"Көңілімнің көктөбесі - көкпеңбек " Тәуелсіздік куніне байланысты бастауыш сыныптарына арналған авторлық өлең шумақтары

Қазақстаным –менің елім.

Кең байтақ жерім бар,

Далама қарашы,

Мұра боп қалды ғой-

Қазақтың даласы.

Туған жер –мекенім

Мақтанып өтемін

Кең пейіл қазақтың,-

Байлығы жетерін.

Әлемге паш еткен,

Ұрпағын қағазға

Қолыма қағаз ап,

Мен жырлап өтемін.

Аспаны ашық боп,

Арайлы таңы атсын

Бейбіт күн астында,

Шуағын ттартсын.

Өзге елмен дос болып.

Тең болсын терезең,

Алламыз хош көріп,

Кең болсын керегең...

Көңілімнің көктөбесі көкпеңбек...Жасай бер,Қазақстаным!

Шіркін,көңілің шарықтағанда ширақты құлынның шабысындай алыстағанын да сезбей қаласың ғой.Адамзатты Алламыз жаратқаннан ең бірінші сана береді.Апайым Алмагүл апам айтқандай адам мен жануардың арақашықтығы –сананың құдіретінде.Әр адам өз елінде еркін ,бақытты өмір сүруі өзіміздің қолында екенін елбасшымыз талай айтып келеді.Әрине бақытты әркім өзінше түсінуі мүмкін.Мен оны –елімнің ертеңгі амандығы мен аспан асты тыныштығы деп білемін.Елбасшымыздың саналы бастауымен орындалып жатқан жоспарларының арқасында дамушы елдердің 30 елдің қатарында келеміз.Мемлекетіміздің экономикасы дамып, халқымыз жақсы өмір сүруде.Халқымыздың орта жағдайы жақсы деп айта аламын.Анам өте кәрі болмаса да бұрынғы жағдайды айтып отырғанда өз ойым едәуір жақсы деп айта аламын.

Мен ертеңгі қазақ жеріндегі әрбір тұрғынын бақытты елестетемін.Кешегі ұлы бабаларымыз бізге аманат еткен жерімізді қорғап,оның дамытуын жоспарлау біздердің міндетіміз.Ол үшін жай ғана отаныңды сүйе білсең болды.Жүрегіңде отаныңа ,жеріңе деген ыстық сезім болса болғаны ...Ондай азамат ешқашан елін сатпайды.Оның маңғаздап оттай лаулағанын қалайды.

Ел бірлігін ойлайтын

Дана бала мен болам

Елдің жырын жырлайтын,

Ақын бала мен болам.

Елдің қамын ойлайтын,

Жақын бала мен болам,деп өз шағын шығармамды аяқтап,елім деген тақырыпта жазған өлеңіммен жалғастырғым келеді.

Бір дегенім –білегім.

Екі деген –жүрегім

Үш дегенім-үш болса,

Төрт болса құлақ түремін.

Бес дегенім-байтағым.

Елімді мақтап айтамын.

Алты деген –арай бақ,

Бақытқа толсын әр таңын.

Жеті деген –жігерім

Жігерге толы жүрегім

Сегіз деген –серігім.

Дос болып мәңгі жүремін.

Тоғыз деген-тұлпарым,

Мініп әнге шырқадым.

Он дегенім-ұраным,

Жыр қылар соны ұланың.