Біз ортақ шаңырақ астындамыз

Сынып сағаты тақырыбы:

"Біз ортақ шаңырақ астындамыз".

«Досболlike» бағдарламасы бойынша.

Қауіпсіздік сабағы «Шұғыл қызмет номерлері» (10 минут).

Күні:

06.05.2025ж

Сынып жетекші:

Ж.Ә.Тыныштықова

Сыныбы: 4Б

Қатысушылар саны: 20

Қатыспағандар саны:

Мақсаты:

Халықтар арасындағы достықты нығайту, осы мақсатта студенттердің достық қарым-қатынастарын қалыптастыруды жалғастыру, Қазақстанның өркендеуіне достық арқылы өз үлестерін қосуға баулу.

Құндылықтар:

Бірлік және ынтымақ.

«Ынтымақ, бірлік, келісім-ең асыл байлық ел үшін».

Сабақтың барысы

Сабақтың кезеңі/ уақыт

Мұғалім әрекеті

Оқушы әрекеті

Ресурстар

Ұйымдастыру кезеңі (5 мин)

Апта дәйексөзі «Ынтымақ, бірлік, келісім-ең асыл байлық ел үшін».

Бүгінгі сынып сағатымыздың тақырыбы: «Біз ортақ шаңырақ астындамыз». Мақсаты: 1 – мамыр Қазақстан халықтар бірлігі күні мерекесі екенін жеткізу. Ынтымақтыққа, достыққа, өз Отанын сүюге, қорғауға, көп ұлтты халқымыздың тыныштығы мен бірлігін нығайтуға ат салысатын азамат болуға тәрбиелеу. Балалардың бірлік, ынтымақтастық туралы түсініктерін кеңейту.

Оқушы: Қош келдіңіздер құрметті ұстаздар! «Үздік сынып жетекші-2025» байқауына қатысушы 4 Б сыныбының біздің сүйікті сынып жетекшіміз Тыныштықова Жайнагүл Әлімжанқызы.

«Біз ортақ шаңырақ астындамыз» атты сынып сағатының жоғары деңгейде өтуіне сәттілік тілейміз.

1 слайд

Сабақ ортасы (10 мин)

Қойылым атауы:

«Бір шаңырақ астында».

Кейіпкерлер:

-Ақсақал (үлкен атаның рөлінде бір оқушы)

-Әже (ананың рөлінде бір оқушы)

-4-5 бала (әр бала қазақтың әр өңірінен келгендей сипатталады)

Қойылым барысы:

(Сахнада ақсақал мен әже отырады. Балалар сахна сыртында).

Ақсақал:

-Көз қуанышым, балаларым қайда екен?Бүгін бәрін осы киелі шаңырақтың астына жинағым келеді.

Әже:

-Иә, атасы, бүгін үлкен күн! Бірлік пен татулық күні! Олай болса балаларды шақырайық. Қайдасыңдар балаларым, шаңырақ астына жинала қойыңдар!

(Әуенмен балалар бір-бірлеп жүгірі шығады).

1-бала (Арқадан келген):

-Армысыздар, Ата-әже! Арқа төрінен ақ тілекпен келдім!

Ата: Төрлет, балам, жоғары шық!

Арқа: Арқаның төрі-киелі мекен,

Бірлік пен достық –менің тектен.

Шаңырақ астында шаттық тұнған,

Қазақтың баласы-ұлы даладан!

2-бала (Жетісудан келген):

-Көрікті Жетісудан сәлем ала келдім!

Ата : Қош келдің балам!

Жетісу-жайқалған бақ, гүлді жер,

Бірлік деп соғады жүректер,

Қасиетті шаңырақ астында біз,

Достығымыз мәңгіге бірге өтер!

3- бала (Батыстан келген):

-Есенсіздер ме ата , әже. Мен Батыстың самал желін ала келдім!

Әже: Жоғары шық балам!

Каспиідің самалы есті мені,

Бейбіт күн-елімнің көктемі,

Бір шаңырақ астында ждарастық бар,

Бірге соғар қазақтың жүректері!

4-бала (Сырдан келген):

-Сәлембердік ата-әже! Сыр бойының сәлемін менде ала келдім!

Сыр елі-жыр елі, арман мекен,

Бірлікпен биіктеп барады екен.

