Ашы? саба?ты? та?ырыбы: 9 санын ?осу ж?не азайту

Пәні: Математика

Күні:

Ашық сабақтың тақырыбы: 9 санын қосу және азайту.

Сабақтың мақсаты:

1) білімділік: 9 санын қосу және азайту тәсілдерімен таныстыру (сандар құрамы туралы білімдеріне, бөліктер бойынша, қосу мен азайту амалдарының өзара байланысы негізінде және қосудың ауыстырымдылық қасиетіне сүйену).

2) дамытушылық: оқушылардың ойлау, есте сақтау қабілетін дамыту. Логикалық ойлауын, есептеу дағдыларын жетілдіру. Белсенділігін арттыру.

3) тәрбиелік: Бірін-бірі сыйлауға, ұқыптылыққа, алғырлыққа тәрбиелеу.

Сабақтың түрі : білімін және іс-әрекет әдістерін жетілдіру

Сабақтың әдісі: сұрақ-жауап, түсіндіру, талдау,көрнекілік, «миға шабуыл», практикалық жұмыс, «кубизм»

Көрнекіліктер: түрлі суреттер, ойындар, аққала, үй конструкциялары, доп, куб

Сабақтың барысы:

І. Ұйымдастыру кезеңі.

1. Оқушыларды қарым-қатынасқа психологиялық дайындау.

2. Оқушылардың сабаққа дайындығын тексеру.

ІІ. Үй тапсырмасын тексеру.

Қосудың ауыстырымдылық қасиетін қайталау.

Ауызша жаттығулар орындату (доп лақтыру арқылы есеп шығарту)

«Миға шабуыл», сандардың қосу және азайту кестесін сұрау, тез есептеуге бейімдеу

ІІІ. Жаңа түсініктер мен әрекеттердің қалыптасуы

Психологиялық дайындық.

Қане, достым, санайық!

Беске бесті қосайық.

Дұрыс жауабын тауып ап,

Кілең бестік алайық!!!

• Міне, балалар, қандай ақылдысыңдар, 5+5 неше болады, кім бірінші айтады екен! 10 дұрыс. Балалар, қане айта қойыңдаршы, 10 санының көршісі қай сан екен? 9 дұрыс. Балалар, бүгінгі тақырыбымыз осы 9 санына байланысты болмақ. Тақтаға қараңдаршы, қанша көбелек салынған? 9. Оның жанына тағы біреу қосылса ше? Қандай сан шығады? 10. Осыдан 9+1 10 болады екенін таптық. Ал керісінше осы есепті тексерейік. 10-9 неше болады? 1.

Енді қосылғыштардың орнын ауыстырып көрелік.

Қосудың ауыстырымдылық қасиетін қайталап түсіндіру

Шыққан есептерді балаларға хормен оқыту

Ал, қазір бүгінгі күнді жазып, 9 санының қосу және азайту кестесін дәптерге жазып алыңдар.

Бүгін мен сендерге қызықты ойын сабағын дайындадым. Менде әдемі бір суреттер бар. Бірақ оны құрастыру керек. Әр бөлікте берілген тапсырманы орындау арқылы суретті құрастырасыңдар. Ал, қане бастайық.

Балалар шығып, бөлікті таңдайды. Жазылған тапсырманы оқып, орындайды.

1 бөлік: №1 есепті шығар

Міне, тамаша.

2 бөлік: Сергіту жаттығуын орындайық

Қошақаны қойдың, қайда қалып қойдың?

Бұлтиып тұр бүйірің, қай өрістен тойдың?

Секең, секең, ей, лақ, жүрмін саған кейіп-ақ,

Тыным тапсаң болмай ма, секірмей-ақ бір уақ.

№2. Шыршаның 3 бөлігі . Есептің шартын толықтыру. Есепті қысқаша жазу және шығару.

Аққу – 7

Қарақу – ?, 2-еуі артық

Шешуі: 7+2=9 (қ)

Жауабы: 9 қарақу

-Балалар, ненің бейнесі шықты? Шыршаны қандай фигуралардан құрастырдық? Үшбұрыштардан, дұрыс.

№3 есеп. Аққаланың астыңғы бөлігі. Есептерді ауызша шығару

Сергіту сәті: Аққаланың үстіңгі бөлігі

Тербеледі ағаштар,

Алдымнан жел еседі.

Кіп-кішкентай ағаштар.

Үп-үлкен боп өседі.

№4 есеп. Аққаланың басы. Өрнектердің мәндерін тапқызу. 3, 4 баған аққаланың шелегі

6+4=10 10-6=4 10-7=3 4+5=9

7-4=3 7+3=10 8-5=3 7+2=9

2+6=8 8-5=3 3+4=7 7-5=2

Кубизм әдісін қолдану: Шығармашылық тапсырма

Кубты лақтырған кезде қандай сан түссе сол саннан басталатын есеп құрастырып шығару.

Сабақты қорытындылау: Үйдің үстіңгі бөлігі:

9 санын қосу және азайтуға берілген есептерді шығару

Есепте: *+1=10 10- * =1

Есепте: *+9 =10 10- * =9

Үйдің екінші бөлігі:

Үй тапсырмасы №5 есеп

Үйіміз қандай фигуралардан шықты?

Оқушыларды бағалау.

Қоштасу