?неге-отбасынан

Мақсаты: Бір отбасындағы адамдар арасындағы тату қарым-қатынасы қалыптастыру.Бір-біріне қамқор болуға, өз отбасын мақтан ету білуге тәрбиелеу. «Бақытты отбасы», «Тату отбасы» ұғымдарын түсіндіру. «Қуаныш» , «Бақыт» құндылықтарының мәнін түсіндіру.

Міндеттері:

-отбасындағы үйлесімді қарым-қатынас жасауға тәрбиелеу;

-отбасы мүшелеріне деген қамқорлық, жанашыр сезімдерін дамыту;

-отбасында өзара сыйластыққа тәрбиелеу;

Ресурстары :

(материалдар, дереккөздер)

Тыныштық сәті

-Балалар, ыңғайланып отырып алыңдар.Көздеріңді жұмсаңдар да болады. Көз алдарыңа «Аспан патшалығы» ақ мамықтай ақша бұлтты жіберіпті деп елестетіңдер.Сол ақша бұлттың үстінде біз отырғандаймыз.Ақша бұлт мамықтай жұмсақ екен.Аспан әлеміне қара көтеріліп барамыз. Айдын шалқар көлден өтіп, орманды алқапқа кездестік. Жүгірген аңдар, сайраған құстар көрінеді.Гүл жайқалған сұлу далаларға да жақындап қалдық, әсем гүлдер көріне бастады. Гүлдер неткен керемет! Алуан түрлі, көздің жауын алады. Біз осының бәрін бірге көргенімізге, осындай шақта бірге болғанымызға іштей қуаныштымыз. Ақ мамықтай ақша бұлт бізді жұпар істі, әсем де көркем «Гүлдер» сұлулық сарайына түсірді. «Гүлдер» сұлулық сарайында тек қана кешірімді, кішіпейіл адамдар тұрады екен. Осы жерде тұратын адамдардың барлығы бір-біріне кішіпейілділік танытады. Біздің де бойымызға кішіпейілділік пен кешірімділік сезімдері бойлап бара жатқандай. Осы сезімдермен біз де, бұрынға қалпымызға келейік.

Әңгімелесу

-Балалар, жаңа біз бойымызға қандай қасиеттерді сіңірдік?

-Адам бойында тағы қандай жақсы қасиеттер бар?

-Адам бойындағы жақсы қасиеттерді кім айтады?

-Отбасы деген не?

-Отбасындағы сыйластыққа нелер жатады?

Мәтінмен жұмыс

Тату-тәтті отбасы

Алан мен Арнұр бес жаста. Олар бала бақшаға барады. Бала бақша олардың үйлеріне жақын орналасқан. Оларды балабақшаға атасы мен әжесі апарып, алып келеді.

Бала бақшада оларға өте көңілді, достары да көп. Сонда да олар үйге жеткенше асығады, өйткені кешке барлық отбасы мүшелері үлкен дастархан басына түгел жиналады. Қызықты әңгңмелер айтылады.

Күнделікті кешкі астан кейін атасы мен әжесі немелерін «күндерім», «құлыншықтарым», «ботақандарым» деп еркелете отырып,ертегілерін айтып береді.

Содан кейін олар ата-аналарының ақылдарын тыңдай отырып, үлкендерге көмектеседі. Гүлдерге су құяды,ойыншықтарын жинайды,өз киімдерін реттеп орнына қояды да:

Әкемізге еркелеп,

Анамызды тыңдаймыз.

Әжем айтар ертек көп,

Атамызды сыйлаймыз-деп әндетіп қояды.

Атасы мен әжесі немелерінің ақылдығына сүйсіне қарап,

Айналайындарым, үлкен азамат болыңдар!

Өркендерің өссін,-деп баталарын береді.

Әкесі мен анасы да балаларының ақылды азамат болып өсіп келе жатқандарына қуанады. «Балапан ұяда не көрсе, соны іледі» деп, олардың тәрбиелі,ақылды,отбасында өсіп келе жатқандарына қуанады.

-Балалар, қалай ойласыңдар бұл қандай отбасы?

-Отбасында кімдер тұрады?

-Атасы мен әжесі немелерін қалай еркелетеді?

