Бас ?ріппен жазылатын с?здер

Батыс Қазақстан облысы

Сырым ауданы

В.И.Шубин атындағы ЖББОМ

«Бастауыш сынып мұғалімі»

Беккужина Бағила Салыққызы

Сабақтың тақырыбы: Бас әріппен жазылатын сөздер

Сабақтың мақсаты: кісі, жер-су, жануарлардың аттары бас әріппен жазылатынын меңгерту. Қойылған сұраққа толық, түсінікті, дәлелді жауап беруге машықтандыру. Өз ойын дұрыс жеткізе білуге дағдыландыру. Туған жерін, Отанын қорғауға баулу.

Сабақтың түрі: жаңа сабақ

Сабақтың әдісі: түсіндіру, сұрақ-жауап,сто

Сабақтың көрнекілігі: топшама, үйшік, тау, қала, өзен-көл суреттері

Сабақтың барысы:

І. Ұйымдастару кезеңі

- Оқушылардың оқу-құралдарын тексеріп, назарын сабаққа аудару

ІІ. Үйтапсырмасын тексеру

5-жаттығу. Оқушыларға өз орындарынан оқытып, тексеріп, талдатамын.

ІІІ.Өткен сабақты бекіту

«Өз үйімді тауып берші» ойынын ойнатамын.

Шарты: Кім?, не? атты екі үй тұрады. Партаның үстінде заттың атын білдіретін сөздер жатады. Оқушылар сол сөздерді тиісті орнына апарады.

Сөздер: парта, әнші, ит, кітап, дәрігер, оқушы, ағаш, ата, мектеп, кітапханашы

Не?мммм

Кім??мммм

ІҮ. Жаңа сабақ

1.Қызығушылығын ояту

Тақтаға мынадай сөйлем жазамын.

менің азат пен мадина деген достарым бар.

- Балалар, сөйлемді оқиықшы. Мен дұрыс жаздым ба? Қате табылып, талданады. Неге бас әріппен жазылатыны сұралады. Осыған қарап оқушылар ережені өздері шығарады.

2. Оқулықпен жұмыс

1-жаттығу. Көп нүктенің орнына тиісті сөзді қойдырып жаздырамын.

Тапсырма: Отбасыңда тағы кімдер бар?

• Адамның аты-жөнін қандай әріппен жаздық? Неге?

• Отбасына кімдер жатады?

2-жаттығу. Жаңылтпашты оқытып, жаңылмай айтқызамын.

• Жаңылтпаштың ішінен балалардың аттарын тапқызып, неліктен үлкен

әріппен басталып жазылғанын сұрау.

3.Сергіту сәті (видеоролик)

4-жаттығу. Мәтінді оқытып, ішінен жер-су аттарын теріп жазғызамын.

• «Ертіс-Қарағанды» каналына сөздік жұмысын жүргіземін.

Тапсырма: оқушылар, мына стикерге өздерін білетін бір-бірден таудың, қаланың, өзен-көлдердің атын жазып тиісті суретке жабыстырайық.

5-жаттығу. Өлеңді көшіртіп, қала мен мемлекет аттарынын астын сыздыртамын.

• Ұшқыш деген кім? Ұшақ қайда ұшады? Ұшақ ұшатын жерді қалай атайда?

• Олардың қайсысы қаланың, қайсысы мемлекеттің аты?

• Осы қалалар туралы не білесіңдер?

• Куба мемлекеті қай құрлықта орналасқан?

(Осы кезде география пәнінін мұғалімі келіп, картадан осы қалаларды көрсетіп, қысқаша мәлімет беріп кетеді. Мәскеу Ресей мемлекетінің бас қаласы , Ташкент Өзбекстанның бас қаласы екендігін. Куба мен Тува мемлекет екендігін айтып кетеді)

• Біздің мемлекетіміз қалай аталады? Ал бас қаламыз ше?

Ү. Жаңа сабақты қорытындылау

- Балалар, бүгін біздер қандай сабақпен таныстық?

- Қандай сөздерді бас әріппен жазады екенбіз?

Тапсырма: Балалар мен заттың атын білдіретін сөздер оқимын. Ал сендер бас әріппен жазылатындарды бір бөлек, кіші әріппен жазылатындарды бір бөлек жазасыңдар.

Сөздер: Астана, телефон, Құлагер, Ақтөс, мектеп, дәрігер, Жайық, нан.

ҮІ. Үйге тарсырма

3-жаттығу. Жануарларға ат қойып, ертегі құрастырып келу

ҮІІ. Бағалау

Сабаққа жақсы қатысқан оқушыларды мақтап, бағалау