4-сынып Қазақ тілі
Сабақтың тақырыбы: Жіктеу есімдігінің септелуі
Сабақтың мақсаты:
Білімділігі:Оқушыларға жіктеу есімдігінің септелуін зат есімнің
септелуімен салыстыра отырып меңгерту.Есімдікті сөйлеу
тәжірибелерінде саналы түрде қолдана білуге үйрету.
Дамытушылығы: Ой-өрісін,тілін дамыту,өз ойын тез әрі жүйелі түрде
жеткізуге, шығармашылыққа баулу.
Тәрбиелілігі: Оқушыларды өз ана тілін сүюге,ұлттық салт-
дәстүрді,өнерді сүюге тәрбиелеу.Жетістікке жетуге
машықтандыру.
Сабақтың түрі: аралас сабақ
Сабақтың әдісі:Ой-қозғау,топтық жұмыс,сын тұрғысынан ойлау технологиясының
стратегиялары.
Көрнекілігі: слайд,кесте,білім ағашы,фломастер,стикер,ақ қағаз
Сабақтың жүру барысы:
І.Ұйымдастыру бөлімі
Психологиялық дайындық
Бес болсын алар бағамыз,
Білімнен бақыт табамыз.
Өнер-білім көп қуып,
Өсе берсін санамыз.
Топқа бөлу,топ басшыларын сайлау және бағалау парақшаларын үлестіру.
ІІ.Үй тапсырмасын тексеру
24-жаттығу.Оқушылар тапсырманы оқиды.
ІІІ.Жан-жақты білімдерін пысықтау
-Балалар ,өткен сабақта қандай тақырыптармен таныстық? Үш топ оқушыларына сұрақтар беру:
1-топқа.Есімдік дегеніміз не?
2-топқа.Есімдіктердің қандай түрлері бар?
3-топқа.Есімдіктерді қатыстырып сөйлемдер құра.
(Кластер құру)
ІV.Жаңа сабақ тақырыбын хабарлау.
-Балалар,бүгінгі сабағымыз өткен сабақпен байланысты.«Жіктеу есімдігінің септелуі»деп аталады.Зат есімдерді біздер септей аламыз,олай болса жіктеу есімдіктерін де септей аламыз.
(Слайдтан көрсету)
А.с. кім? мен,сен,сіз,ол
І.с.кімнің?менің,сенің,сіздің,оның
Б.с.кімге?маған,саған,сізге,оған
Т.с.кімді? мені,сені,сізді,оны
Ж.с. кімде?менде,сенде,сізде,онда
Ш.с. кімнен?менен,сенен,сізден,одан
К.с.кіммен?менімен,сенімен,сізбен,онымен
V.Оқулықпен жұмыс
VІ.Дәптермен жұмыс
Енді,дәптерлеріңізді ашып,бүгінгі күннің жады мен тақырыпты жазамыз.
Көркем жазу(жіктеу есімдігіне сөйлем жазу)
Топтық жұмыс
1- топқа 25- жаттығу(Сөйлемдерді көшіріп жаз.Қарамен жазылған есімдіктердің астын сыз.Оларға сұрақ қой,қай септік екенін айт.)
2-топқа 27-жаттығу(Жіктеу есімдіктерін сұрақтардың ыңғайына өзгертіп жаз.Неліктен солай өзгерткеніңді дәлелде.)
3-топқа 28-жаттығу(Берілген есімдіктерді қатыстырып сөйлем құра.)
VІ.Сергіту сәті
Жұмбақ жасыру:
Құс сияқты, құс емес,
Самғап ұшқан биікке.
Қанаты бар қақпайды,
Жүрсе де сондай биікте.
(Ұшақ)
Ендеше,«Ұшақ ұшыру» ойынын ойнайық. Ойын шартын түсіндіру.
Деңгейлік ттапсырма
1-топқа.«Достар» тақырыбында мәтін беріледі.Мәтіннен есімдіктерді табу және қай септікте тұрғанын айту.
2- топқа.Ребус құру.
3-топқа. Семантикалық карта.
Әр топ дайындалып,жауап береді.
VІІ.Қорытынды.
-Біз не үйрендік?( Балалар білім ағашына білген,түйген білімдерін стикерге жазып жапсырады)
VІІІ.Бағалау және үйге тапсырма беру.
Әр топ басшысы өз тобының оқушыларын бағалайды,топтар бірін-бірі бағалайды.
Үйге 30-жаттығу беріледі.
Ақтау қаласы
№ 8 жалпы білім беру орта мектебінің бастауыш сынып мұғалімі
Халидуллина Гулзира Сабировна
