Садыбаева Сандугаш Серикбаевна
Күні 30.04.2015
Тақырыбы «Бәрі де, ана, бір өзіңнен басталады»
Мақсаты
Бала тәрбиесіндегі ата- ананың орнының ерекше екендігін
түсіндіру.
Көрнекілігі Нақыл сөздер, гүлдер, шарлар,плакаттар.
Жоспары
І.Кіріспе бөлім.
- Ұйымдастыру кезеңі.
- Қазылар алқасын сайлау.
ІІ. Негізгі бөлім.
1. «Жүздің түсін танығанша, бірдің атын біл!». (Таныстыру )
2. «Тәрбие-тал бесіктен басталады».(Көрініс көрсету)
3. «Өнерлі өрге жүзеді». (Өнерлерін көрсету)
4. «Ойлан тап». (Ым –ишара арқылы суреттерді сипаттау)
5. «Кім жылдам?» (Құрастыру ойыны)
6. «Өнерлінің қолы алтын» (Үй тапсырмасы )
ІІІ. Қорытынды бөлім
Барысы
І Ұйымдастыру кезеңі.
Ана-өмір қорғаушысы әлемнің,
Шаңырақтың шаттығы мен шуағы.
Сейілмесін жанарыңнан ананың,
Тіршілікке төккен нұрлы шуағы.
Жүргізуші: Армысыздар, құрметті ұстаздар мен оқушылар! Бүгінгі өткелі отырған «Бәрі де,ана,бір өзіңнен басталады» сайысына қош келдіңіздер!
Сайыс, сайыс, көңіл шіркін тасысын,
Сайыс, сайыс, жанкүйерлер қол ұрсын.
Өнерлерін аямайтын біздерден
Сайыскерлер ортамызға кеп енсін, - дей отырып, бүгінгі сайысқа қатысушы топтарды қол соғып, қошеметпен ортаға шақырамыз.
1. «Ақ көгершін» тобы
2. «Жауқазын» тобы
3. «Қарлығаш» тобы
4. «Қызғалдақ» тобы
5. «Бәйшешек» тобы
(Сайыскерлер ортаға шығып,сайыс шартымен танысады.)
Әділқазы ақ қазыға бір сәлем,
Әділдікке бас иеді күллі әлем.
Жүйрік озар сайыстарда неше бір,
Сарапқа сап, әділдікке шеше біл.
Бүгінгі сайыстың әділ бағасын беріп, сайыстың жеңімпазын анықтайтын әділқазыларымен таныс болыңыздар.
Әділ қазы мүшелерімен таныстыру
ІІ Негізгі бөлім
Көп сөйлеп, жөн-жорадан біз аспайық,
Қандай сайыс болса да біз қашпайық.
Ал, ендеше рұқсат болса егер,
Сайысымызды біз бастайық,- деп жоғарыда көрсетілген сайыс шарттары бойынша кезек-кезек өнерлерін көрсетеді.
1-шартымыз:
Армысыздар, айналайын дана халқым,
Сақтаған ұлтымыздың берік салтын.
Ата-баба шежіресін жіктеп-жіктеп,
Сәт те келіп қалғандай танысатын,-дей келе , алғашқы шартымыз бойынша «Жүздің түсін танығанша, бірдің атын біл!» атты таныстыру кезеңін бастаймыз.
(Ортаға сайыскерлер шақырылады.)
2-шартымыз:
Көктем келіп, гүлге толды дала да,
Бақ сынайды ана менен бала да.
Сендерсіңдер тіршіліктің тұтқасы,
Жас ұрпаққа ақыл берген дана да- дей келе, «Тәрбие-тал бесіктен басталады» сайысымызды бастаймыз. (Көрініс көрсету)
3-шартымыз:
Өнерлі өрге жүзер талаптының,
Таланты талмай ұшар қанаттының,
Әріптестер бар өмірде даңқы асқан,
Көрейік біз өнерін талаптының– деп «Өнерлі өрге жүзеді» сайысында сайыскерлер өз өнерлерін көрсетеді.
4-шартымыз:
Ал келіңдер,келіңдер,
Мұндағы қызықты көріңдер.
Бір-біріне дес бермес
Тапқырларды көріңдер- дей келе, «Ойлан тап» сайысымызды бастаймыз.
Мұнда неше түрлі сурет жасырынған.Осы жасырынған суреттерді сипаттау арқылы табу.
5-шартымыз:
Өнерпаздар жарысып, сан-саналы,
Жиын десе, той десе, ән салады.
Бүгінгі отбасылар сайысында,
Барлықтары аянбай жан салады- дей келе, «Кім жылдам?» сайысымызды бастаймыз.Берілген қима қағаздардан жыл мезгілдерінің пейзаждарын құрастырып қорғайды.
6-шартымыз:
Шеберлердің өнер тамып қолынан,
Жаңылмаған ата-баба жолынан.
Шебер қолдар өз өнерін көрсетсін,
Біз көрейік талаптының өнерін – дей келе, «Өнерлінің қолы алтын» сайысымызда қолдан жасалған қолөнерлерін көрсетіп,қорғайды.
Қорытынды бөлім.
- Жеңімпаздарды анықтау.
- Мақтау қағаздарын тарату.
- Әділ қазы мүшелеріне сөз беру.