-Алан мен Арнұр қандай балалар?

-Олар үлкендерге қалай көмектеседі?

-Отбасында сыйласытық көріне ме?

Жаңа ақпарат

Отбасы –әр адамның шағын отаны, қоғамның бір бөлшегі.Ата-аналар баласының күнделікті өмірі мен ісіне басшылық жасайды. Баланың жан-дүниесінің қалыптасуында маңызы зор рухани және еңбек дәстүрлері турасында тәрбиелейді.

Сергіту сәті

Бас бармағым-әкем,

Балан үйрек-анам.

Ортан терек-ағам,

Шілдір шүмек-апам.

Кішкентай бөбек-мен.

Бір үйде біз нешеуміз?

Бір үйде біз, бесеуміз.

Жұдырықтай жұмылған,

Біздер тату жанұя.

Дәйексөз

Отбасы-адамның жақсылық жасауға үйрететін ең бірінші әлеуметтік ортасы.

В.АСухомлинский

Шығармашылық тапсырма

Оқушылар өздерінің отбасыларының суретін салады.Әр бала өз отбасы туралы суреттерін көрсете отырып, әңгімелейді (ата-анасының, бауырларының аты-жөндерін, жақсы қасиеттері туралы айтып береді).

Топпен ән айту

«Жақсы көрем атамды,жақсы көрем әжемді»

Тыныштық сәті

-Балалар,бәріміз жайғасып отырып, көзімізді жұмып, өзіміздің отбасымызды, яғни тату-тәтті жанұямызды көзіміздің адына елестетейік. Бәріміз демалыс күні үйдеміз.Отбасы мүшелері түгел дастархан басына жиналдық (әке, ана, ата, әже, іні, қарындасы, әпке, сіңілі) деп ойлайық.

Бәріміздің жүрегімізде қуаныш, бір-бірімізге сүйіспеншілікпен,сыйластықпен қараймыз.Біздің қуанышты сәтімізге ортақтас күн сәулесі де үй ішін жылы шуаққа бөлейді.Қандай тамаша, қандай қуанышты күн!

Ал енді балалар, көзімізді жайлап ашып, өзімідің ойымызды, жүрегіміздегі сезімдерімізді бөлісейік.

(Оқушылардың жауаптары тыңдалады)

Рефлексия

Оқушылар жүрекше стикерлерге отбасыларына деген тілектерін жазып, «Тілек» ағашына жапсырады.

Мақсаты:Оқушылардың «сөз», «бақыт» құндылықтары туралы түсініктерін кеңейту.

Міндеттері:

-жақсы сөздің адам өміріндегі маңыздылығын түсіндіру;

-жақсы сөздерді қолдана білу іскерліктерін датыму;

-ізгілікке,ізеттілікке тәрбиелеу

Ресурстары :

(материалдар, дереккөздер)

Сабақтың барысы

І.Үйымдастыру кезеңі. Тыныштық сәті

Қарсы алдымызда кереметтей нұрын шашқан күн төмен түсіп келе жатқандай.Күн мейірімді, әрі жақсылыққа толы, оның жылы шуағынан біз өзімізді жақсы күйде сезінеміз. Күн жоғарыдан төменге түсіп, сендерді өзінің жылы нұрына бөлейді. Енді күн бетімізге, көзімізге түсті. Күн сәулесі денемізге тарады, ол бізге күш-қуат берді. Кү жақсы тілектер тілейді. Енді, балалар, осы сезімді бойларыңда сақтап өз сыныбымызға оралайық. Ал енді көзімізді ақырын ашамыз.

ІІ. Өткенді қорыту

-Нағыз ер азаматтың бойында қандай қасиеттер болу керек?

Азамат

-Балалар, осы сендердің жазған сөздерің қандай сөздер?

ІІІ.Жаңа сабақ

Әңгімелесу

-Қандай кезде жақсы сөздер қолданасыңдар?

-Жақсы сөз естігенде қандай сезімде боласыңдар?

-Жаман, дөрекі сөз естігенде қандай сезімде боласыңдар?

Оқушылардың жауаптарын түйіндеу.

