Ту?ан жерді? ысты?ы-ай К. Сапарбаев

Тақырыбы:Туған жердің ыстығы-ай

Мақсаты: 1.Оқушыларға Қали Сапарбаевтың өмірі және шығармашылық жолын таныстыра отырып,әңгіменің мазмұны мен идеясын түсіндіру.

2.Оқушылардың таным мүмкіншіліктерін,олардың сын тұрғысынан ойлауын дамыту,шығармашылықпен жұмыс істеуге,өз ойларын ашық та айқын,дәлелді сөйлеуге үйрету.

3.Туған жерді сүюге тәрбиелеу,еліміздің ертеңі-білімді ұрпақ екеніне көз жеткізу.

Түрі:аралас сабақ

Әдісі:Сұрақ-жауап,талдау,түсіндіру,шығармашылық жұмыс

Көрнекілігі:Проектор(слайдтар),кесте,суреттер

Сабақ жүрісі.

1.Ұйымдастыру бөлімі.

Сәлемдесу.Оқушының зейінін сабаққа аудару.Топқа бөлу.

Жарқырап күн де ашылды,

Айналаға нұр шашылды.

Қайырлы күн,біз көңілді баламыз,

Қайырлы күн,сәлемдесіп аламыз.

Мақсатымыз- білім алу,

Міндетіміз-еңбектену.

Еңбектену арқылы

«5»-ке қолды жеткізу!

Сабақтың ұраны:

Қазынаң сенің тіл деген,

Бабалар соны біл деген.

Ешкім де жақсы болмайды,

Өз тілін жақсы білмеген.

Оқысаң қанша ілімді,

Болсаң да қанша білімді.

Ұмытпау керек әрқашан.

Өзіңнің ана тіліңді!

Үй тапсырмасын тексеру:

Үй тапсырмасы: «Туған жер туралы жыр»

1.«Біз білетін мағлуматтар»

2.Ертегінің мазмұнын айту

3.Сұрақ-жауап:

-Ертегінің негізгі идеясы неде?

-Бұл ертегіден не ұқтың?

«Туған жер »деген ұғымды қалай түсінесіздер?

4.Жұмбақтың шешімін табу жаңа тақырыпқа жол ашу.

- Маң-маң басып келеді,

Тапырақтап желеді.

Мойны ұзын,үсті тау, (түйе).

Түйе туралы мәлімет беру.

Түйе негізі шөлді мекен еткен жануар.Ол төрт түліктің бірі.Түйенің жалғыз және екі өркештісі болады.Жалғыз өркешті түйені нар деп атайды.

1-топ:түйенің жүнінен,терісінен істелетін бұйымдар.

2-топ:түйенің сүтінен әзірленетін тағамдар.

3-топ:түйенің пайдасы туралы.

Жаңа сабақ.

«Туған жердің ыстыгы-ай»Қали Сапарбаев.

1.Автордың өмірі,шығармашылық жолымен таныстыру:

Қали Сапарбаев

«Фарабидің жастығы»

«Туған жердің ыстығы-ай»

Балалар жазушысы

2.Әңгіменің мазмұны бойынша мұғалімнің түсіндірме жұмысы.

3.Сөздік жұмыс

Нар-жалғыз өркешті түйе.

Асау дария-қатты ағын су.

Жаңа сабақты пысықтау:

1.Оқулықпен жұмыс.Сұрақ жауаптарын оқулықтан тауып оқу(слайд)

-Жазушы қандай оқиғаға куә болды?

-Түйе ботасын ертіп қайда кетпекші болды?

-Соңынан ботасы ермеген нардың іс-әрекеті.

-Түйенің асау дариямен алысуы.

-Түйе иесінің ботаны құшақтап тұрып айтқан сөзі.

-Нар түйенің туған жеріне оралуы.

-Нардың ботасымен қауышуы.

Сергіту сәті: «Қарлығаш».

-Қарлығаш құсы да адамға жақын жүретін,сезімтал құс.Ол туған жерін сүйетінін талай ертегілер мен өлеңдерден естіп жүрміз.Олай болатын болса Б.Бисенова апамыздың «Қарлығаш» әнімен бір сергіп алайық.

Дәптермен жұмыс:

1.Туған елдей ел болмас.

............. .......... ...... ......... .

2.Кісі елінде сұлтан болғанша,

.... .......... ........ .... .

2.Ой қозғау

-Түйені Түрікменстанның Мары деген жерінен не үшін әкелді деп ойлайсыңдар?

Тренинг: «Өрмек»

1-топ:Түйенің туған жерге кетер алдындағы әрекеті.

2-топ:Түйенің аянышты халі.

3-топ:Автордың айтайын деген негізгі ойы.

Шығармашылық жұмыс: «Мен автор болсам,әңгімені қалай аяқтаған болар едім»(«Туған жер» әнін тыңдай отырып орындау).

Қорытындылау:

Үйге тапсырма:

Күнделікті енді ашайық

Үй тапсырмасын жазайық.

Бүгінгі алған білімді,

Ұмытпай есте сақтайық.

1.Туған жердің ыстығы-ай (Мәнерлеп оқу,мазмұнын айту)

2. «Туған жерім»тақырыбына шығарма жазып келу.