Бегабат Ұзақов "ЖАНТАЗА" сабақ жоспары

Пән: қазақ тілі және әдебиеті Сынып: 7 «Б» Күні: 20.11.2017ж.

Сабақ тақырыбы:

Бeгабат Ұзақов «Жантаза»

Сабақтың мақсаты:

Білімділік: 7. О2. Зат есімдерді жазбаша түрде талдау.

7. О4. Мәтін мазмұнынан негізгі идеяны ашатын сөздерді ғана теру.

7. Т1.Мәтін үзінділері арқылы оқиғаның дамуын болжау.

Түзету-дамытушылық: Оқушылардың ой-өрісін, сөйлеу тілін, сауатты жазу дағдыларын дамыту.

Тәрбиелік: жұппен жұмыс жасауға дағдыландыру.

Сабақтың барысы:

Ұйымдастыру кезеңі.

«Көңіл-күйді анықтау» тренингі. (Оқушылар мұғалім таратқан параққа смайлик ретінде өз көңіл-күйлерін суреттейді)

Үй тапсырмасын тексеру. (өткен сабақты еске түсіру, қайталау)

Жаңа сабақ:

Бегaбaт ҰЗAҚОВ-1973 жылы Қарақалпақстанның Беруни ауданында дүниеге келген. Ташкент мемлекеттік университетінің журналистика факультетін бітірген. Шығармалары 1987 жылдан мерзімді басылымдарда жарияланып келеді. Қарақалпақстанда қазақ тіліндегі басылымдар: «Достық үні» газетінде, «Өркен» журналында әдебиет және мәдениет бөлімінің меңгерушісі болып қызмет істеген. Жекелеген шығармалары өзбек, қарақалпақ тіліне аударылып басылған. Қазір еркін шығармашылықта. Бегабат Ұзақов – әдебиет әлеміне еліміз тәуелсіздік алған кезде қадам басқан қаламгер. Тырнақалды шығармалары Өзбекстанның жас жазушыларымен қоса бірнеше ұжымдық жинаққа енген. Мемлекеттік тапсырыспен "Қазығұрт" баспасынан шыққан "Жантаза" жинағындағы әңгімелердің тілі көркем, суретті, жинақы. Жеңіл оқылып, ерекше әсер береді. Шығармаларында адамгершілік, адалдық, намыс, рух, махаббат тақырыптары көрініс тауып оқырманын ләззатқа бөлейді. "Жантаза" әңгімесінде атақты Жанқожа батырдың Аждаһаны райынан қайтаруы, перінің арбауынан жанының тазалығы, рухының биіктігі арқылы құтылып кетуі суреттеледі. Кітапта осы сияқты қызықты тарихи және бүгінгі заманғы өзекті тақырыптар өзек етілген шығармалар баршылық.

Б) электронды кітапшамен танысу.

СЕРГІТУ СӘТІ: жаңылтпашты қайталау.

В) үлестірмелі парақшалардағы тапсырмаларды орындау.

Бекіту:

«Есте сақта» айдары. Негізгі сөздерді мұғалім атайды, оқушылар сабақ барысын еске түсіреді.

Бағалау.

Үйге тапсырма:

Бегабат Ұзақов «Жантаза» берілген әңгімені оқу.

Рефлексия:

-Бүгін сабақта нені үйрендім? Не істедім? (кубик-рубик сұрақтарына жауап беру)