2-сынып д?ниетану "?й ??стары"

Сабақтың тақырыбы: « Үй құстары» Сабақтың мақсаты:
1. Үй құстары туралы түсініктерін кеңейту. Тауық, үйрек, қазды айыра білу, балапан мен шөжені айыра білу. Сыртқы түрі, мекені, қорегі. Адамға пайдасы.
2. Оқушылардың ойлау, сөйлеу қабілетін арттыру, дұрыс, толық жауап беруге дағдыландыру, салыстыру, үй құстарын дала құстарынан айыра білу.
3. Үй құстарына, жабайы құстарға деген қамқорлық сезімдерін ояту, күту, баптау туралы түсінік беру.
Көрнекіліктер: слайд «Үй құстары», құстардың суреттері,
Сабақтың түрі: аралас сабақ
Сабақтың барысы:
1. Ұйымдастыру кезеңі.
- Балалар, қазір қандай сабақ?
- Дүниетану
- Нешінші сабақ?
- Екінші сабақ.
- Бүгін аптаның қай күні?
- Жұма. Аптаның бесінші күні.
- Жылдың қай мезгілі?
- Көктем.
2. Психологиялық сәт.
Оқушыларды тақтаның алдына шақырамын. Шаттық шеңберге тұрып, «Күн нұры түсті» сергіту сәтін өткіземін.
3. Үй тапсырмасын тексеру. Қосмекенділер,жорғалаушылар, балықтар туралы алған білімдерін қайталау.
4. Жаңа сабақ. Үй құстары қолда бағылады. Олар өте пайдалы.Жұмыртқасы,еті, мамығы үшін өсіріледі. Мамығы жастық, көрпе ,жылы киім үшін пайдаланылады. Қазақстанда құстарды көптеп өсіруге арналған үлкен құс фермалары бар. Олар қала халқын құс етімен қамтамасыз етеді.
- Суреттерде не бейнеленген? Тауық, қаз, үйрек, қораз.
Бәрін бір сөзбен айтыңдар. -«Үй құстары»
- Мен қазір жұмбақ айтамын, сендер шешуін табыңдар.
1. Дүниеде бір молда
Уағында азан оқиды.
Мезгілінде айқайлап
Қайтіп кеп жер шоқиды. (Қораз)
2. Басында айдары, иекте сақалы бар.
Үстінде күжірейген тоны бар . (Күрке тауық)
3. Ақ сарайын талқандап,
Шықты біреу талтаңдап. (Балапан)
4. Қық - қық етеді,
Кезіп жүріп көшені,
Жата қалса орнына , Ақ доп тастап кетеді. (Тауық)
5. Кеудесі қайқаңдап,
Жүреді байпаңдап. (Қаз)
6. Суға түссе балықтай
Жүзе берер жалықпай . (Үйрек) Үй құстары жәндіктермен, жем, тамақ қалдықтарымен қоректенеді. Адамдар оларға арнап қора салады. Оны тауық қора деп атайды. Жылы қорада үй құстарына қорқынышты емес.
5. Слайд « Үй құстары»
6. Поэзия минуты. Молдыбаев Жан, Рустемов Серик жаттаған өлеңдерін айтады.
Оятпа қораз сен бізді,
Өзімде сездім таң атты.
Сенсіз - ақ білем мезгілді
Танимын енді сағатты.
Тауық тары жинапты
Оны ешкімге қимапты.
Бөтегесін толтырып
Қамбасына құймапты.
7. Карточкамен жұмыс. «Мозайка» құрастыру. Қиылған суреттерден үй құстарын құрау. 8. Сергіту сәті.
Қуыр - қуыр - қуырмаш,
Тауықтарға бидай шаш.
Әжең келсе, есік аш,
Қасқыр келсе, мықтап қаш.
9. Ойын «Қайсысы артық?»
Берілген суреттен не артық екенін табу.
10.Дәптермен жұмыс.
Есіңе сақта. Құстарды өлтіруге, ұясын бұзуға болмайды. Ұядан түсіп кеткен балапанды алып кетуге болмайды.Құс жұмыртқасын қолмен ұстауға болмайды. Ұя маңында ұзақ болсақ, жұмыртқа ішіндегі балапан өліп қалады
11. Қорытындылау.
- Сонымен, біз бүгін қандай құстармен таныстық?
- Неге оларды үй құстары дейміз? - Адамдар оларды күтіп, баптайды, мәпелеп өсіреді, сондықтан оларды үй құстары дейміз.
Айырмашылықтарын айтайық.
Ұқсастықтарын айтайық
Пайдасын айтайық
- Балалар құстар көп болып өсуі үшін не істеу керек?
- Құстарды күту керек. Уақытында суару, жем - шөп беру.

12. Бағалау.
13. Үй тапсырмасы «Үй құстары» мәтінін оқып келу. Үй құстарының суретін салу.