Сабақтың тақырыбы: Жалаң және жайылма сөйлем.
Сабақтың мақсаты: Жалаң және жайылма сөйлем туралы түсінік беру.
Сабақтың міндеті:1) Сөйлемнің жалаң, жайылма болып бөлінуі тұрлаулы,
тұрлаусыз мүшелерге байланысты екенін меңгерту.
Оқушылардың сауатты, көркем жазу дағдыларын жетілдіру;
Сөйлем мүшелеріне талдау дағдыларын қалыптастыру.
2) Ізденімпаз, тапқыр, еңбекқор, өз ойын, пікірін еркін жеткізе
алатын шығармашыл тұлға тәрбиелеу.
3) Сөз қорын байытып, ауызекі және жазба сөйлеу тілін,
логикалық ойлау қабілетін, шығармашылық қабілетін
дамыту.
Сабақтың түрі: жаңа білімді меңгерту
Оқыту әдісі: сөздік, көрнекі, талдау, салыстыру, ажырату, жинақтау, өз бетінше жұмыс, жазба жұмысы, ізденіс әдісі, ойын.
Көрнекілік: тірек – сызба, слайд, ребус.
Сабақтың барысы
І. Ұйымдастыру:
Біз бақытты баламыз,
Ойнап күліп аламыз.
Жетілсін деп санамыз
Оқып білім аламыз.
ІІ. Ережелерді еске түсіру: ойын «Кім көп біледі?»
Слайдтағы сұрақтарды оқып, жауап береді.
1.Сөйлем мүшелері дегеніміз не?
2.Сөйлем мүшелері нешеге бөлінеді?
3.Тұрлаулы мүшелерді ата.
4.Тұрлаусыз мүшелерді ата.
5.Бастауыш дегеніміз не?
6.Баяндауыш дегеніміз не?
7.Сөйлем мүшелерінің байланысын қалай табамыз?
8.Сызықша қай кезде қойылады?
9.Жай сөйлем дегеніміз не?
Слайдтан қыс, қар жауып тұрған бейне сюжет көрсетіледі. Оқушы өлеңді оқиды:
Далада қар борайды,
Ақ мамыққа орайды.
Мұз болады, қатады,
Жып-жылтыр боп жатады.
Қарамен жазылған сөйлемді сөйлем мүшесіне талдайық, ауызша.
Жаңа сабақ.
Осы сөйлем арқылы жаңа тақырыпқа шығу. Слайдта екі сөйлем көрсетіледі:
Қар борайды. Далада қар борайды. Салыстырады, қорытынды шығарады.
Сызба көрсетіледі, ереже оқытылады.
Дәптермен жұмыс:
Күн реті жазылады.
Көркем жазу: Ққ
Сөздік сынақхат: Қырау, мұз, үскірік, аяз,сырғанақ, аққала, боран, шаңғышы, көктайғақ, тұман.
Оқушы тақтаға жазады, тексеріледі. Қалғандары бір- бірін тексереді.
Оқулықпен жұмыс.
97-жаттығу. Сөздерден сөйлем құратып, оларды сөйлем мүшелеріне талдату.
Құралған жалаң, жайылма сөйлемдерді тиісті пойыз вагондарына орналастырады. Сөйлемдердің айырмашылықтарын айтады.
Сергіту сәті. Слайдтан бейне сюжет көрсетіледі. Музыкамен оқушылар қимылдар жасайды. (Музыка ағылшын тілінде)
98-жаттығу. Сөйлемдерді көшіріп жазып, жай сөйлемдердің түрлерін анықтау.
Шығармашылық жұмыс.
Сурет бойынша әңгіме құрап жазу. Жалаң және жайылма сөйлемдер болуы шарт.
Қорытынды: Бүгін не өттік?
Жай сөйлемдер нешеге бөлінеді?
Жалаң сөйлем дегеніміз не?
Жайылма сөйлем дегеніміз не?
Сабақ ұнады ма?
Бағалау.
Үйге тапсырма: 100,101-жаттығулар. Ережені жаттау.
