Ас ?орыту м?шелері ж?не оларды? ?ызметі

Қызылорда облысы

Жаңақорған ауданы ст.Аққұм

Негізгі білім беретін №221 Аққұм мектебінің

дүниетану пәнінің мұғалімі Нысанбаев Бақберсін

Дүниетану 3-сынып

Тақырыбы: Ас қорыту мүшелері және олардың қызметі.

Ас қорыту жолы және астың қорытылып сіңуі

Мақсаты:а)Білімділік: Ас қорыту процесінің мәнімен,адам ағзасында энергия мен зат алмасудағы маңызымен таныстыру:қызметіне байланысты асқорыту мүшелерінің құрылысы, атқаратын қызметі туралы білім алу.

Ә)Тәрбиелік: Санитарлық –гигеналық әдетке, салауатты өмір сүруге тәрбиелеу.

Б)Дамытушылық:Оқушыларға ас қорыту мүшелері және олардың қызметі жайлы мағлұмат бере отырып ой-өрісін дамыту.

Сабақтың типі: жаңа материалды меңгерту

Сабақтың түрі: Аралас сабақ.

Әдісі: Түсіндіру, сұрақ-жауап, әңгімелеу.

Пәнаралық байланыс:ана тілі, бейнелеу өнері

Көрнекілігі: Суреттер, үлестірмелер, интерактивті тақта.

Барысы: І.Ұйымдастыру кезеңі:

Амандасу,түгендеу,оқушылардың зейінін, назарын сабаққа аудару.

Оқушыларға «Денсаулық», «Бауыр» сөздерін айтқыза отырып екі топқа бөлемін. Денсаулықты айтқан оқушыларды «Денсаулық» тобына, бауырды айтқан оқушыларды «Бауыр» тобына бөлемін.

ІІ.Үй тапсырмасын тексеру кезеңі:

1. «Ойлан тап» ойыны «Тыныс алу мүшелерін» интерактивті тақтада ретімен орналастыру.

б)Суретпен жұмыс.

Суретке қарай отырып тыныс алуға зиян келтіретін заттарды атаңдар

2.Мазмұнын айтқызу

ІІІ.Оқушылардың білімін жан -жақты тексеру кезеңі: «Тест» Интерактивті тақтада

1.Адамның ішкі мүшелері нешеу?

А)8 ә)2 б)6

2.Жүрек неден тұрады?

А) жақсы жетілген бұлшық еттен ә)сүйектен б) тамырдан

3.Адамда неше жақ сүйек болады?

А)1 ә)2 б)9

4.Өкпе нешеге бөлінеді?

А)5 ә)7 б)2

5.Ас қорыту мүшесін тап.

А)мұрын қуысы ә)ауыз қуысы б)өкпе

6. Ас қорыту мүшелерін көрсетіп тұрған суреттін тап. ( интерактивті тақтадан)

IV.Мақсатын қою кезеңі:

Тақырыбын, мақсатын хабарлау. Ас қорыту мүшелері және олардың қызметі.

Ас қорыту жолы және астың қорытылып сіңуі.

V.Жаңа материалды түсіндіру кезеңі:

Электронды оқулықтан ас қорыту жолы және астың қорытылып сіңуін көрсету.

Ас қорыту жолы және астың қорытылып сіңуі тақырыбынан екі топ постер қорғайды.

3.Сергіту сәті

Дәптермен жұмыс:

Ас қорыту мүшелеріне: ауыз қуысы, жұтқыншақ, өңеш, қарын, ішек жатады

VI. Жаңа материалды меңгергенін тексеру кезеңі: Жұптық жұмыс

1. Жұп:Ауыз қуысының атқаратын қызметі.

2. Жұп:Қорытылған астың нәрі барлық ағзаға қалай тарайды?

3. Жұп:Жұтылған ас қандай жолдардан өтеді?

4. Жұп:Қорытылмаған ас қайда кетеді?

VII.Бекіту кезеңі: Жеке жұмыс

Ас қорыту мүшелеріне берілген суреттер әрбір балаға таратылып, ас қорыту мүшелерінің аттарын жазғызу.

VIII.Үйге тапсырма беру кезеңі:

1.Ас қорыту жолы және астың қорытылып сіңуі мәтінін оқу.

2.Ас қорыту мүшелерінің суретін салып келу

ІХ.Бағалау.