Ана - аса қымбат жан

№ 3 арнайы жалпы білім беру мектебі

Тәрбие сағаты

Тақырыбы: Ана - аса қымбат жан

Дайындаған: Сатыбалдиева Т.Қ

Дәулет селосы, 2016ж

Тәрбие сағатының тақырыбы: « Ана – аса қымбатты жан»

Тәрбие сағатының мақсаты: Балалардың аналарына, бар адамзат анасына сүйіспеншілігін ояту.Ананың еңбегін ақтауға, құрметтей білуге тәрбиелеу.

Тәрбие сағатының көрнекілігі: Жазылған плакаттар ,шар, гүл суреттері.

Мұғалім: Құрметті аналар, әжелер, сіздерді әйел жанымен байланысты тамаша көктем мерекесі – 8 наурыз мерекесімен шын жүректен құттықтаймын.Алғашқы көктем мерекесі жер бетіне өмір сыйлаушы, ақылды, сымбатты, мейірәмді жандарға арналғаны қандай тамаша мереке! Әлемдегі ең асыл жан – Ана десек, жүрегімізде сүйікті жанғадеген махаббат сезімі оянады.Ана бұл аяулы да мейірімді жан.Баланың тілі шыққаннан – ақ бірінші сөзін «мама» деп айтады.Өмірдің есігін ашқаннан соң осы өмірдегі өзіңнің жан анаңды көресің.осы бір «Ана» деген үш әріптің аясында адамзат баласына қуаныш сыйлар қаншалықты қасиет бар десеңізші! Ару – Ана , Ару – асыл жар, Ару - көңілдің гүлі, Аоу – өмірдің жыры, тіпті айта берсең сөз жетпейді,Олай болса бүгінгі аналарға ,қыздарға арналған сыныбымыздың « Ана – аса қымбат жан» атты тәрбие сағатымызға қош келдіңіздер.

Балалар бәрі:Құттықтаймыз анашым, 8 –наурызбен!

Мұғалім: Уа,ағайын,ағайын

Көктем келді жайнаған.

Бау – бақшада бүгін той.

Қош келдіңіз ағайын.

Раушан гүлдер жайнаңдар,

Гүлдей жайнап тұрыңдар.

Құттықтаймыз сіздерді

Мерекемен бүгінгі.

1 оқушы:Әсел.

Той пердесін ашайық,

Тойға шашу шашайық.

Аналарды құрметтеп,

Ән маржанын шашайық.

Хор : «Анаға сәлем»

Мұғалім:

Ақ анашым ,аппағым

Өзің жайлы тақпағым.

Арналады сіздерге

Бар баланың тақпағы.

2 оқушы: Айша.

Алтын анам жасымнан аялаған

Мен үшін игілікті аямаған.

Сабақтан шаршап үйге келгенімде,

Балсөзі «жаным» деген сая маған.

3 – оқушы.Нұржігіт.

Құтты болсын ,ардақты ана

Асыл анам мерекең,

Құтты болсын теңдік алған

Қуаныщты мерекең.

Би: « Сүйіктім» орындайтын Оңдаған Ақбота.

4 оқушы.

Өмірдің иесі сен, Ғазиз ана

Келтірген дүниеге нелер дана.

Анасыз ақын да жоқ, батыр да жоқ,

Өмірдің алтын кілті соннда ғана.

5 оқушы.

Бал бөбегін баптаған

Мамам үшін мақтаған.

Аялайтын біздерді

Көп жасасын ақ мамам.

Ойын: «Қағазбен орау» шарты: 2 ата –ана,2 оқушы шығады.Анасы баласын орау керек.Тез, әдемі, суық тиіп қалмау керек.Сайыс түрінде өтеді.

6 оқушы: Жанболат.

Менің әжем, гүл әжем,

Алтын әжем, күн әжем.

Апам үшін, мен үшін

Нағыз ана тілі әжем!

7 оқушы: Ақбота.

Ақ қабақты анашым,

Күн көкірек мамашым.

Ақ сүтіңмен суардың

Бөбегіңнің санасын.

Мұғалім:

Аналар ақ тілекті, сөз көп дейін,

Жылытар жүрегіңді көз көп дейін.

Аналар ақ жаулықты бұл сіздерге ,

Қол соғып қарсы алайық «жорға биін» ер балалар орындайды.

8 оқушы: Нұрсұлтан.

Бөбегіңнің сыйлығын

Қабыл алшы анашым.

Ұзақ өмір жүз жасап

Ауырмашы анашым.

Мұғалім: Бәрімізде де әже, әпке, ана, қарындастарымыз бар. Жылына бір рет келетін аналар мейрамында қандай сыйлық жасасақ та жарасымды.Өйткені бізді өмірге алып келген, бізге әлемнің жарығын сыйлаған – анамыз емес пе? Олай болса, әр оқушының өзі дайындаған сыйлықтары бар екен. Соны табыс етуге рұхсат етіңіздер.

Мұғалім: Оқушыларымыздың тәтті тілдерімен айтылған өлең жырларын,тақпақ, билерін тамашаладық.Енді ата – аналардың тілегін тыңдағымыз келіп тұр.Аналар тілегін айтады.Осымен аналар мерекесіне арнап дайындаған оқушыларымыздың « Ана – аса қымбатты жан» атты тәрбие сағатымызды аяқтаймыз.