Просмотр содержимого документа
«Ата-ана ?ам?орлы?ы »
Тақырыбы: Ата-ана алақаны жылы ұя
Мақсаты: Баланың дамуына теріс ықпал
ететін жолдардың алдын-алу, бала тәрбиелеу
сапасының аз да болса жоғарылауына көмектесу.
І. Жаттығу. Амандасу
Мақсаты:
Бір-бірімізге жылылық, жақындық сезімін силау
Нұсқау:
1. Қасыңызда тұрған адаммен бір-бірлеріңізге
мұрындарыңызбен мұрындарыңызды үйкелейсіздер.
2. Бір-бірлеріңізге арқа түйістіріп үйкелесу арқылы
сәлемдесеміз.
3. Бір-бірлеріңізге құлақтарыңызды түйістіріп
Амандасу
Ой қозғау бөлімі
Мақсаты:
Ананың балаға, баланың анаға деген махаббатын ояту.
Ата-ана:Бала сөзіне анықтама беру.
Оқушы: Ана деген кім?Ана сөзіне анықтама беру.
ІІ.Ситуациялық сұрақтар
Мақсаты:
Бала мен ата-ана арасындағы қарым-қатынасты
анықтау.
Нұсқау:
Стол үстінен кез-келген билетті алып,ситуациялық сұраққа жауап беру
(ойланбай тез әрі нақты жауап берулеріңіз керек)
1.Балаңыздың өнері, қандай да бір қызығушылығы, бейімділігі байқалса, не істер едіңіз?
2. Баламен сөйлесе білу де өнер. Бала күніге көптеген сұрақтар қойып сіздің мазаңызды алып жатады,осы сәтте сіз жауап беруге тырысасыз ба, жоқ әлде елеусіз қалдырасыз ба?
3. Сізге мектептегі мұғалімдерден балаңыз тыныш отырмайды, көп сөйлейді деген сөз естуге тура келді.Не істейсіз? Балаңызды қалай тәрбиелейсіз?
3. Сізге мектептегі мұғалімдерден балаңыз тыныш отырмайды, көп сөйлейді деген сөз естуге тура келді.Не істейсіз? Балаңызды қалай тәрбиелейсіз?
4. Кейбір ата-ана баласының істеген іс-әрекетіне көңілі толмай : сен істей алмайсың,сен сала алмайсың, сенің қолыңнан не келуші еді,-деп айтып жатады.Баланың іс-әрекетіне теріс баға беруге қалай қарайсыз? Өзіңіз не істер едіңіз?
5. Балаңыз күнде таңертең сабаққа тұрғысы келмей, бармай-ақ қояйыншы, ертең барам ғой деп қайта ұйықтап қалды. Сіз осыны қалай жөнге келтіресіз?
Сергіту сәті «Бой жазу»
Жаттығу. Жанұя ойыны “Бір-бірімізді білеміз бе?”
Мақсаты:
Ата-ана мен бала бір-бірін қаншалықты деңгейде білетіндігін анықтау.
Нұсқау:
Бірнеше сұрақтар жазылған парақ ата-анаға,оқушыға беріледі. Қысқаша жауабын нақты жазу керек.
Жазып болғаннан кейін ата-ана мен баланың жауабы арқылы бір-бірін қаншалықты деңгейде білетіндігі анықталады.
Осы жаттығу кезінде ата-ананың көзін байлап, баласының алақаны мен саусақтарын ғана ұстап өз баласын тану.
“Тұмар тағу” жаттығуы
Мақсаты: Бала мен ананың бір-біріне деген махабатын ояту.
Нұсқау: Ата –ана мен бала бір-бірлеріне тілек жазып оны тұмар ішіне салады. Сол жазылған тілекті айтып, анасы баласының, баласы анасының мойнына тұмар тағады