Шаңырақтың астында тұтасамыз,

Ынтымақ-тірегім, қуаныш-сен!

(Барлығы ата-әжесіне сәлем беріп, айнала дөңгелене тұрады).

Ақсақал:

-Балаларым, сендер әр жерден келсеңдер де, бәріңнің тамырың-қазақ! Бәріміз-бір халықпыз! Бәріміз-бір шаңырақ астындамыз!

Әже:

-Шаңырағымыз биік болсын, балаларым! Тату болыңдар, дос болыңдар!

(Балалар қол ұстасып, шағын шеңбер құрайды).

Барлығы бірге шаттанып:

-Біз біргеміз! Бір шаңырақ астындамыз!

(Барлығы сахнада иіліп, көрерменге бас иеді).

5- бала (Түйін сөз үшін):

Бірлік пен бейбіт күн-байлығымыз,

Ортақ аспан-туған шаңырағымыз.

Достықты жырлаймыз шаттана біз,

Ортақ Отан-мәңгілік жырымыз!

Хормен: «Біз ортақ шаңырақ астындамыз».

Сахна көрінісі:

-Қазақ үйдің үлкен суреті немесе шағын шаңырақтың бейнесі.

Ортасы (15 мин)

Балалар, қойылымнан кімдерді көрдіңіздер? Ол балалар қайдан келіп жатыр?

-Қазақстанның әр өңірінен.

Мінекей, балалар бүгінгі сынып сағатымызға ата-аже рөлінде ата-аналарымыз және сол төрт өңірден балалары төрт топ болып, (Сыр, Арқа, Жетісу, Батыс) қатысып отыр.

- Олай болса, біздер Қазақстанның басқа қалаларын білеміз бе?

Олай болса, сөзжұмбақ шешейік.

1. Күріш өсіретін аймақ.

2. Еліміздің астанасы

3. Мыстың қазынасы атанған өңір ?

4. Біз тұрып жатқан облыс.

5. Екі сөздің бірігуі арқылы жасалған қала атауы.

6. «Қазақстанның тарихии орталығы» атауына ие қала.

7. Апорттың отаны.

8. Каспий теңізі орналасқан қала

9. Көмір шығаратын қала.

Осы аталған қалалардың және басқа да Қазақстан қалаларының барлық халқы бір шаңырақ астында өмір сүруде. Біздің елімізде түрлі қазба байлықтары, кен орындары, тарихи өлкелер және зиялы қауым өкілдері бар.

-Бір шаңырақ астында тату тәтті өмір сүру үшін қажетті ортақ нәрсе не ?

-Бірлік,тірлік,достық,ынтымақ қажет.

Бірлік,тірлік,достық,ынтымақ туралы мақал-мәтел сұрау.

Мақал-мәтелдерге қатысты сәйкестендіру тестін орындайық.

1 мамыр- Қазақстан халқының бірлігі күні. Бұл татулық пен достықтың мерекесі. Біздің елімізде көп ұлт тұрады. Бұл жерде түрлі ұлттың балалары бірге ойнап, бірге оқиды. Тіліміз бөлек болса да, жүрегіміз бір. Себебі біз бір шаңырақ астында өмір сүріп жатырмыз. Бірлік пен татулық біздің ең үлкен байлығымыз. Ол үшін Отанымызға алғыс айтамыз.

Монтаж.

1-оқушы.

Бірлік-біздің байлығымыз,

Татулық-шын айбарымыз.

Бір шаңырақ астында біз-

Қазақстан ортақ үйіміз.

2-оқушы.

Туымыз бір,Отанымыз,

Бейбіт өмір бағымыз.

Бір шаңырақ астында-

Бақытты елдің баласымыз.

3-оқушы.

Күн астында жайнаймыз,

Бар ұлтпенен сайраймыз.

Бірлік пенен достықты

Ұран етіп тойлаймыз.

4-оқушы.

Бірлік керек баршаға,

Береке үшін, ел үшін

Бір шаңырақ астында

Жасай берсін кең күнім.

Хормен: «Біз ортақ шаңырақ астындамыз».

Алдадосова Айназдың орындауында «Қазақ осы» термесі.

Сұрақ-жауап.

Quiz Concepts платформасы арқылы.

Соңы

5 мин

Рефлексия. «Туған елге тілегім...»

«Ақ көгершін» хор.