Авторская работа "Шешендік өнер"

Бастауыш сыныптарға «Шешендік өнер» курсы бойынша авторлық бағдарлама

Түсінік хат

Оқушыларды «Шешендік өнерге» баулудың маңызы зор.Қазақ халқы шешендік өнерді аса құрметпен бағаланғандықтан, бастауыш сынып оқушыларын ата-баба ізімен шебер сөйлеу,тілдерін дамыта түсу, олардың үлгі өнегесін бойларына дарыту –басты мақсат.

1-сынып оқушылары ана тілі пәніне негіздей отырып, көрген -білгенді көкейге тоқып, көп үйреніп ізденудің арқасында шебер сөйлеуге жаттығады.Би шешендердің сөздерін жаттап өсіп, жаңа ұғымдармен танысады.Мақалдың немесе өлең ұйқастарын таба отырып, берілген қысқаша мәтінді өз ойымен жалғастыра білуді үйренеді.Танымдық, шығармашылық қабілеттері артады.

Бағдарламаның мақсаты:

Бастауыш сыныптардағы шешендік өнер сабақтарының түбегейлі мақсаты,оқушылардың жеке басын қалыптастыра отырып,әдеби мұраларға деген талғамын тәрбиелеу,рухани дүниесін кеңейту,ақыл-ойы мен ұлттық сана-сезімін дамытуға ықпал ету,кітап оқуға деген мұқтаждығын қалыптастыру.

Осы мақсатты орындауға келгенде оқу бағдарламасының алдында мынандай міндеттер жүктеледі:

• оқушылардың оқу дағдысын қалыптастыру және жетілдіру;

• көркем шығармаларды оқуға деген қызығушылығын дамыту;

• шығарманың түпкі мазмұн –мәнін түсінуін,эмоциялық қабылдауын қамтамасыз ету.

• шығармадағы көркем бейнелердің ерекшеліктерін аша білуге бағыттау;

• ауызекі және жазба тілде байланыстырып сөйлеуін (ойын еркін жеткізу,сауатты да мәнді жаза білу) дамыту;

• өзіндік ой-пікірін айта білуге баулу;

• оқушылардың бойына ізгілік пен имандылық,адалдық пен мейірімділік сияқты адамгершілік қасиеттерді дарыту.

Бағдарламаның мақсаты осы міндеттерді орындауға бағытталады.

«Шешендік өнер» курсы бойынша авторлық бағдарламасы