| Себепті қызығушылығын ояту кезеңі | Балалар, бүгін күн қандай керемет, ерекше күн. Қане, барлығымыз бір-бірімізге жылу, көтеріңкі көңіл-күй сыйлап, келген қонақ апайлармен сәлемдесейік. Аппақ,аппақ қар аппақ, Қар жамылған дала аппақ. Шұғыласын шашатын, Арайланған таң аппақ. Сәлеметсіздер ме апайлар! | Балалар бір-біріне жылы тілектерін білдіріп, қонақтармен амандасады. |
| Іздену-ұйымдастыру кезеңі | Тосын сәт: Есік қағылып, ішке Маша кіреді (қолында себеті бар). Маша: Сәлеметсіздер ме, балалар! Тәрбиеші: Ой, балалар мынау «Аю мен Маша» ертегісіндегі Маша ғой. Қош келдің, төрге шық. Маша: Ия, балалар мен досым аюды іздеп жүрмін. Орманның ішін шарладым, бірақ таба алмадым. Сендер көрмедіңдер ме? - Балалар, сендер Машаның досы Аюды білесіңдер ме? - Тағы қандай аңдарды білесіңдер? - Ал, осы жабайы аңдар қайда өмір сүреді? - Дұрыс айтасыңдар, балалар,олар орманда, таулы жерлерде мекендейді. - Қане, балалар суретке қарайықшы. Мен сендерге жабайы аңдардың қысты қалай өткізетіні туралы әңгімелеп берейін. Ал, осы орман аңдары жылдың әр мезгілінде өздерінше әзірленеді екен. Аю жеміс-жидек, жабайы аралардың балын жеп, жаз бойы денесіне май жинап, қыс бойы апанда ұйықтап, көктем шыға оянады. - Ал, қоян болса қысқа азық жинамайды, ол ормандағы ағаш бұтақтарын, қабықтарын, қурап қалған шөптерді қорек етеді екен, сонымен бірге қоян нені жақсы көреді? - Ал, енді түлкі ұсақ аңдармен, тышқандармен қоректенеді. Сөйтіп жабайы аңдар қыс бойы азықтарын өздері тауып жейді. Міне, балалар орманда мекен ететін аңдарға қамқорлық жасауымыз керек. Оларды өлтіруге болмайды, олардың да сендер сияқты кішкентай балалары бар. Аюдың баласы – қонжық. Түлкінің баласы – түлкішек. Қоянның баласы – көжек. Қасқырдың баласы – бөлтірік. - Қанекей, барлығымыз орнымыздан тұрып, Машамен бірге бойымызды сергітіп алайық. Сергіту сәті. Аю болып қорбаңдап, Түлкі болып сылаңдап. Қоян болып секіріп, Орнымызды табайық. - Жарайсыңдар, балалар. - Балалар, Машаға аюдың суретін салып берейік. - Аюдың түсі қандай? Аюдың бейнесін қалай саламыз, қане, маған тақтаға қараңдар. Аюдың басын кішкене дөңгелек, ал денесін үлкен дөңгелек етіп саламыз. Аяғын, қолын сопақша пішінмен саламыз...(Жұмыс барысында балалардың ұқыпты жұмыс істеуін қадағалау) Тауға шықсаң қалың қар, Сайға түссең қалың қар. Шырша үсті қалың қар, Байқаңдар, қар астында. Ұйықтап жатқан аю бар. Тәрбиеші: Маша саған аюдың суретін сыйға тартамыз, қабыл ал. Маша: Рахмет, балалар. Менің кететін уақытым болыпты. Сау болыңыздар! Дыбыстық жаттығулар: -Ян –ян –ян – секеңдеген қоян, -Ю –ю –ю –қорбаңдаған аю. -Кі –кі –кі –бұл айлакер түлкі, -Қыр –қыр –қыр – бұл көкжал қасқыр. | Қыс мезгілі. Қыс мезгілінде күн салқын, аяз болады. Сәлеметсіз бе!
Жоқ, көрмедік. Ия, білеміз. Қоян, қасқыр, түлкі. Орманда.
Қоян сәбізді жақсы көреді.
Балалар қайталап айтады.
Сергіту жаттығуын қимылмен көрсетеді.
Балалар аюдың бейнесін дөңгелек пішіндермен салады.
Сау болыңыз.
Балалар дыбыстық жаттығуды қайталап айтады. |
