Просмотр содержимого документа
«"К?мектесе білейік" ?зін ?зі тану п?нінен»
Сабақтың тақырыбы: «Көмектесе білейік»
Мақсаты:«Қамқорлық» ұғымының адамгершілік құндылығы ретіндегі маңыздылығын ашу.
Міндеттері: - мейірімділік адами қасиеті мен өзара көмек әрекеттері туралы түсінік беру;
қамқорлық жасау, көмек көрсету дағдыларын дамыту;
қайырымды, жағымды қарым-қатынастар жасауға тәрбиелеу
Көрнекі құралдар: үнтаспа, ақ қағаз, қарындаш, себет,гүл желектері, дәйексөз, түрлі суреттер, боялмаған суреттер, Алпамыс пен Махаббат, үй суреті.
1. Шаттық шеңбері.
2.Қ. Мырза Әлидің «Не үшін?» атты өлеңін бірге айтады ж\е қимылдар жасайды.
Екі көзің не үшін керек? (Көздерін көрсетеді)
Жақсыларды көру үшін!
Құлақ не үшін керек? (Құлақтарын ұстайды)
Ақыл-кеңес тыңдау үшін.
Екі қолың не үшін керек? (Қолдарын алға созып, алақандарын
жаяды)
Елге көмек беру үшін! (Қолдарын жан-жағына қарай созады)
-Кім айтады көмекті кімге жасауға болады? (қарт адамға, мұқтаж адамға, көмек сұраған адамға, өзіңнен кіші балаға, үлкен кісіге, ата-анаға, досқа.) Ендеше келесі кезекті әнге береміз.
Ән: «Болайықшы осындай»2сын №2 (15-16) жүрек.
- Бүгінгі сабақтың тақырыбы: «Көмектесе білейік»
- Мақсаты: «қамқорлық» ұғымының адамгершілік құндылығы ретінде маңыздылығын ашу; адамдарға көмек көрсету; өзара көмек жасау, адал болуға үйрету.
3.Сұрақ-жауап. «Сұрақты қағып ал»
-Сендер «көмек», «көмектесу» дегенді қалай түсінесіңдер?
-Сендер кімге қандай жағдайда көмектестіңдер?
-Біреуге көмектескенде өздеріңді қалай сезіндіңдер?
-Жарайсыңдар! Дұрыс айтасыңдар! Адамға қиналған сәтте қол ұшын беру, жақсы, жылы сөздер айтып демеу, жақсылық жасау – көмек деп айтылады.
Көмектесу сол адамға деген жанашырлық сезімнен туады.
4. Суреттерде кімге қандай көмек көрсетіліп жатыр?
1 2 3
5.Постер қорғау.
«Көмектесе білейік» Махаббат пен Алпамыс Махаббаттың әжесіне бара жатыр.
Үйге апаратын жол өте ұзақ.Жолда оларға не кездесуі мүмкін?(өзен, тоғай, таулар, ағаштар...). Махаббат пен Алпамысқа әжей үйіне жетуі үшін жол табуға көмектесу керек. Сендер қалай көмектесер едіңдер? Жолда не кездесуі мүмкін? Соларды ойлап тауып суретін жапсырамыз. (муз)
Сахналау.
«Шалқан» ертегісі бойынша сахналық көрініс ұйымдастыруда балаларға өзара көмектің қажеттілігін түсіндіру мақсатын көздейді.
Мұғалім: Атай шалқан егіпті. Шалқаны үйдей боп, үйден де үлкен боп өсіпті. Атай шалқанды жерден суырып алмақ боп, тартады. Олай тартқылайды, бұлай тартқылайды, тартып шығара алмайды.(Атай әжейді шақырады)
Автор: Олай тартқылайды,бұлай тартқылайды, шалқанды шығарып алады.
Дәйексөз: Мұғалім тақтадағы «Бірлесіп көтерген жүк жеңіл» деген мақалды бүгінгі сабақтың дәйексөзі ретінде түсіндіреді.
Ойын:
Оқушыларға көмек көрсетудің маңыздылығын ұғындыру мақсатында «Біз де» ойыны өткізіледі.
Балалар шеңбер құрып дөңгелене отырады. Мұғалім ортаға шығып, «көмек», «көмектесу» іс-әрекеттеріне қатысты сөйлемдер айтады. Балалар ойын бастаушының айтқан сөздерін дұрыс деп тапса, «біз де» деп жауап беруі керек. Ал қосылуға болмайтын сөзге «біз де» деп айтып қалған бала айып тартатын болады. Ән салып, немесе би билеп, т.б. өнер көрсетеді.
Ойын бастаушы: Мен әрқашан көмекке дайынмын.
Балалар: Біз де.
Ойын бастаушы: Мен көмектескен адамға рахмет айтамын.
Балалар: Біз де.
Ойын бастаушы: Мен көмектескен адамға рахмет айтамын.
Балалар: Біз де.
Ойын бастаушы: Мен көмек сұраудан ұялмаймын.
Ойын бастаушы:Мен көмек беруге асықпаймын.
Балалар: ...
Осы кезде біреу: «Біз де» деп айтып қалса, ойын тоқтайды. Әлгі қателескен бала айып орнына би, ән салады. Бұдан соң ойын қайта басталады.
Жүректен жүрекке.
Балалар шеңбер құрып, Мәлике Байсариеваның «Көмектесем бәріне» өлеңін айтады.
Отын жарып беремін,
Суды да алып келемін.
Аялаймын мамамды, Дарын
Тиеді ылғи көмегім.
Ең елгезек баламын
Үлкен тілін аламын.
Өссем деген ойым бар, Назар
Таудай биік талабым.
Еңбек етсем, ертеңгі
Бақытыма сенемін!
Мақсатыма жеткізер, Айқын
Уақытыма сенемін!
Білім терең теңіз бе,
Білім, еңбек егіз бе?
Рухани азығым-
Осы екеуі деңіз де,- Ақбота мен Нұрбота
Дейді атам , - білімді
Еңбекпенен сен ізде!
Ән: «Бала тілегі»
Сабақ соңында балаларды жақсылыққа жетелеу мақсатында ізгі сөздермен мараппаттаймын.
Қорытынды.
Себеттегі қағаздан жасалған гүлдерді балаларға таратып беремін. Әрбір гүлде «Қайырымды бала», «Мейірімді бала», «Әдепті бала», «Рақымды бала», «Қамқор бала», «Еңбекқор бала» - деген сөздер жазылған.
- Балалар, біз еңбек туралы қандай мақалдар білеміз?
- Еңбектің наны тәтті, жалқаудың жаны тәтті.
-Еңбек етсең ерінбей тояды қарның тіленбей.
-Еріншектің ертеңі бітпес.
-Еңбек – ширатады, өмір сүйретеді.
-Еңкейгеннің еңсесін еңбек көтереді.
-Көп еңбегі көңілді.
-Адамды адам еткен еңбек.
Рефлексия: - смайлик арқылы сабақтағы көңіл-күйлерін, тілектерін білдіреді.
