Мақсаты: Балаларға Қазақстан Республикасының констутциясы туралы білімдерін үйрету;
Ата Заңымыз туралы білімдерін дамыту;Отанды сүюге, патриоттыққа тәрбиелеу. Көрнекті Слайд арқылы ҚР-ның рәміздерімен таныстыру. Мнемотехника тәсілі арқылы
қүралдар: өлеңді жаттату.
Шаттық шеңбері: Арайлап таң атты,
Алтын сәуле таратты.
Жарқырайды қаламыз,
Жайнай түссін даламыз.
Қайырлы таң қонақтар,
Қайырлы таң достарым!
- Балалар біз қандай Республикада тұрамыз?
- Біз Қазақстан Республикасында тұрамыз
- Еліміздің Астанасы қай қала?
- Астана қаласы
- Қазақстан Республикасының президенті кім?
- Қазақстан Республикасының президенті Нұрсұлтан Әбішұлы Назарбаев.
- Балалар сендер еліміздің рәміздерін білесіңдерме?
- Біздің еліміздің рәміздері Ту, Елтаңба , Әнұран.
Әнұран орындалады.
Тәрбиеші: Еліне арналатын тілегі шың
Ұрпақтарым –Отанымның түлегісің
Іргесін туған елдің тіреп тұрған
Қадірін Ата Заңның білемісің
«Балам бол басқа бол, бәріңе заң біреу-ақ» Ж.Баласағұнұлы.
Балалар, біздің еліміз егемен Қазақстан. Егемен тәуелсіз елдің азаматтарымыз, сондықтанда біз бір заңға бағынамыз. Ол Қазақстан республикасының констутциясы-Ата Заңымыз.
Балалар сендер шыр етіп дүниеге келдіңдер. Сендер сияқты қаншама бала күн санап дүниеге келуде. Нәресте дүниеге келген соң ,өзіне есім және азаматтық алуға, өз ата-анасын танып білуге , олардың тарапынан қамқорлық көруге,еркін өмір сүріп дамуына құқығы бар. Бәрімізге ортақ ҚР –ның Ата Заңы-1995 ж 30 тамызда қабылданды. Міне биыл заңымыздың қабылданғанына 20 жыл толып отыр. Мерекелеріңіз құтты болсын. Ендеше , балалар Заңымыз туралы тақпақтар айтайықшы.
Аслан: Әділ заң-еңбек,жемісің,
Бағалар ерлер жемісін.
Адамның еркін айқындап,
Қызмет етер ел үшін.
Раушан: Бұл заңда жеңіс, даңқымыз,
Салтанат құрған салтымыз.
Сүйеніш,қамқор қорғаушы,
Сүйеді заңын халқымыз.
Нұршат: Ғұрпымыз бар ел сенген,
Дәстүрлері ел ізгі.
Әділет пен өлшенген
Заңымыз бар негізгі.
Жаннұр: Бас иетін бар адам,
Әр бір сөзі салмақты.
Қорғар бәле- жаладан,
Ата заң бұл ардақты.
Сергіту сәті:Бала,бала балақан
Қане,қайсы алақан?
Саусақтарың әйбат
Былай,былай ойнат.
Топ,топ басайық
Жалаудан күн жасайық
Жаса,жаса жарқын күн
Жаса,жаса алтын күн.
Тәрбиеші: Жарайсыңдар балалар , ендеше біз қазір « Ата Заңым менің» атты тақпақты
мнемотехника тәсілі бойынша жаттап алайық.
Оқы да білім ал деген,
От болда мәңгі жан деген,
Ата Заңым менің!
Еңбек ет еркін жүр деген,
Асыр салып, ойнап күл деген
Ата Заңым менің!
-Балалар, біз бүгін Ата Заңымыз туралы білім алдық. Сонымен қатар бұл
заңда біздің демалуға, ойнап күлуге, еркін еңбек етуге құқымыз бар екен.
