Просмотр содержимого документа
«"?арыш?а жол ашу.Ю.Гагарин-т???ыш ?арышкер. "doc,»
Сабақтың тақырыбы: Ғарышқа жол ашу.Ю.Гагарин-тұңғыш ғарышкер. Т.Әубәкіров,Т.Мұсабаев- қазақ ғарышкерлері Сабақтың мақсаты: 1.Оқушылардың ғарыш әлемі туралы білімдерін кеңейтуге көмектесу. Ғарыш әлемі туралы неғұрлым жан-жақты ақпарат жинауына қолайлы орта туғызу. Ғарышкерлер туралы мәліметтер беру 2. Оқушылар мәтінмен таныса отырып,саралау, сипаттау, зерттеу, салыстыру, талдау жұмыстарын жүргізуге жағдай жасау. Оқушылардың жеке ,жұпта, топта жұмыс жасауын, пікір алмасу ортасын ұйымдастыру. 3. Жас ұрпақтың патриоттық, отаншылдық сезімін оята отырып, елін, жерін сүюге, құрметтеуге тәрбиелеу. Күтілетін нәтиже: • Сабақ соңында оқушылар ғарыш әлемі туралы алған білімдерін өзгелермен бөлісе алады. • Ғарыш әлеміне сипаттау, саралау, талдау жұмыстарын жүргізе алады. • Жеке ойларын ортаға сала білу.Топқа ойын еркін жеткізе алу.. Басқаны үйрету жауапкершілігін сезіну Сабақтың түрі : Жаңа білімді меңгерту сабағы
Көрнекілігі: Интерактивті тақта,ғарышкерлер суреті, бейне фильмдер. Сабақтың барысы: І Ұйымдастыру кезеңі: 1-слайд :
Психологиялық дайындық: Сыныптың психологиялық ахуалын қалыптастыру.
-Таңертең көзімізді ашып терезеге қарасақ алдымен нені көреміз?
-Егер күн жарқырап, жан-жағына нұрын шашып тұрса біздің көңіл күйіміз қандай болады?
Қуан! Шаттан! Алақай!
Қуанатын күн келді!
Қайырлы күн!
Күліп шықты күн бүгін!Геометриялық фигуралар арқылы 3 топқа бөлініп отырғызу
ІІ. Үй тапсырмасын тексеру. Сұрақ-жауап арқылы 3 топтың білімін тексеру.
1-топ
Күн көкжиектің қай тұсынан шығып, қай тұсқа батады?
Күннің басқа жұлдыздармен қандай ұқсастығы бар?
Күн деген не?
2-топ
Күннің Жердегі тіршілік үшін қандай маңызы бар?
Күн болмаса, Жер бетінде не болар еді?
Күнді неше ғаламшар айналып жүр?
3-топ
Жердің серігі бар ма?
Адамдар күннің қуатын қалай пайдаланады?
Күн мен жер қандай қашықтықта орналасқан?
Оқушыларға қосымша күн жүйесі туралы ізденіс тапсырылған. Ізденіс жұмыстарын тыңдау.Сонымен ғарыш әлемі ол әлемдегі күн туралы мағұлматтарды білдік ? Бүгінгі сабағымызда ғарыш туралы ұғымымызды кеңейтіп, тұңғыш ғарышкерлер туралы білетін боламыз?
ІІІ Жаңа сабақ
Ой қозғау Ғарыш деген сөзді айтқанда ойларыңызға не келеді?Ғарыш дегеніміз не?
1-слайд « Ғарыш» туралы фильм
Бұлтсыз ашық түнде аспаннан жыпырлаған сансыз көп жұлдыздарды бар. Олардың кейбірі солғын жарық нүктеге ұқсайды. Енді біреулері бірде күшейіп, бірде әлсіреген алыстағы отқа ұқсайды. Жұлдыздар жерден өте алыс қашықтықта орналасқан. Сондықтан олар біздің көзімізге кішкене жылтыраған ноқат сияқты болып көрінеді. Шынында да олардың әрқайсысы Күнге ұқсас жанып тұрған, орасан зор газ шарлар .Ең ірілері күннен ондаған, тіпті жүздеген есе үлкен.Мөлшері жермен қарайлас шағындары да бар. Жай көзбен қарағанда аспан әлемінен үш мыңға тарта жұлдыз көрінеді. Ал қазіргі замандағы ең жаңа құралдармен есепке алынғандардың саны бірнеше миллион. Ғалымдардың болжауынша , жұлдыздардың жалпы саны әлденеше миллиардтан асып кетеді.Адамдар жұлдыздарға қарап , егін егетін және оны жинайтын уақыты анықтап отырған.
