Ана тілі 1сыныпТа?ырыбы:?ой.С?з.

Бекітемін:

Сабақтың тақырыбы: Қой.Сөз.

Сабақтың мақсаты:а)Оқушылардың оқу-жазу дағдыларын жетілдіру,сөз туралы түсініктерін кеңейтуге мүмкіндік жасау;

ә)Сөздік қорларын,шығармашылық қабілеттерін дамыту;

б)Достыққа,ұйымшылдыққа,адамгершілікке тәрбиелеу.

Сабақтың көрнекілігі:проектор,парақшалар,ереже,слайдтар,бейнеролик.

Сабақтың түрі:Аралас сабақ

Сабақтың әдісі:СТО

Сабақтың барысы:

І.Ұйымдастыру кезеңі.

Психологиялық дайындық.

Даланың көркі –мал,

Өзеннің көркі-тал.

Ана тілі сабағында,

Айтылады төрт түлік мал.

ІІ.Үй тапсырмасын сұрау.

«Мал баласын қалай сүйеді екен?» өлең бойынша түсініктерін айтады.

ІІІ. Қызығушылығын ояту.

Тақтадағы сөзжұмбаққа қарап шешуін табайық.

-Мен сендерге жұмбақ жасырамын,сендер ойланып айтасыңдар.

Жұмбақ.

Тілдерімен жүреді,

Уақытты біледі.(Сағат)

Тәтті,тәттінің іші қатты.

Қаттының іші тәтті.(Өрік)

Аспанда бір алып құс ызғып ұшып барады,

Қарап тұрсаң ғажайып соңында із қалады.(Зымыран)

-Енді,оқушылар қызыл сызықтың ішіндегі сөзді оқиық.

-Сөз деген сөз шықты.

-Сөз деген не?

-Ол туралы не білеміз?

-Оқушылар сөз туралы өз ойларымызды сызбаға түсірейік.(Сызбамен жұмыс)

Дыбыстардан құралады Сөйлем құрап,ой жеткізеді

Сөз

Қимылдың атау Заттардың атауы

Санның атауы

ІV.Бейнеролик арқылы «Ой қозғау»

Сұрақ-жауап,талқылау.

V.Жаңа сабақ.Қой.

-Ауыз әдебиеті дегеніміз қандай шығарма?

-Бүгінгі тақырыбымыз да ауыз әдебиетінен алынған.

VІ.Оқулықпен жұмыс.

а) Мұғалімнің мәнерлеп оқуы.

ә) Оқушылардың кезектесіп оқуы.

б) Өлеңнің мазмұны бойынша сұрақтарға жауап алу.

-Бұл өлеңде не туралы айтылған?

-Ақын қойды қалай суреттеген?

-Қойдың төлін не деп атайды?

-Қойдың қандай пайдасы бар?

VІІ.Қой туралы ғылыми мағлұмат беру.

Қазақ ежелден мал шаруашылығымен айналысқан халық.Қазақ халқында әр малдың өз пірі,киесі бар.Қой атасы-Шопан ата.Қазақ халқы малды өте жақсы көріп қадірлейтінін өз баласын малдың төлін атағандай «Боташым,Құлыным,Қошақаным»деп еркелеткенін білуге болады.

Ал қой малын :қозы,көбеген,марқа,көрпеш,тоқты,бағлан,тұсақ,саулық,қошқар,қой деп атаған.

VІІ.Көрініс төрт түлік малдың көрінісі.

VІІІ.Сөздік жұмыс.

(Өлеңнен түсініксіз сөздерді түртіп алу)

Жамыраған-

Ақтылы-

Аңыраған-

ІХ.Сергіту сәті.«Қошақаным»

Шығармашылық тапсырма

Шашылған сөздерден сөйлем құрастыру.Неше сөз және әр сөзде неше буын бар екенін айтқызу.

Түйе,жылқы,8й жануарлары,жайлауда,шөп,жайылады,сүт,төрт түлік,сиыр.

Х .Көркем жазу

Сөз – адамның айнасы.

ХI.Дәптермен жұмыс.

1-тапсырма

Әр сөздің соңына әріп, қосып жаңа сөз жасау.

Бал...,қала... ,қор... ,ая... ,тара... ,жыл..., көкте... .

2-тапсырма

Тақтамен жұмыс.

Буынға сөздер құрастыру.

Ал - ар- бай -

ХІI.Бекіту.

Өздік жұмыс.

*Қойдың пайдасын кестеге түсір.

Әр оқушы өздері жазған сөздеріне сөйлем құрастырады және әр сөйлемде неше сөз бар екенін дәлелдейді.

ХІІI.Қорытындылау.

«Малды берсең,қойды бер

Ұлды берсең,ойлы бер» деген ата-абабаларымыздың жаңылмай айтып кеткен нақыл сөзді жадымыздан шығармай,төрт түлікті қадірлеп,қастерлей білетін келер ұрпаққа жеткізер ойлы азамат болады деген үлкен сеніммен сабағымызды аяқтаймыз.

ХІV.Үйге тапсырма.

3-жаттығу.Өлеңді жаттау.

XV.Бағалау.