«Жақсы сөз-жарым ырыс» дейді халқымыз.Жақсы сөз естісең, жаның жадырап сала береді. Жақсы сөз ашу шақырмайды, жүрегіңді жылытады, тек қана жақсылыққа жеткізеді,бақытқа кенелтеді, қуанышқа бөлейді.

Мәтінмен жұмыс

«Сыпайы қоян» мексикан ертегісін оқушыларға өз бетімен оқыту, мазмұнын сұрау.

Сұрақтар қою

-Қоянның жылы сөздерінің өзіне қандай көмегі болды?

-Жылы сөздер арқылы қандай жағдайда көмектесуге болады деп ойласыңдар?

Жаңа ақпарат

Жақсы сөз адамадарды қуанышқа бөлейді.Олардың қарым-қатынасын жақсартуға ықпал етеді.Адамдар бір-бірімен жақсы сөйлесу арқылы сыйластыққа, достыққа қол жеткізеді.

Ойын-жаттығу

І қатар: Сабаққа кешігіп келген оқушы мен мұғалім арасындағы әңгіме;

ІІ қатар: Тұтынушы мен сатушының дүкендегі сыпайық қарым-қатынасы;

ІІІ қатар: Емханаға келген науқас пен дәрігер арасындағы диалог.

Дәйексөз

Жүректен шыққан сөз жүрекке жол табады.

Науаи

Аңыз

Ертеде бір кісі баласын әбден есіріп, еркелетеді.Өсе келе тілі удай ащы, есерсоқ жігіт атанады. Жұрт безердей болғандықтан, оның қасына ешкім жүрмеуге тырысады.

Әкесі ойланып, мынадай айла жасайды. Баласын шақырып алып, бір жалпақ тақтай береді. Күніне қанша адам ренжітсең, мына тақтайға сонша шеге қақ -дейді. Бірінші бала тақтайға 37 шеге қағады.

-Балам, өзіңді тежеп ұстап, шегеңді азайтуға тырыс депті.Баласы әкесінің сөзін тыңдап, азайта отырып, бір күні ешкіммен ұрыспайтын, шеге қақпайтын күнге жетіпті. Сол әкесі күні былай деп ақыл айтады:

-Енді балам, ешкіммен ұрыспайтын болдың.Бір адамды қуантқанда бір шегеден суырып отыр-депті.

Бала әкесінің сөзін орындауға тырысып, тақтайдағы шегені де күндердің бір күнінде таусыпты. Әкесі қуанып:

-Балам, мен сені дұрыс адам болмайтын шығар деп қорқып едім.Міне өзіңді өзің тәрбиеледің,жақсы адам болып жолға түстің.Бірақ балам, мына тақтайға қарашы, бұрынғыдай тегіс әдемі емес. Беті шұрық тесік.Сен қанша кешірім сұрасаң да, олар қанша кешірдім десе де кезінде айтылған сөздерді қалай өшіресің?Бәрібір ол жүректің түбінде қалады ғой. Әрине, бұл күндерің әркіммен бір ұрысып жүргеннен жақсы. Бірақ бұл саған өмірлік сабақ болсын, әр сөзіңді ойлап сөйле.

Дәптермен жұмыс

Жақсы сөздердің адамға әсері, жағымсыз сөздердің адамға әсері туралы жазады.

Сергіту сәті

Әр оқушы қасындағы балаға сол баланың аты басталатын әріпке байланысты жақсы сөз айтады.

Шығармашылық тапсырма

Айналайын!Құлыным!Кешіріңіз!Рахмет! сөздерін қатыстырып төрт жол өлең құрастыру.

ІV. Сабақты қорыту

Топпен ән айту

«Бала тілегі» әні

Сөзі:С.Модасынұлы

Әні:Ф.Жолдасова

Тыныштық сәті

-Әрқайсысымыз оң қолымызбен жүрегімізді ұстайық.Өз жүрегіміздің жылылығын сезініп, жүрек жылуымызды адамдарға,айналамызға жеткізу үшін іштей оларға жақсы тілектер тілейік.Жақсы ой ойлайық, жақсы сөз сөйлейік, жақсы іс жасайық!Бүгінгі сабақта алған әсерлеріңізді жүректеріңізге түйіп алыңыздар!