Конспект урока познанию мира "К?ктем" 1 класс

Дүниетану

Кабинет:

Уақыты:

Мұғалім:

Сабақтың тақырыбы

Көктем

Сабақтың жалпы мақсаты

Сабақтың мақсаты: Балалардың көктем мезгілі туралы білімдерін кеңейту.
Сөздік жұмыстары арқылы сөздік қорларын байытумен бірге есте сақтау қабілеттерін дамыту, берілген сұраққа нақты жауап беруге үйрету. Құстарға, ағаштарға қамқор және еңбекқор болуға тәрбиелеу.

Әдіс-тәсілдер

Сұрақ- жауап , түсіндіру .

Көрнекіліктер

сабақ жоспары, суреттер, дидактикалық материалдар.

Меңгерілетін сөздер: айнала, аппақ, сырғанақ, теуіп жүр, тамаша.

Мұғалімнің іс-әрекеті

Оқушының іс-әрекеті

Сыныпта ынтымақтастық атмосферасын қалыптастыру

Балаларға төмендегі сұрақтарды қою:
- Жыл мезгілі нешеге бөлінеді?
- Жыл мезгілі төртке бөлінеді.
- Ендеше жыл мезгілін атаңдар.
- Күз, қыс, көктем, жаз.

Үй тапсырмасын сұрау

Өткен сабаққа байланысты топтық жұмыс

1-топ «Қыс белгілері»

2-топ «Күз белгілері»

3-топ «Қысқы еңбек»

Топқа бөлу

Оқушыларды карточка мен сурет салу

арқылы жыл мезгілдерімен топқа бөлу .

Үш топ басшысы жыл мезгілдерінің атауларын ұстайды (автобус болады)

Оқушылар суреттермен топқа бөлінеді,яғни автобусқа мінеді

1-топ «Қыс» 2-топ «Күз» 3-топ «Көктем»

Қызығушылықты ояту

Суретпен жұмыс

Жаңа материалмен жұмыс.

.Мұғалім түсіндірмесі:

- Дұрыс айтасыңдар, балалар! Назарларымызды тақтаға аударайық. (Көктем мезгіліне байланысты суреттер)

.
- Суреттен қандай жыл мезгілін көріп отырсыңдар?
- Бұл – көктем мезгілі.
- Көктем екенін қайдан білдіңдер?
- Өйткені, жердегі мұз, қарлар еріп жатыр. Ағаштардың бүршік ата бастаған. Балалар құстарға ұя жасап жатыр.
- Жарайсыңдар, қандай ақылды, аңғарымпаз балаларсыңдар! Біз бүгінгі сабақта «Көктем» тақырыбында әңгіме жүргіземіз.
Негізгі бөлім.
- Көктем мезгілін жақсы көресіңдер ме?
- Иә, жақсы көреміз. Бізге көктем мезгілі ұнайды.
- Көктем мезгілін мен де жақсы көремін. Сондықтан да:
- Көктем нұры қуатты,
Қарлар еріп, су ақты.
Күн күлімдеп төбеде
Төгіп тұр ғой шуақты.
Құстар келді ән салып,
Дала толды гүлдерге.
Осы шақты аңсадық,
Ғажап қой бұл білгенге!, - деп жырға қосамын.
- Көктем – жылдың төрт мезгілінің бірі. Көктем наурыз, сәуір, мамыр айларын қамтиды. Қыс мезгілінен кейін келетін жазға дейінгі кезең. Көктемде күн ұзарып, ауа райының жылынуынан мұздар, қарлар еріп, су болып, сай – салаға аға бастайды. Жануарлар да қысқы ұйқыларынан оянып, тіршілігін бастайды. Жыл құстары туған өлкеге қайта оралады. Ағаштар бүршік жарып, гүлдене бастайды. Көктемнің алғашқы гүлі – бәйшешек, қызғалдақ, сарғалдақ (гүлдердің суреттерін слайдтан көрсету).

- Менің қолымда бірнеше көктем гүлдері бар. Сабаққа жақсы қатысқан балаларға сабақ соңында тарту етемін.

Ой толғаныс

Дәптермен жұмыс.
а) Тұманбай Молдағалиевтың «Көктем» өлеңін тыңдау

Үйге тапсырма беру.

«Көктем көрінісі» тақырыбында суретер салу .

Бағалау

Сабаққа қатысқан оқушыларды бағалап , баға қою.

Кері байланыс

Оқушылар бір-біріне деген тілектерін стикерге жазып, мәуе ағашына жапсырады. Плакат стикер .