүгінгі сайысымызда әділ баға беретін әділқазы алқасымен таныстырып өтейін.

Бастауыш сынып оқу меңгерушісі: А. Бекбердиева апай

Бастауыш сынып Ә.Б жетекшісі Б.Бекқожаева

Психолог: С. Исмайлова.

Әр адамның азаматтық қасиеті мен мәдениеті өз ана тілін білумен, өз елін, туған жерін сүюмен өлшенеді Біз ана тілімізге деген құрметімізді шешендік сөздер мен тапқырлық өнеріміз арқылы білерміз-дей отырып, сайысқа қатысатын оқушыларымызды ду қошеметпен ортаға шақырамыз.

2.Ер жүрек болмай ер тумас

Бабалар жолын кім қуар

Азамат болып ел қорғап

Ұландар бізде шығады-дей отырып №1 оқушымыз Елемес Бақдәулетті ортаға шақырамыз.

Өзін-өзі таныстыру

Ұнататын пәні – математика. Бос уақытында кітап оқиды.( Букварь кітабын) ертегілер,ойдан есептер құрағанды ұнатады.Сүйетін тағамы - маш палау

Келешекте «Президент» болуды армандайды

Білімді өрге сүйреген

Өнерді кімдер сүймеген-дей отырып № 2 оқушымыз Маратқызы Бірғанымды ортаға шақырайық.

Өзін -өзі таныстыру

Ұнататын тағамы- пельмен . Сүйіп оқитын пәні-әдебиет,Хан талапай,ертегілер, мақал- мәтелдер Болашақта « Министр» болуды армандайды.

Ақылына көркі сай

Қарасаң таңдай қағасың-дей отырып,№3 оқушымыз Орынбасар Балнұрды ортаға шақырамыз

Өзін-өзі таныстыру

Ұнататын пәні-музыка. Сүйіп ішетін тағамы-палау. Болашақта Роза апасы сияқты жезтаңдай « әнші »болуды армандайды

Қандай сынақ болсадағы беріспе,

Әрқашанда үміткер боп жеңіске-дей отырып,№4 оқушымыз Талапұлы Асхатты ортаға шақырамыз

Өзін- өзі таныстыру

Ұнататын тағамы-мәнті. Сүйіп оқитын пәні-қазақ тілі.ертегілер, жұмбақ

жасырғанды ұнатады. Болашақта « Әкім » болуды армандайды.

Білімді де ақылды,

Танитын алыс жақынды-дей келе №5 оқушымыз Ахмет Мөлдірді ортаға шақырамыз

Өзін-өзі таныстыру

Бос уақытында математикадан есеп шығарғанды ұнатады. Сүйіп ішетін асы-ханым. Болашақта «Заңгер» болуды армандайды.

Өзі жылдам әрі епті

Сөзі жылдам әдепті-дей отырып №6 оқушымыз Ибадулла Бірғанымды ортаға шақырамыз.

Өзін-өзі таныстыру

Ұнататын пәні математика. Ұнататын тағамы-пельмен. Болашақта

« Министр» болуды армандайды.

Қазақтың ұлы ақыны А. Құнанбаевтың «Бес асыл ісімен» байланыстырып өткенді жөн көрдім.

Сайысымыз 6 кезеңнен тұрады.

1. Талап кезеңі- Оқушылар өздері талаптанып жаттаған ақындардың өлеңдерін мәнерлеп жатқа айту.

2. Еңбек кезеңі-Оқушылар еңбек етуі керек.1-минутта қанша мақал-мәтел біледі.

3. Терең ой-Оқушы қалаған ұяшығын ашып , ондағы сұрақтарға жауап береді.

4. Қанағат кезеңі-Оқушының білімдеріне қанағат етіп, «сөз дамина»

ойынын ұйымдастыру.

5.Рақым кезеңі-«Таңғажайып баспалдақ» ойыны ойналады.

Ал ендеше бастайық,

Сайыстан еш қашпайық

Тілімді тартып биікке

Тұрайық ылғи қасқайып

деп сайыстың алғашқы шартын бастаймыз,

1. «Талап» кезеңі

«Күз» А. Құнанбаев

Сұр бұлт түсі суық қаптайды аспан,

Күз болып дымқыл тұман жерді басқан.

