Ашық сабақ Тақырыбы: "Мағынысы қарама- қарсы сөздер"

Тақырыбы: Мағынысы қарама- қарсы сөздер

Мақсаты: - Сөз туралы оқушылардың алған білімдерін пысықтау, мағынасы

қарама- қарсы сөздерді меңгерту, сөз мағынасына мән беруді

үйрету, түсіндіру, мағынасы қарама-қарсы сөздерді мәтіннен таба

білуге үйрету;

• сөздер арқылы оқушылардың сөз байлығын арттыру, сөйлеу

дағдыларын жетілдіру, есте сақтау қабілеттерін дамыту;

• тез ойлауға, дұрыс шешім қабылдауға, бірін-бірі сыйлауға

тәрбиелеу, ұқыптылыққа, адалдыққа баулу.

Көрнекілігі: суреттер, компьютер, мақалдар, карточкалар.

Түрі: дәстүрлі емес сабақ

Әдістері: түсіндіру, ойын, сұрақ-жауап

Сабақтың барысы:

1. Ұйымдастыру кезеңі:

• Балалар, бүгінгі сабағымыз ерекше сабақ. Бүгін сабағымызға қонақтар келіп отыр. Қонақтарға амандасып, сабағымызды бастайық. Қазір біз білімді аталар ауылдарына саяхатқа барамыз. Бұл ауылдарда берілген тапсырмаларды орындаймыз.

• Жеті аталарға кім жатады?

әке Жеті ата ата

немене бала немере шөбере шөпшек

• Саяхатқа шыгу үшін өзімізге көлік әзірлеп алайық.

• Қандай көліктермен бара аламыз? Көлік түрлерін атандар.

• Дұрыс, балалар, бірақ ертедегі ауылға барамыз. Бұрын ата-бабаларымыз техника дамымаған.Ертеде көлік ретінде нені қолдаған?

• Атты, түйені, өгізді.

• Сендер соның қайсысын қалайсыңдар?

• Атты.

• Жарайды, атты жолға әзірлейік.

• Атты шанаға жегу үшін қандай жабдықтар керек?

• Доға, делбе, қамыт, ершік, шана.

• 2. Ал ,ендеше, жолға шығайық. «Ата» ауылына келіп қалыппыз. Мынадай тапсырмалар дайындапты:

Сынақ дорбасы

Сөз неден құралады?

1. Сөз не үшін керек?

2. Сөздерден не құралады?

3. Сөйлемнің ішінде сөздер калай жазылады?

4. Сөйлемнің ішінде сөздер қалай тұрады?

5. Сөйлемде қанша сөз болады?

2 тапсырмасы: Берілген сөздерге мәндес сөздерді тап.

Дос- /жолдас/

батпақ /саз/

нұр /сәуле/

ақсақал - /қария/ ағайын- /туыс/ бөпе -/сәби/

• Сонымен, сөз, мәндес сөздер жайлы білгенімізді еске түсірдік. Енді тағы сөздің түрлері бар екен. Ол мағынасы қарама – қарсы сөздер.Антоним.

2. Балалар, жер тайғақ , құлап қалмайық. Бәріміз жөнделіп отырайық. «Әке» ауылына келдік.

Суретпен жұмыс. Қарама- қарсы сөздерді табу.

Биік- /аласа/

Үлкен- /кіші/

Қыс- /жаз/

Күн- /түн/

• Оқулықтағы ережемен жұмыс. Ережені оқу. Мысал келтіру.

Мақалды оқып беру,қарама-қарсы сөздерді табу, жазу.

Ақылды іс тындырады,

Ақымақ тіс сындырады.

3. «Бала» ауылы.

- Енді Бала ауылына жетеміз.Бұл ауылда Поэзия минутын өткіземіз.

Қызғалдақтың иісінен

Ісіп кетті бас, шекем.

Балы тәтті болғанмен,

Тілі өзінің ащы екен.

• Қарама -қарсы сөздерді табу, көшіріп жазу.

4. Енді «Немере» ауылына келдік. Сергіту сәті.

5. Көзді ашып жұмғанша «Шөбере» ауылына келіп қалаппыз. Оқулықпен жұмыс.

Тапсырмасы: Бірінші қатардағы сөздерге екінші қатардан қарама-қарсы мағыналы сөздерді тауып , тақтаға жазу.

Тар қону

Жас қатты

Қалың қысқа

Кіру кәрі

Көшу кең

Жұмсақ шығу

Ұзын жұқа

6.»Шөбере» аулынан шығып, шөпшек ауылына бет алдық. Міне

«Шөпшек» аулына келдік. »Шөпшек» ауылы сендерге мынадай тапсырма дайындапты.

Өзіндік жұмыс. 115 бет 5 жаттығу. Мәтінді оқы. Қарамен жазылған сөздердің орнына қарама-қарсы мағыналы сөздерді тауып, мәтінді көшіріп жаз.

Жылқы – салқынға төзімді мал. Сақылдаған сары аязда қыс бойы қалың қарды теуіп жайылады. Өткені жылқының майы суыққа тез қатпайды.

7. Енді соңғы ауылға жеттік. «Немене» ауылы.

«Сөйлемнің жалғасын тап» ойыны.

• Үлкен кісі бастар, /кіші кісі қостар/.

• Жақсы бала – қуаныш, /жаман бала-өкініш/.

• Жазда күн ұзарады, /ал қыста қысқарады/.

• Батыр бір өледі, /қорқақ мың өледі/.

• Ашу дұшпан,/ақыл-дос/.

Қорытынды: Сонымен біз бүгін қандай сөздермен таныстық?

Мысалдарды келтір.

• Мағынасы қарама-қарсы сөздерді антоним деп атайды.

Үй жұмысы: 115бет жат 6

Бағалау.