Сынып са?аты :«?дептілік-т?рбие бастауы»

Әдептілік - тәрбие бастауы

Мақсаты: Оқушыларды адамгершілікке, қарапайымдылыққа, кішіпейілділікке, әдептілікке, өз халқының салт - дәстүрін үйрене отырып, жаман әдеттен аулақ болуға тәрбиелеу.

Көрнекілігі: алма ағашы, үлестірмелі карточкалар;

Сабақтың барысы:

Ұйымдастыру бөлімі:

Психологиялық дайындық. Қане, балалар бәріміз бір - бірімізге сәттілік тілеп, әр оқушы өзінің атының бірінші әрпінен басталатын бойындағы жақсы қасиеттерімізді айтайық.

Жоспары:

1. «Әдептілік жемісі»

2. «Бөшкеден шыққан басқатырғылар»

3. «Әдептілік жапырақтары»

4. «Есте сақтау минуты»

5. «Артық әріп»

Мұғалім: Бүгінгі заман адамы сегіз қырлы, бір сырлы болып өсуі керек. Оның ең бастысы - оқушылар үшін әдептілік. Біз сыныпқа кіргенде әдептіліктің бірінші ережесін байқаған болатынбыз. Ол қандай ереже?

- Біз бір - бірімізбен амандастық.

- Амандасу – әр халықтың мәдениетінің алғашқы беташары.

Әсемпаз болма әрнеге,

Өнерпаз болсаң арқалан.

Сен де бір кірпіш дүниеге,

Кетігін тап та, бар қалан,- деп Абай атамыз айтқандай кішіге мейірімді, досыңа қайырымды, еңбексүйгіш, шыншыл да қамқор болсаң, өсе келе ата - анаңның, Отаныңның мақтанышы боласың.

Ендеше мына тақтада «Әдептілік жемісі»ілінген, алмаларда сұрақтар жасырылған, соған жауап берейік.

I бөлім.Әдептілік жемісі

1. Досқа қалай болу керек?

2. Әдептілікті бізге кім үйретеді?

3. Әдептілік туралы мақал айт?

4. Өзіңе көрсетілген ізетке, жасалған ілтипатқа, сыйға не айту керек?

5. Үзіліс кезінде дәлізде қалай жүру керек?

6. Көпшілік орындарда, көшеде, автобуста өз - өзіңді қалай ұстау керек?

7. Әдепті бала қандай болу керек?

8. Қоштасар сәтте қандай ниет білдіресің?

9. Әдепсіз бала қандай болады?

II бөлім. Бөшкеден шыққан басқатырғылар

Әр бала қапшықтан нөмірлері бар шарларды алып шығады. Мұғалім әр балаға жалғастыр ойынын түсіндіреді.

Не істеуге болмайды?

1. Үлкендердің алдынан – (кесіп өтуге болмайды.)

2. Кішкене баланы - (жылатуға болмайды)

3. Құстарды – (атуға болмайды.)

4. Қыз баланы – (сыйлау керек.)

5. Сабақтан - (кешігуге болмайды.)

6. Досқа – (көмектесу керек)

III бөлім. Әдептілік жапырақтары.

Әр топ жарыса отырып “әдептілік жапырақтарын” ағашқа орналастырады.

тіл алғыш мақтаныш

инабатты ақылды

шыншыл, әділ еңбекқор

өз тілін меңгерген мейірімді

үлгілі

намысшыл, ұлтшыл өз халқының салтын

арлы құрметтейді

IV Есте сақтау минуты.

Мына әріптерден адам бойындағы жақсы-жаман қасиеттерге байланысты сөздерді тауып жаз.

Лдаа - адал, қлаас - салақ, зөміішл - өзімшіл, кеттен - тентек, ітітпәрт - тәртіпті, зіспітртә - тәртіпсіз, ытпықұ -ұқыпты, зсыпықұ - ұқыпсыз;

V Артық әріп.

Мына өлең шумақтарынан «Ф» әрпін сызып тастап оқысаң Ермек Өтетілеуовтің «Әдептілік әлемі» өлеңінің шумақтарын оқи аласыңдар.

Әдепфтілік әлфемі

Қарфсы ал ерте күн көзфін,

Төсегіңді жифна өзің.

Асықпай іфш тамақты,

Жалама афяқ - табақфты.

Пышақты ұсфта фоң қолмен,

Шанышқыны сфол қолмен

Нафнды үгітпе, қадірле,

Қабығымен бәрін жеф.

Саусағыңдыф сормағын,

Салдыр - салфақ болмағын

Әдефт қыл бұл ісфіңді -

Тазфалап жүр тісфіңді.

Жарайсыңдар балалар, енді сабағымызды қорытындылай келе «әдептілік» ережесін құрайық

Әдептілік ережесі:

1. Сәлемдесу

2. Үлкенді сыйлау, кішіге қамқор болу

3. Үлкенге жол беру, автобуста орын беру

4. Табиғатты аялау, қамқор болу

Қорытындылау

Мұғалім:

Қипақтайды қит етсе, анаң, әкең

Қайтсем ғана осыны адам етем

Басқалардың осындай балалары

Тап осындай жаңғалақ болар ма екен?- деп М. Әлімбаев ағамыз айтқандай, ата - анамызды ренжітпей әдепті бала болайық.

Осымен тәрбие сағатымыз аяқталды. Назар қойып тыңдағандарыңызға рахмет. Сау болыңыздар.