Алматы облысы, Балқаш аудандық "Бірлік орта мектебі" мкм

Тақырыбы: Ойна да, ойла!

Мақсаты: 1-4 сыныптар арасындағы оқушылардың математика пәнінен алған білімдерін өткен тақырыптар бойынша пысықтау. «Үлкенге құрмет, кішіге ізеттілікті» оқушылар бойында қалыптастыра отырып, логикалық ойлау қабілеттерін арттыра отырып, ұтқыр ойға ұтымды жауап беруге дағдыландыру.

Қолданылған әдіс-тәсілдер: түсіндіру;

Пәнаралық байланыс: 1 сын. математика – сауат ашу, 4-сын. математика – қазақ тілі.

Түрі: сайыс (15 минуттық сергу сайысы)

Көрнекілігі: Есептер жазылған парақтар, қызы, көк қалташалар, сандар жазылған дөңгелек баллдық көрсеткіштер, бағалау парақшалары.

Барысы:

- Балалар, кеше біз қазақтың біртума ақиық ақыны М.Мақатаевтің туылған күнімен өзіміздің апталығымызды мектепалды даярлық тобы ашып берген болатын. Енді біздің де осы уақытқа дейін алған білімімізді көрсететін сәт туды. Сендермен қоңырау уақытын тиімді пайдалану мақсатында 15 минуттық «Ойна да ойла » эстафеталық жарысын бастаймыз. Сайыс 2 турдан тұрады. Сұрақтар 1 және 4-ші сыныптың деңгейінде құрастырылды.Ең соңында жеңіске жеткен топ мүшелеріне апталық қорытынды жиынында мадақтама берілетін болады. Оқушыларымыздың білімін тексеру , әділ бағалау үшін әділқазылар Уябасарова Сайра апай мен Алтаева Қарлығаш апай. Ал тексеру жұмысы жүріп жатқанда оқушылардың әділ ойнауын қадағалау Айкимбаева Айсұлу апайға тапсырылады.

І. Топқа бөлу. (1-4 сынып оқушыларын араластыра отырып, топ құру, 6 баладан).

І топ – «Ұландар»

ІІ топ – «Таланттар»

1-ші сайыс: І –тур: «Математикалық эстафета» деп аталады. Қызыл және көк қалташа берілген, сол қалташаларда математикалық есептер жазылған., ал сендер оны тез, жылдам, аз уақыттың ішінде шешулерің керек. Уақытты ұтымды пайдаланған және дұрыс шешкен топ жеңіске жетеді. 1 дұрыс жауапқа 10 балл, 1- ші біткен топқа 10 балл артық қосылады. Көк қалташа - 1 топ, қызыл қалташа -2топ.

Көк қалташа: Қызыл қалташа:

1. сыныптар үшін: 4-сыныптар үшін.

4+3+1= 20*4+8=

3-1 = 2*3+6=

1-0 = 30*4+10=

5-3 +2 = 5*6 + 7=

6-3 = 7*5=

1. тур. «Кім жылдам». Бұл сайыста баллдық көрсеткіштермен берілген сұрақтарға жауап бере отырып, балалар өз білімдерін көрсетеді. Кім тез жылдам әрі дұрыс шешсе, сол топ жеңіске жететіні анық. Олай болса 2-кезеңімізді бастаймыз!

10-30-40-қа дейінгі сандар тұрады. Әр санның артында сұрақтар жазылған. Әр топқа ақылдасып ойлануға 10 сек беріледі.

1- cыныптар: 10- 1 дм неше см бар? (10 см)

20 - бір таңбалы сандарды ата? (0,1,.....)

30 - 68 снында неше ондық, неше бірлік бар?

40 - 3+х =5 белгісіз қосылғышты тап? (2)

4-сыныптар үшін: 10 - Қай санға бөлуге болмайды? (0)

20 - Көбейтудің қосуға қатысты қасиетін ата? (үлестірімділік)

30 - миллион санында неше нөл бар? (алты)

40- тік төртбұрыштың қандай қабырғалары тең болады?

• Өте жақсы, балалар. Енді тез арада қорытындыны білу үшін ортаға қазылар алқасын шақырайық.

Әділқазылар алқасы қорытынды жасайды.

Ұйымдастырушы: 1 «Ә» сынып жетекшісі: М.Шілдебай

Тексерілді:

Ұландар

Таланттылар