1-топ сұрақтары Алғашқы жұлдызды зерттеушілер кімдер? Ерте кезде адамдар жұлдыздарды қалай зерттеген? Телескоп арқылы көрсету
2-топ сұрақтары
Осы ғарышкерлер қай жерден ұшады?
Ғарыш айлағы қай қала?
2-слайд «Байқоңыр» туралы, алғаш ұшырылған иттер туралы бейне фильм
Ғарышқа жол 1957 жылы 4 қазанда ашылды. Бұл күні бұрынғы Кеңес Одағындағы Жердің жасанды серігі ұшырылды. Спутник -2 кемесімен ғарышқа 1957 ж 3қарашада Лайка атты ит аттандырылды . 1960 20тамызда Белка, Стрелка атты Иттер ұшырылды. Ал 1961 жылы 12 сәуірде адам баласы тарихында бірінші рет Ю. Гагарин ғарыш кемесімен Жер шарын айнала ұшты. 1 2 сәуір тарихқа «ғарышкерлер күні» деген атпен енді. Қазіргі кезде ғарышты игеру тез алға басуда.
Қосымша деректер «Байқоңыр «туралы аңыз
Әйгілі Бәйдібек бидің Сары бәйбішеден 8 ұлы, Қоңыр атты жалғыз қызы болған. Қоңырдың еншісіне берілген жылқы мыңғыра өсіп, Сыр бойына сыймай, қырға шығып жаяды екен. Үйір-үйір жылқының иесін сұраған адамға «Қоңырдың жылқысы» деп, ақыры сол өңір Қоңыр ананың құрметіне «Байқоңыр» аталып кеткен деген аңыз бар.
3- топ сұрақтары
Тұңғыш ғарышқа ұшқан ғарышкер кім? Қазақ ғарышкерлері кімдер?
3-слайд Ғарышкерлер туралы бейне жазбалар
1961 ж. 12 сәуірде Ю. Гагарин 108 минут бойы ғарышта болды.
1991 ж Т. Әубәкіров 7 күн 22сағат 13 минут бойы жұмыс істеді.
Т. Мұсабаев үш рет ұшты алғаш 126 күн, екінші ұшу уақыты 207күнге созылды .
2015ж А.Айымбетов зерттеу жұмысы 10 тәулікке созылды.
4- Слайд Қосымша материалдар «Скафандр» туралы мәліметтер
Мәтінді тізбектей оқып талдау жасау, топтарға оқыту
Алғаш айға аяқ басқан кімдер?
Қай ғаламшарда тіршілік бар?
Орбиталық стансылар арқылы нені зерттеп білуге болады?
5слайд Орбиталық стансылар Ғарышкерлердің отырып зерттеу жұмыстарын өткізетін орындарын көрсету.
Ғарышты бұрын қалай зерттеген , қазіргі уақытта қалай зерттеліп жатқанын көріп отырмыз. Болашақта қалай зерттеледі деп ойлайсыңдар?
5. Сабақты қорыту
Түнде аспандағы қаптаған жұздызға қарасақ не байқаймыз? Ағып түскен жұлдыздар немесе оларды метеориттер дейміз. Сондай ағып түске жұлдыздар артында мынандай сұрақтар бар екен?
Қазақстанның Халық Қаһарманы атағын алған ғарышкерлер кімдер?
Ғарышкерлер күні қай күн, неліктен тол күн ғарышкерлер күні деп аталған?
Жасанды серік қашан ұшырылды?
«Қандай ізгі тілекті білеміз?»
Осы ізгі тілектердің бәріне қарасақ, кім-кімге болса да тілегімізде – өрлеу, самғау, биіктен көріну, шыңға шыға бер, талабың биіктей берсін, т.с.с. ұсыныс білдіріп жатамыз. Осының себебі әрқашанда биікте болайық және әрқайсысымыздың жұлдызымыз жарқырай берсін деп, жақсы әдемі тілек жазып, геометриялық фигурамызбен ғарыш кемесін жасап ғарышқа ұшып кетейік.
Рефлексия
Сабақ ұнады ма ? Сабақта қандай жұмыстар жасалды?
Бағалау Топты бағалау
Үйге тапсырма Ғарышкерлер туралы мәліметтер жинау.
