Разработка открытого урока по грамоте на тему: "Пп дыбысы мен әрпі"

Пәні:Сауат ашу

Сыныбы: 1 «б»

Сабақтың тақырыбы:Пп дыбысы мен әрпі.

Сабақтың мақсаты:1. Пп дыбысын және әрпін таныту. П дыбысы арқылы берілген сөздерді оқу мен жазуға үйрету.2. Оқушылардың сөздік қорларын молайту,ойлау,сөйлеу, сауатты жазу,тұтас оқу дағдыларын дамыту.

3.Оқушыларды ұқыптылыққа, сауаттылыққа,сөйлем құрау,сурет бойынша әңгіме құрастыруға үйрету.

Сабақтың типі: жана сабақ

Сабақтың түрі: дәстүрлі сабақ

Сабақтың әдісі: сұрақ-жауап, ойын,семантикалық картамен жұмыс,ой қозғау,топтық жұмыс,репродуктивті әдіс.

Сабақтың көрнекілігі: суреттер, оқулық,п әрпі,тапсырмалар,семантикалық карта, буындар.

Техникалық құрал-жабдықтар:интербелсенді тақта,электронды оқулық.

Сабақтың барысы:І.Ұйымдастыру кезеңі

Психологиялық дайындық.

Сыныпта біздің тыныштық, Кешіккенді тоспаймыз.

Естілмейді дыбыс түк. Күнделікті қызықты ,

Мұны біз де қоштаймыз, Кезекті сабақ бастаймыз.

ІІ.Үй тапсырмасын тексеру:

Мәтінді мазмұндау.

Сурет бойынша әңгімелеу.

Кітап,білім туралы мақал-мәтелдер айту.

ІІІ.Үй тапсырмасын бекіту:

Жұмбақ

Жесең ащы

Көзіңнен шығарар жасты. (пияз)

-Пияз сөзіндегі бірінші дыбыс қандай ?

-Біз өткен сабақта п дыбысы мен әрпін өткенбіз.

-П қандай дыбыс? (п –дауыссыз, қатаң дыбыс)

-П дыбысы бар сөздер айтып көрейікші.

( піл парта, пияз, құлпынай, жапырақ, картоп, кітап, пингвин, кірпі. )

-Яғни П дыбысы сөздің басында, ортасында, аяғында да кездеседі екен.

Электронды оқулықтан п әрпіне байланысты суреттер көрсету.(1)

ІІІ.Жаңа сабақ:

Жұмбақ жасыру арқылы жаңа сабақтың тақырыбын табу.

1.Өзі сұсты,мұрты бар,

Өзінен кішілерге ұмтылар.

Ұқсайды ол мысыққа

Атын оның кім табар? ( жолбарыс )

2.Өзі ширақ,өзі қу

Жүрген жері айқай-шу. (түлкі)

3.Есек құлақты,

Ешкі құйрықты

Мысық аяқты

Көрдік жүйрікті. (қоян)

4.Санай алмай шаршадым-

Найзасы бар қанша мың.

Батыр емес бірақ та,

Қашып жүрер жырақта. (кірпі)

-Ендеше бүгінгі сабағымыздың тақырыбы «Кірпі»

-Балалар кірпі туралы не білеміз?

Ой қозғау.

Кірпі туралы не білеміз?(оқушылардың ойы тыңдалады)

Оқушыларға кірпі туралы қысқаша мәлімет беру және түрлерін көрсету.

Бір кірпіде 7-8 мың ине болады. Қазақстанда 3 түрі мекендейді: кәдімгі кірпі, құлақты кірпі және қара кірпі. Арқасын, бүйірлерін тікенек (ине) басқан. Тұрқы 13 – 27 см, салмағы 700 – 800 г. .  Аяқтары бессаусақты. Бірінші үстінгі күрек тістері ірі, азу тіске ұқсас. Орманда, бұта арасында, бау-бақшада, тіпті елді мекендерде тіршілік етеді. Жемін, әдетте іңірде және түндеаулайды. Жәндіктермен,көлбақаменжыланмен (улысымен де) қоректеніп, орман шаруашылығына пайда келтіреді. Қараша айында ұйқыға кетеді де, көктемде күн жылынысымен оянады.. 35 – 42 күнде жылына 1 рет көктемде 3 – 4-тен балалайды. Орта есеппен 6 жыл тіршілік етеді. Мал пироплазмозы ауруын таратады. Ауылшаруашылық және орман зиянкестерін құртады. Кейбір түрлері аса қауіпті ауру қоздырушыларын тасымалдайды .

Кірпі

Оқулықпен жұмыс:

Сөздік жұмысын жүргізу.

доп-добы көп-көбі тап-табу

топ-тобы шөп-шөбі шап-шабу

-«Кірпі» мәтінін көрініс қою арқылы оқу.

-Мәтінді оқушыларға тізбектеп оқыту.

Оқулықтағы тапсырманы орындау.

п-б

қап сап жауап талап

қабы сабы жауа.. тала..

Дәптермен жұмыс.

- П п әрпінің жазба және баспа түрімен таныстыру.

-Электронды оқулықтан П дыбысын тыңдату.

- П әрпінің жазылуы үш элементтен тұрады. ( тақтаға,ауада жазып көрсету)

-Үлгі дәпттердегі тапсырмаларды орындау.

ІҮ. Сабақты қорытындылау:

Топтық жұмыс.

П қоржынына п әрпі бар суреттерді салу.

Семантикалық картамен жұмыс.

«Сөз ойла » п әрпі бар сөздерді жазу.

Ү.Сабақты бекіту:

Электронды оқулықтан «Сиқырлы сандық» ойынын ойнату

ҮІ.Үйге тапсырма: «Кірпі » мәтінін оқып,мазмұндау. Үлгі дәптердегі тапсырмаларды аяқтау.

ҮІІ. Бағалау: оқушыларды білімдеріне сай бағалау

Ашық сабақ

Сабақтың тақырыбы: Пп дыбысы мен әрпі.

«Кірпі» мәтіні

Пәні: Сауат ашу

Сыныбы: 1 «б»

Өткізген: Шығанбаева Б