Д?ниетану п?нінен "Тыныс алу м?шелері" та?ырыбына арнал?ан саба? жоспары

Сабақтың тақырыбы: Тыныс алу мүшелері. (4-сабақ)

Сабақтың мақсаты: балалардың тыныс жолдары туралы түсінігін қалыптастыру; олардың жұмысы жайлы мәлімет беру; таза ауаның тыныс алу мүшелері үшін маңызы туралы айту; тыныс алудың гигиеналық тәртібін қарастыру.

Сабақтың көрнекілігі: « тыныс алу мүшелері» кестесі.

Сабақтың барысы:

І. Психологиялық дайындық.

«Кім көп біледі» ойыны.

Балалар дені сау адамның белгілерін атап шығады (көңілді, сергек, оқтай түзу, дұрыс тамақтанады, терісі таза, спортпен шұғылданады және т.б.).

• Балалар, адам тыныс алу үшін қандай газ қажет? (Оттегі)

ІІ. Танымдық блок.

• Қане, бәріміз аузымызды жауып, мұрнымызды қысып тұрып демалып көрейік. Не байқадыңдар? (Ауа жетпей, тынысымыз тарылды.)

• Ауаның құрамы қандай?

Қорытынды. Адам тыныс алуы үшін оттегі қажет.

• Адам өмір бойы дем алады- ауаны жұтып, сыртқа шығады. Жұтқан кезде ауа мұрын қуысымен кеңірдек, көмекей жолдары арқылы өкпеге жетеді. Бұл мүшелердің бәрі бірігіп тыныс алу жүйесін құрайды.

Мұғалім «Тыныс алу мүшелері» кестесін көрсетеді, оқушылар осы мүшелерді тауып, есте сақтайды және сызба құрады:

Тыныс алу мүшелері:

Мұрын қуысы

Кеңірдек

Көмекей

Өкпе

1.Оқулық бойынша жұмыс:

• Мақаланы оқып, жұптасып пікір алмасу;

• Тыныс жолдарын қорғаудың негізгі ережелерін анықтау.

Әрі қаоай балалар мәтінмен мұрын қуысының маңызын біліп, адам денсаулығы үшін мұрын қандай рөл атқаратынын айтады.

2. Сөздік жұмыс. Көмекей, кеңірдек, өкпе.

3.Жағдайға талдау жасау.

Мерейтойы әжемнің:

Қонаққа толы үйіміз.

Күлкі, әзіл көбейді,

Бұрқыраған көк түтін.

Қонақтар аса көңілді,

Маған ғана күлкі жоқ.

Түтіннен әбден тұншықтым,

Маған мында орын жоқ.

• Темекі түтіні адам денсаулығына қандай зиян келтіреді?

• Осы өлең кейіпкерінің орнында сен болсаң қайтер едің?

4. «Дұрыс жауабын тап» ойыны.

• Сенің қасында біреу темекі тартып тұрса:

• Былайрырақ барып тұру керек.

• Темекі тартпауын өтіну керек.

• Темекі тартып тұрған адамға жақын тұру керек.

ІІІ. Сабақты қорыту. Өзіңді тексер.

• Адамның тыныс алу жүйесінің құрлымы қандай және ол қалай жұмыс істейді?

• Өкпе қандай бөліктерден тұрады?

• Өкпе көпіршіктері қандай қызмет атқарады?

Негештің сұрағы:

• Тұмау кең таралған кезде дүкен, емхана және басқа мекеме қызметкерлері неліктен аузы- мұрнына дәке байлап алады?