Конспект на тему "Баланы сауатты о?у?а ?йрету жолдары"

Тақырыбы: Баланы көркем оқуға үйрету жолдары.

Мақсаты: Баланың көркем оқу дағдысын жетілдіруде ата-ананың

жауапкершілігін арттыру .

Күтілетін нәтиже : Баланың көркем оқудағдысын жетілдіруде ата-ананың жауапкершілігі артады .

Әдісі : Пікірлесу ,сұрақ бізден -жауап сізден ,ситуациялық сұрақтар ,топтық жұмыс .

Түрі: Дөңгелек үстел.

Көрнекіліктер: Интерактивті тақта,қима қағаздар,видеоқойылым,

Стикерлер.

Жоспары: 1 Ұйымдастыру кезеңі

2 Кіріспе

3 Кітап - асыл қазына ( видеоқойылым)

4 Поэзиялық минут «Бақытты балалық»

5 Ситуациялық жағдаяттар.

6 Кластер құру

7 Қорытынды.

8 Кері байланыс.

Барысы: I Ұйымдастыру кезеңі .

«Серпілген сауал» әдісі бойынша қатысушылар дөңгелене тұрып ,бір-біріне допты лақтыра отырып сұрақтар қояды.

Ән шумақтары арқылы топқа бөлу .

II Кіріспе.

Құрметті ата-аналар ! Бүгін біз сіздермен бала тәрбиесі жөнінде ой бөлісу мақсатында жиналып отырмыз . «Ағаштан ағаш рең алады адамнан адам тәлім алады» демекші әрбір ата-ана өз баласының тәрбиелі де рухани азығы мол азамат болып өсуін тілейді .Қазіргі заманымыздың басты мақсаттарының бірі - жас ұрпаққа саналы тәрбие беру .Жас ұрпақтың саналы азамат болып қалыптасуында ата-ана мен ұстаздың рөлі өте зор.Сондықтан барлық ата-аналар өз балаларының жақсы оқуын, білімге құмар болып өсуін, кітапты көп оқып, оқуда төзімділік көрсетуін, жалпы рухани дүниесінің бай болуын қалайды. Баланы рухани байлығы мол етіп тәрбиелеудің сан түрлі жолдары бар.Сол жолдардың бірі және бірегейі – баланы кітап оқуға әуестендіру. Соңғы жылдары балалардың көркем әдебиет пен балаларға арналған газет-журналдарды оқуға деген қызығушылығы азайып кетті. Оның себебі неде? Неше түрлі ақпарат хабарлар, жаңалық беретін, көріністі көз алдына әкеліп қоя салатын, ойландыра да толғандыра қоймайтын техникалық құралдардың көптігі, компьютерлендіру баланың кітап оқуға құмарлығын жойып жіберді ме?

 Қалай десек те бұл тақырып төңірегінде сұрақ көп. Әрине, бұдан барлық бала бірдей қолына кітап ұстамайды деген ой тумауы керек. Шындық сол, кітап оқымайтын бала көп. Көркем әдебиет — адамгершілік, дүние байлығы, тән, жан тазалығы, әдет-ғұрып. Олай болса, баланы жастан кітап оқуға әуестендіру — саналы, білімді, жан-жақты жетілген ұрпақ өсірудің бір жолы болып табылады. Сол себепті бастауыштан бастап кітап оқуға қызықтырудың күнделікті сабақ барысында елеусіз қалып жатқан қарапайым да тиімді жолдарын ұсынбақпыз.

III «Кітап - асыл қазына» видеоқойылым

IV Поэзиялық минут

V Ситуациялық сұрақтар.

1 сұрақ : Балаңыз сізге қасқыр мен түлкі туралы ертегі айтып беруді өтінді ,сіздің әрекетіңіз.

2 сұрақ : Балаңыз компьютер алдында көп отырады,кітап оқып сабақ орындауға құлқы жоқ,сіздің әрекетіңіз.

3 сұрақ : Сіз дүкенге бардыңыз, балаңыз бір суретті кітапқа қызығып алып бер деп өтінді ,бірақ сіздің қаражатыңыз жетіңкіремей тұр.Сіздің әрекетіңіз .

VI Кластер құру .

VII Қорытынды

Анкеталық сұрақтардың қорытындысымен таныстыру.

Қорыта келе , ата-ана мен мұғалім үшін бастауыш сыныптарда жүргізілетін кітап оқуға үйретудің алғы шарттарына ғана тоқталдық. Кітаптың дәмін татқан бала әрі қарай өзі іздеп жүріп оқиды. Бұл  кітап оқуға үйретудің жолы ғана емес, баланы әдет, дағдыға, тәртіпке, уақытты бағалай білуге тәрбиелеудің бірден-бір кілті. Жаста берген тұщымды тәлімнің жемісін ата-ана мен бала бірігіп татады.

Ең бастысы, балаға күш түсірмей, жалықтырмай уақытты тиімді пайдалану керек. Айтылған жәйттің бәрі ата-ана мен мұғалім көмегімен, бақылауымен нәтижеге жететінін естен шығармаған жөн. Саналы ұрпақ, парасатты мұрагер өсіру — біз бен сіздің қолымызда.  

VIII Кері байланыс.

1 Ата -аналар жиналысының мұндай формасы бізге қажет пе?

2 Сіздің пікіріңізше не нәрсе артық болды ,нені қосу керек еді?

3 Келесіде қандай тақырыпта әңгімелесуді ұсынар едіңіз?

Анкеталық сұрақтар .

1 Сіз балаңыздың сөзін түзейсіз бе ?

2 Балаңызға кітап оқып бересіз бе ?

3 Балаңыздың оқып жүрген кітабы бар ма?

4 Газет -журнал ,кітап оқуына ықпал жасайсыз ба ?

5 Үй тапсырмасына көмектесіп ,қатесін тексересіз бе ?

6 Балаңыз қай сабақтан үй тапсырмасын қызыға орындайды?

7 Балаңыздың өз кітапханасы бар ма ?

8 Балаңызбен оқыған ертегісі немесе әңгімесі туралы ой бөлісесіз бе?

9 Компьютердің алдында көп отырады ма?

10 Көркем оқуына қаншалықты мән бересіз?

Жауап бергендеріңізге рахмет!