?сімдікке ауа, жылу ж?не жары? керек

Пән: Дүниетану

Сабақтың тақырыбы: Өсімдікке ауа, жылу және жарық керек

Сабақтың мақсаты:

Білімділік: оқушылардың өсімдікке қажетті жағдайлар туралы түсініктерін қалыптастыру;

Дамытушылық: өсімдіктер туралы әңгімелей отырып, айналадағы дүниені танып білуге қызығушылығын дамыту. Оқушының ойын кеңейту;

Тәрбиелік: табиғатты сүюге, қорғауға, табиғат әлеміне, өсімдіктерге жанашырлықпен қарауға тәрбиелеу.

Сабақтың түрі: аралас сабақ

Сабақтың әдісі: сұрақ-жауап, түсіндіру, сын тұрғысынан ойлау

Сабақтың көрнекілігі: интерактивті тақта, слайд, суреттер, оқулық

Сабақтың барысы:

І. Ұйымдастыру кезеңі.

1.Оқушылармен амандасу;

2.Оқушыларды түгелдеу;

3.Оқушылардың зейіндерін сабаққа аудару, 4 топқа бөлу (ауа, су, жарық, күн)

ІІ. Өткенді пысықтау.

1.Су өсімдікке не арқылы келеді?

2.Шірінді қайдан пайда болады?

3.Тыңайту үшін не керек деп ойлайсыңдар?

ІІІ. Жаңа сабақ

«Ой қозғау»

1.«Жылт-жылт етеді, жылғадан өтеді»

2. «Таңмен көзін ашады, әлемге нұрын шашады»

3. «Түсі бар көрінбейтін, біртұтас бөлінбейтін,

тынысы ол тірліктің ешқашан жерінбейтін »

Өсімдіктің өсуіне ауа қажет. Өсімдік тыныс алады. Себебі, тұқым да ауасыз өсе алмайды. Құнарлы топырақта өскен өсімдіктің бойы биік, жапырақтары ірі келеді. Ал, топырағы тығыз құнарсыз жерде өсімдік сирек және аласа өседі. Өсімдіктің өсуіне су, ауа ғана емес жылу да қажет. Себебі, су мен ауа жеткілікті болғанымен топыраққа жылу жетіспесе, тұқым өнбейді. Көктемде күн көзінің жылуынан топырақ жылиды. Осы кезде өсімдікке жылу, ауа, су жеткілікті болады. Жаз айларында өсімдік тез өсіп жетіледі. Себебі жарық мол түседі.

ІV.Бекіту

Әр топ берілген суретке қарап, жыл мезгілдерінің табиғаттағы өзгерісін, тіршілік жағдайын әңгімелейді.

V.Бағалау

Әр топ оқушыларын сабаққа белсенді қатысуына, жинаған ұпайларына қарап бағалаймын.

VІ.Үйге тапсырма

*Үй маңындағы және мектеп ауласындағы өсімдіктерді қалай суаратындығына назар аудар

*Берілген мәтінді жақсылап оқу.