Онеге сагаты

Білім беру мекемелеріндегі «Абайтану», «Өлкетану» қолданбалы курстарының оқытылу жағдайын зерделеу

ЖАДЫНАМАСЫ жүктеп алу 

Білім мекемелерінде Қазақстан Республикасы  БҒМ 2013 жылғы 3 сәуірдегі №115 бұйрығының негізінде Абайтану, Өлкетану қолданбалы курстарының оқытылу барысы жоспарға сәйкес орындалды.

Мектебіміздегі Абайтану курсын оқыту үшін бағдарламалар жасалынып, педагог мамандармен қамтамасыз етілді, Абайтану таңдау курсы І санатты қазақ тілі маманы Сағымбекова Бақыт Советханқызына берілді.

Өлкетану курсы география пәнінің мұғалімі Қалиясқарова Жанарға жүктелді.

Таңдау курстарын өткізу барысында пән кабинеттерімен, оқу материалдарымен, оқу - әдістемелік құралдармен қамтамасыз етілді.

Ақпан айының 26 күні директор жанындағы кеңесте Абайтану, Өлкетану курстарының оқытылу барысы тексеріліп, тексеру қорытындысы осы кеңесте талданып, қаралды.

Қаралған мәселелер бойынша мұғалімдердің осы курсты оқыту барысында жүргізіліп жатқан жұмыстарының жалпы жағдайы айтылып, Абайтану курсын жүргізіп отырған қазақ тілі пәнінің мұғалімі Сағымбекова Бақыт Советханқызының және Өлкетану курсын жүргізіп отырған география пәнінің мұғалімі Қалиясқарова Жанардың курс туралы нормативтік құжаттары, тақырыптық-күнтізбелік жоспарлары, сабақ жоспарлары, өткізілген сабақтары тексерілді.

Нәтижесінде нормативтік құжаттардың мұғалімдерде талапқа сай жинақталғандығы, осы курс бойынша өткен оқу жылына талдау жасалғандығы, курстың оқытылу барысы туралы мәселенің қамтылғандығы осы кеңесте айтылды.

Сонымен қатар, Абайтану, Өлкетану курстары әдістемелік бірлестік отырыснда қаралып, талданып отырды. Курсты оқыту үрдісінде пән мұғалімдері жаңа ақпараттық инновациялық технологияларды енгізіп, сабақта сын тұрғысынан ойлау, АКТ – ны қолдану, дарынды және талантты балаларды дамыту әдісін тиімді қолданып отырғандығы байқалды.

Пән мұғалімдерінің осы жүргізіліп отырған жұмыстары есепке алынып, келешекте аталған курс бойынша аудан, облыс, республика көлемінде оқушылар шығару туралы ұсыныс жасалынды.

Курсты оқытып отырған мұғалімдер пән бойынша біліктілікті арттыру курстарынан   өткен, әрқайсысының кабинеттерінде дидактикалық материалдар жинақталған, дегенмен, Өлкетану курсын жүргізіп отырған география маманы жас маман болғандықтан жинақтаған материалдары әлі де аз. Жазылған сабақ жоспарлары тым қысқа әрі жалпылама. Туған өлкеміз – Жетісу жері, оның ішінде өз ауданымыз туралы көптеген тың материалдарды іздестіріп, жинақтау, оларды сабақ жоспарларына ықшамдап қосу қажет екендігі мәлім болды.