4-сынып Саба?ты? та?ырыбы: Не сатып аламын?

4-сынып Мерзімі: 27.10.2014

Сабақтың тақырыбы: Не сатып аламын?

Сабақтың мақсаты:

а) Оқушыларды азық- түлік атауларымен таныстыру, нанның қасиеттілігін түсіндіру.

ә) Оқушыларды асты қадірлеуге, қастерлеуге тәрбиелеу.

б) Оқушылардың ойлау, қазақша сөйлеу, өлеңді мәнерлеп оқу дағдыларын дамыту.

Сабақтың көрнекілігі: интерактивті тақта, азық- түлік суреттері

Сабақтың түрі: жаңа сабақ.

Сабақтың әдіс-тәсілдері: түсіндіру, сұрақ- жауап, іздендіру

Пәнаралық байланыс: орыс тілі,әдеби оқу

САБАҚТЫҢ БАРЫСЫ:

І. Ұйымдастыру кезеңі 1-2 мин.

1. оқушылармен сәлемдесу

2. сабақта жоқ оқушыларды белгілеу

ІІ. Үй тапсырмасын тексеру

Өтілген модуль бойынша қайталап келу

ІІІ. Жаңа тақырыпты түсіндіру.

«Жеті сұрақ»

• Қазақстан Республикасының мемлекеттік тілі?

• Аптаның қасиетті күні?

• Қазақ тіліне тән дыбыстар қандай?

• Апта атаулары?

• Отбасы мүшелеріне кімдер жатады?

Грамматикалық тақырыппен жұмыс

Адам, мамандық атауларынан басқа сөздерге не? нелер?сұрақтары қойылады.Не? сұрағы- жекеше түрде (ед.ч), нелер? сұрағы- көпше түрде (мн.ч).

Мысалы: нан-не? қоян-не?

нандар- нелер? қояндар- нелер?

кәмпит-не? кітап- не?

кәмпиттер- нелер? кітаптар-нелер?

Лексикалық тақырыппен жұмыс

Сөздікпен жұмыс

• Азық- түліктер- продукты

• нан- хлеб

• май- масло

• айран- кефир

• қант- сахар

• ірімшік-сыр

• шұжық- колбоса

• шай-чай

• ішемін- пью

• жеймін- ем

1. Суретпен салыстыра түсіндіру

2. Оқушыларға қайталату

3. Буынға бөлу

4. Сөз тіркесін не сөйлем құрау

Тапсырмалармен жұмыс

1-тапсырма

Мынау -дүкен. Дүкенде азық –түліктер сатылады. Азық- түліктер: нан, май, шай, кәмпит, шұжық, айран, ірімшік.

Дүкенге Әлия мен Айнұр келді.Әлия нан мен қант сатып алды. Айнұр айран мен сүт сатып алды.

1. Мәтінді түсініп оқып шығу.

2. Сұрақтарға жауап беру.

3. Ішілетін, жейтін тамақтарды бөліп сызба құру.

Мен жеймін

Мен жеймін

2-тапсырма. Өлеңді мәнерлеп оқы

Нан иісі

Есіңде болсын, балам,

Нан- қастерлі тағам.

Қоқымын оның шашпа,

Жерге түссе,баспа,-

Дейді атам маған.

( Ә. Бостубаев)

1. Өлеңді мәнерлеп оқу

2. Тақырыбын пысықтау

-өлеңнің тақырыбы не туралы?

-нан қандай тағам?

-нанды қалай қастерлеу керек?

Ширату сәті.

1. Қардай аппақ,

Балдай тәтті-ақ а) сүт, ә) қант, б) су

2. Сырты жасыл, қатты,

Іші қызыл, тәтті а) пияз, ә) алма, б) қарбыз

3. Қалың киімді ұнатады

Шешіндірсең, жылатады. а) қияр, ә) пияз, б)шие

4. Құрғақ жерде сақтайсың,

Онсыз тамақ татпайсың. а) тұз, ә) қант, б) сүт

5. Аппақ қардай,

Дәмі балдай а) сүт, ә) балмұздақ, б) айран

3- тапсырма. Көп нүктенің орнына азық- түлік атауларын қой.

Мен әкеммен дүкенге бардым. Біз .................. , ................ , .............. , ............... сатып алдық. Дүкенде ................ жоқ. Біз үйге келдік.

Жаңа тақырыпты бекіту

• Азық- түліктің қандай түрлерін білеміз?

• Айгүл, мұғалім, оқушы сөздеріне қандай сұрақ қойылады?

• Мектеп, нан, айран, сынып сөздеріне қандай сұрақ қойылады?

• Азық- түліктер қайда сатылады?

Үйге тапсырма

1. 2- тапсырма.Өлеңді жаттау.

2. «Азық- түлік дүкенінде» диалог құру.

Бағалау. Оқушыларды белсенділіктеріне қарап бағалау, мадақтау