1 сынып ана тілі. Саба?ты? та?ырыбы: Жаз?ы шілде.

«Әулиекөл ауданы әкімдігінің білім бөлімі № 1 Қазанбасы орта мектебі» ММ

1 сынып мұғалімі Тимирбекова Кульпаш Сейтмагамбетовна

1 сынып ана тілі

Сабақтың тақырыбы: Жазғы шілде

Сабақтың мақсаты:

1. Өлеңді оқыту арқылы жаз мезгілі жайлы білімдерін кеңейту , өлеңнің негізгі идеясын ашу.

2. Оқушылардың бұрынғы алған білімдерін керек жерде пайдалана білуге , өз ойларын қосуға машықтандыру. Жазу, сурет салу , оқу арқылы сын тұрғысынан ойлануын дамыту. Ауызша, жазбаша тілін дамыту.

3. Тірі табиғатқа қамқоршы болуға үндеу, байқампаздыққа тәрбиелеу.

Сабақтың көрнекілігі: “Жаз” мезгілінің суреттері, сөзтізбек, үнтаспа, қима қағаздар, оқулық.

Сабақтың түрі:Жаңа сабақ.

Сабақтың әдіс-тәсілдері:

1. Ассоциация.

2. Түртіп алу жүйесі.

3. Сұрақ-жауап.

4. Әңгіме кестесі.

5. Көрнекілік стратегиясы.

6. Суретке қарап әңгіме жазу стратегиясы.

Әдебиет, сурет, ән-би сабақтарымен байланыстыра өткіземін.

І. Ұйымдастыру кезеңі

Оқушылардың ынтасын сабаққа аудару.

1. Қызығушылықты ояту.

- Балалар, бәріміз тақтаға назар аударайық.

- Не көріп тұрсыңдар?

- Сөзтізбек.

а ) Осы тізбекті дұрыс шешсек, торкөздің ішінде қарамен жазылған бүгінгі сабақтың тақырыбы шығады.

1. Аюдың баласы?

2. Еліктің баласы?

3. Бұланның баласы?

2

3

-Сонымен , қандай сөз шықты?

- Жаз.

ә )Осы жаз сөзін естігенде ойларыңа не келеді, соны жазыңдар.

Оқушылар кезекпен тақтаға жазады. ( Ыстық, жап-жасыл, демалыс, жаңбыр, суға шомылу, жеміс-жидек,шілде , тамыз, маусым)

ІІ. Мағынаны ажырату.

• Сонымен, бүгінгі біздің тақырыбымыз “Жазғы шілде”. Авторы І. Жансүгіров.І.Жансүгіров туралы мәлімет беру.

1. Өлеңмен жұмыс.

а) “Жазғы шілде” өлеңін мұғалімнің оқуы.

ә ) Оқушыларға іштей оқыту.

Сол кезде “Түртіп алу жүйесі” стратегиясы бойынша жұмыс.

• Өздерің түсінбеген сөздерді немесе сөз тіркестерін, сөйлемді белгілеп отырасыңдар.

Мынадай “V” белгісімен. ( Кітапта белгілейді)

Белгілеген сөздеріне байланысты бір-бірінің түсінбеген сөздерін өздерінен сұрап, жауап алу. Күрделі сөздерге түсінік беру.

б ) Оқушыларға дауыстатып оқыту.

в ) Өлең бойынша сұрақтар қою.

1. Өлең не туралы?

2. Нелер өсіп, жайқалып тұр?

3. Жазда не төлдейді?

4. Нелер ұшып, сайрап жүр?

5. Әжелеріміз не пісіріп , қайнатады?

6. Желіге нелерді байлайды?

7. Ал, балалар не істеп жүр?

Сергіту сәті.

1. Топпен жұмыс.

( Әр топқа қиындылар тарату. Бегілі бір тақырып жайлы өз ойларын айтады).

І топ. Жазғы табиғат (Сипаттау).

ІІ топ. Аңдар мен жануарлардың жазғы тіршілігі

ІІІ топ. Жазғы еңбек.

ІV топ. Жазғы ойындар

1. Әр топ жазға байланысты мақал айтып, мағынасын ашады.

(4 топ, 4 мақал)

1. Суретке қарап әңгіме жазу стратегиясы.

Әр топқа суреттер тарату. Ол суреттерге ат қою, әңгіме құру. (Жазу)

1. Оқулықпен жұмыс. 194- жаттығу өз беттерімен барлық топ орындайды.

ІІІ. Ой толғаныс.

• Бүгінгі сабақтан не білдіңдер?

• Не жайлы әңгімеледік?

Көрнекілік стратегиясы.

• Ақын не жазады?

• Өлең жазады.

• Суретші не істейді?

• Сурет салады.

(Енді осы өлеңге ойша қандай сурет салар едіңдер?)

(Ән-әуен ойнап тұрады.)

Енді осы өлеңде сипатталған жаз мезгілін елестете отырып сурет салыңдар.

ІV. Үйге тапсырма.

1. Эссе жазу.

2. ‘‘Жазғы демалысты қалай өткізгім келеді?’’( Алға жоспар құрып келу.)

V. Бағалау.

Оқушылардың білім деңгейін саралау.