Білмеймін тойғаны ма, тоңғаны ма?

Жылқы ойнап, бие қашқан, тай жарысқан.

«Адам болам десеңіз»

Ғылым таппай мақтанба

Орын таппай баптанба

Құмарланып шаттанба

Ойнап босқа күлуге

Бес нәрсеге асық бол

Бес нәрседен қашық бол

«Кел, балалар, оқылық»

Бір аллаға сиынып,

Кел, балалар, оқылық

Оқығанды көңілге

Ықыласпен тоқылық
Оқысаңыз, балалар,

Шамнан шырақ жағылар.

1. «Еңбек» кезеңі

Оқушылар өздері білетін мақал-мәтелдерін айтады.

Отан от басынан басталады

Мектеп кеме, білім теңіз

Оқу инемен құдық қазғандай

Білекті бірді жығар,

Білімді мыңды жығар.

1. « Терең ой» кезеңі

1-ұяшық

1. Әліппенің атасы кім? (А. Байтұрсынов)

2. а+2 бұл қандай өрнек? (әріпті)

3. Жылдан құр қалған жануар? (түйе)

4. Жуан дауыстыларды ата? (а,о,ы,ұ)

5. Шөлге төзімді жануар? (түйе)

6. 1 жылда неше ай бар? (12)

2-ұяшық

1. Мемлекетті кім басқарады?(Президент)

2. Ең үлкен екі таңбалы сан?(99)

3. 6+5 бұл қандай өрнек? ( санды)

4.Өсімдіктің қай мүшесі топырақ астында жатады?(тамыры)

5. Ең кіші екі таңбалы сан? (10)

6.Құлақ қандай мүше?( есту)

3-ұяшық

1. Үш биді атаңыз? (Төле би, Әйтеке би, Қазыбек би)

2. Аю баласы қалай аталады?(қонжық)

3. Мемлекеттік рәміздерді ата?( Елтаңба, әнұран, ту)

4. Еңбекқор жәндікті атаңыз?(құмырсқа)

5. Адамға ең қажетті жағдайлар?( ауа,су,тағам,жылу,жарық)

6. 1 сағатта неше минут бар?(60 минут)

4-ұяшық

1.Орман дәрігері қандай құс?(тоқылдақ)

2. Жеміс – жидек қайда өседі?(Бақта)

3. Жұмадан кейін қай күн?(сенбі)

4. Қазақша жыл басы? (тышқан)

5. Дауыссыз дыбыстар қаншаға бөлінеді?(қатаң,ұяң,үнді)

6. Дастарқаннан үзілмейтін тамақ?(нан)

5- ұяшық

1. Мектепті кім басқарады?(Директор)

2. Тышқанның жауы не?(мысық)

3. 1 аптада неше күн?(7)

4. Сұйық затты қандай өлшем бірлікпен белгілейміз?(литр)

5.Домбыраның неше ішегі болады?(2)

6 Осындай 3 домбырада неше ішек болады?(6)

6-ұяшық

1. Оған қарасаң өзіңді көресің?(айна)

2. Құлақ қандай мүше?(есту)

3.Білім күнін ата?(1 қыркүйек)

4. Неше жыл мезгілдері бар?(4 мезгіл)

5.Сөйлем неден құралады?(сөзден)

6. 1 сағатта неше минут бар?(60 минут)

4 «Қанағат» кезеңі

Сайысқа қатысатын оқушылармен «сөз дамина» ойынын ойнаймыз

Бұлбұл-лақ-құлақ-қайық-қасық т. б

1. «Рақым» кезеңі

Оқушылардың білім сапасын тексере отырып ТЕСТ жұмысы жүргізіледі

Кімдер жүйрік өнерпаз білейікші

Өнерліні , білімдіні білейікші

Жүрейікші жүзден жүйрік шыққан

Озық ойлы оқушыларымызды білейікші.

Ендігі сөзді әділ-қазылар алқасына береміз.