"Атаны? с?зі-а?ылды? к?зі"

Видеоролик көрсетіледі

1 - жүргізуші: Маржан Ақнұр бүгінгі кеш ерекше сияқты, айналаңа қарасаң саған бәрі ақыл айтып тұрғандай, оның үстіне қонақтардың алдында бір түрлі қысылып тұрамын.
2 - жүргізуші: Ақнұр Маржан несіне қиналасың? Алдымен амандасайық «Сөз атасы - сәлем» деген емес пе?
1 - жүргізуші: Маржан Армысыздар ұстаздар, ата - аналар!
2 - жүргізуші: Ақнұр Бармысыңдар балалар,оқушылар!!!
1 - жүргізуші: Маржан Бүгін біздің мектебімізде ұлттық тәрбиенің бір айшығы ретінде өткелі отырған «Атаның сөзі – ақылдың көзі» әдеби танымдық кешімізге қош келіпсіздер!
2 - жүргізуші: Ақнұр Ендеше, бүгінгі кешке келгендеріңізге тіптен де өкінбейсіздер, себебі, көптеген аталы сөздер мен ақылдың көзі, бабалар өсиетімен танысасыздар, әсем ән мен би де тамашалайсыздар. Көп жасаған қария
Ақылы теңіз – дария
Көп өнеге сөзі бар
Сөзі соқпақ, өзі нәр. Кешімізді бастамас бұрын атамыздың ақ батасын алып алсақ.(бата беріледі) Уа, Жаратқан – Құдірет! Мал-жандарын аман ет, Басына бер зор бақыт. Асыңа бер берекет, Ғұмыр-жасын ұзақ ет. Ұрпақтарын асыл ет, Кәсібін адал кәсіп ет, Бәле-жаладан аулақ қып, Таттырма еш қасірет, Дүниенің бар жақсылығын Дәл осы мектепке нәсіп ет!- (бата жасап болған соң күй ойнап турады 2қыз шығып шашу шашады)
1 - жүргізуші:Маржан Халқымның әні қандай, жыры қандай,
Шешеннің нәрі тамған тілі балдай
Шымырлап өн бойыңа тарайтұғын
Ал әні нәзік жанды балқытқандай, - деп әсем әнді тамашалаңыздар!(Қалдыбек Ажар «Туған жер» әнімен)

1-жүргізуші: Маржан Бай болсаң, халқыңа пайдаң тисін,

Батыр болсаң,жауыңа найзаң тисін.

Егер бай болып, елге пайдаң тимесе,

Батыр болып, жауға найзаң тимесе,

Елден бөлек үйің күйсін, –алдарыңызда үш биді шақырсақ. Әйтеке би: «Үш би не деді екен-деп сұрай қалса,». «Біз былай дедік,билер былай деді,»-деп,жұрт айта жүретіндей,артымыздан бір ауыз сөз қалдыралық.

Төле би:

Онда тыңдаңдар:

Шешендіктен не пайда,

Артыңа сөзі қалмаса

Батырлықтан не пайда,

Халқыңа қайрат қалмаса?

Хандықтан да пайда жоқ.

Қарашасын жаймаса.

Молдалықтан пайда жоқ,

Шариғатты өзгертіп,

Надандарды алдаса.

Қазыбек би:

Үй жанында биік төбең болса,

Ол ерттеуші аттан кем емес. Отбасыңда білгір қарт болса, Ол жазылған хаттан кем емес.

Ей,үш жүз,керіспегін,

Асылы,бізге керіскен жөн емес.

Әйтеке би: Екі адам керіссе,оның арты-қызыл шоқ, Біз,үш жүз,керіспейік,келісейік! Ал керісе қойсақ,үшеумізге де Бірдей хандық түгіл,ондық та жоқ.

2-жүргізуші:Ақнұр «Аталар сөзі-ақылдың кені» деген осы емес пе?Енді сахнаға Бөлтірік шешеннің адам баласын қор ететін қасиеттері және зор екенін сараптағанын көрсетеді. Бөлтірік шешен:Адамды қор ететін де зор ететін де мыналар: «Күншілдік» деген бар,содан сақтан, «Кекшілдік» деген бар,содан сақтан. «Астамшылдық» деген бар,одан алыс жүр. «Сараңдық» деген бар,одан қалыс жүр. «Қараулық»деген бар,одан таза бол «Ынсапсыздық» деген бар,содан аман бол.

