Matematika fanini o'qitishda innovatsion texnologiyalar

Yangi asr informatsion texnologiyalarning shiddatli va katta masshtabli rivojlanishi bilan boshlandi. Bu borada yetuk mutaxasislar va ayniqsa yangi boshlovchi-tadqiqotchilar va axborot texnologiyalarini o’rganuvchilar ham uning taraqqiyotiga va imkoniyatlariga yetib olish mushkul ekanligini xis etmoqdalar. Axborot texnologiyalari texnik imkoniyatlari, intelektual salohiyati va texnologik ko’p qirraligi bilan lokal rivojlanishda jahon fani taraqqiyotiga katta xissa qo’shib kelmoqda. Lokal, ya’ni alohida davlatlar va ilmiy markazlarda raqobatli rivojlanishi, keng ma’nodagi taraqqiy etishi, o’sha davlatning yoki markazning tom ma’nodagi gegemonligiga olib kelmoqda. Bunday taraqqiyot har bir davlat va hatto har bir mutaxasisdan doimo izlanishda bo’lishga va shu taraqqiyot-o’sish poygasida o’z o’rnini topa bilishini taqazo etmoqda. Bunday raqobatni axborot texnologiyalarining barcha sohalarida kuzatilmoqda. Kompьyuter texnikasi va uning imkoniyatlarini, tezligini, xotirasini va mobilliligini doimo takomillashtirish borasida rivojlangan davlatlarning shu soha mutaxasislari to’xtovsiz ish olib borib, kutilmagan natijalarga-yutuqlarga ham erishmoqdalar. Ikkinchi tomondan dasturlash muammolarini hal etish va bu sohaning cheksiz katta imkoniyatlari ham yanada chuqurroq o’rganilib, informatsion bozorda nihoyatda samarali yangi biznesning rivojlanishiga ham olib keldi. Uchinchi tomondan internet xizmati turlarining kengayishi, rivojlanishi va mobillashuvi jahonda fan va texnika hamda biznesning rivojiga katta turtki bo’ldi. Bu yutuqlarning barchasi sanab o’tilgan sohalarda ko’zga ko’rinib turgan muvaffaqqiyatlarga olib kelishi bilan ta’lim va tarbiya sohasida ham keng imkoniyatlarni yaratdi.