1-жүргізуші:Маржан Иә,туған соң адам боп Білімсізден жаман жоқ. Ата сөзін білмесең, Жұрт айтады «надан» ,-деп Ата-бабаң ардақты, Жамандыққа бармапты. Ардақ тұтып үлкенді, Ата жолын жалғапты.

2 - жүргізуші: Ақнұр Қазақ – ойға көсем, тілге шешен ақын халық. Мақал - мәтелдер – атадан қалған асыл мұрамыз, ауызша жеткен халық шығармасы. Мақал - мәтелдер сөз мәйегі ғана емес, ұлт тәрбиесі құралы ретінде қолданылады.Біздің балалар мақал - мәтел біле ма екен? Олай болса, «Мақал – сөздің мәйегі» бөліміне кезек берейік.

1.Айтушы ақылды болса, 7.Ғылыммен жақын болсаң, қолың жетер,
Тыңдаушы дана болады. Залыммен жақын болсаң, басың кетер.

2.Бабасы еккенді, баласы орады. 8. Кісінің кісілігі, Киімінде емес, білімінде.

3. Сүтпен кірген мінез. 9. Өз білмегеніңді кісіден сұра,
Сүйекпен кетеді. Үлкен жоқ болса кішіден сұра

4. Ақыл деген ағып жатқан дария, 10. Ата-ананың қарызы, Кеме айдаушы кемеңгер бір қария. Ұрпақтың өмірлік парызы.

5. Ақылдыға сөз айтсаң, аз ойланып біледі. 11.Ана алдында — құрмет, Ақылсызға сөз айтсаң, тындайды да күледі Ата алдында — қызмет.

6. Ақыл ағадан, ілтипат ініден. 12. Ата баласының . Ат меңіндей белгісі болады

1-жүргізуші:Маржан Наурыз келдi елiме, Наурыз келдi жерiме. Байлық, бақыт тiлеймiн, Бүкiл қазақ елiне.-деп «Наурыз көктем» әнімен Қосым Нұршат.Қабыл алыңыздар!!!

2 - жүргізуші: Ақнұр Ата салты – ардақты
Әрбір сөзі салмақты.
Сол сөздерді ұқпасаң
Тістерсің бір күн бармақты. Келесі кезекте «Ескірмейтін есті сөз» (Сахналық көрініс)

Әли:Сәлеметсің бе,Гүлім «Сәлем – сөздің анасы» демекші сәлем беруге келдім.
Гүлім: Амансың ба, Әли «Қуыс үйден құр шықпа» деген тізеңді бүгіп, дәм ауыз ти.
Әли: «Сыйлап берген су, сатып алған балдан артық» дегендей отырайық.
Гүлім: «Сыйға сый, сыраға – бал» демекші, өткенде өздеріңізге риза болып қайттық қой.
Әли: «Аз да бітер, көп те бітер, татулыққа не жетер» демекші - татулық пен ауыз бірлікке не жетсін.

1-жүргізуші: Маржан «Қара жорға» болмаса, Бидің сәні келе ме? Бүрмелі көйлек кимесе, Қыздың сәні келе ме?-алдарыңызда қара жорға биі.Қарсы алыңыздар!!!

2-жүргізуші:Ақнұр Кеше өткен бұлдыр заман желегі,
Болашаққа Абай үнін тіледі.
Өлмейтұғын артына сөз қалдырған,
Баба үні бізбен бірге келеді! (осы кезде қанатты сөздер видеоролик) Видеоролик көрсетіліп болғаннан соң бірден ән.Жұмаділа Айдана «Наурыз той»

1-жүргізуші: Маржан Ақыл – адамды аздырмайтын ем. Білім – таусылмайтын кен. Адамның басшысы – ақыл. Жетекшісі- талап. Шолғыншысы – ой. Жолдасы – кәсіп. Қорғаны – сабыр. Қорғаушысы – мінез.

2-жүргізуші:Ақнұр Танымал тұлғалардан нәр алып,есті болып өсейік.Күн нұрлы, өмірлеріңіз сырлы болсын дей отырып, келесі мерекелік кеште кездескенше шуақты мол күндер болсын.