Бусы из пуговиц /Түймелерден жасалған моншақ./

Сабақтың тақырыбы: Түймелерден жасалған моншақ .

Сабақтың мақсат-міндеттері:

А) білімділік:

Оқушыларға зергерлік өнер мен зергерлік бұйымдар туралы кеңінен түсіндіріп,түймелерден де әсем бұйымдар жасауға болатынын көрсетіп, моншақ жасаудың жолын үйрету.

Ә) дамытушылық:

Оқушылардың ой - қиял қабілетін,шығармашылығын дамыту.

Б) тәрбиелік:

Оқушыларды сабақ барысында ұқыптылыққа, жинақылыққа, тазалыққа, еңбек, өнер сүйгіштікке тәрбиелеу

Сабақта қолданылатын педагогикалық технология:

Дамыта оқыту технологиясы

Сабақтың типі:

Жаңа білімді меңгерту

Сабақтың түрі:

Дамытушылық сабақ

Сабақтың әдістері:

Түсіндіру, сұрақ-жауап

Сабақтың формасы:

Жеке,ұжымдық

Сабақтың пәнаралық байланысы:

Математика

Сабақтың көрнекілігі мен қажетті құралдар:

Түймеден жасалған бұйымдар, әр түрлі моншақтар, түйме, жіп , қайшы.

Сабақ барысы:

І. Ұйымдастыру бөлімі

- амандасу;

- түгелдеу;

- оқушының назарын сабаққа аудару;

ІІ. Жаңа материалдарды қабылдауға дайындық

- Балалар, зергер дегеніміз кім?

Зергер

- Зергердің қолынан шыққан заттарды қалай атайды?

- Зергерлік бұйымдарға қандай заттар жатады?

Зергерлік бұйымдар

- Осы әшекей бұйымдарды неден жасайды?

- Алтын ,күміс,меруерт,темір,жаһұт,т.б

- Тағы да басқа неден жасауға болады деп ойлайсыңдар?

ІV. Жаңа сабаққа ену

(Тақтаға күн мен сабақтың тақырыбы жазылады,жаңа сабақ түсіндіріледі)

• Балалар, рухани мұраларымыздың бірі - зергерлік бұйымдар. Зергерлердің қолынан шыққан бұйымдар адам бойына әрқашанда көрік, ажар берген.

• Ал, жіпке тізілген әсемдік үшін мойынға салып жүретін моншақ түрлі - түсті майда асыл тастардан тұрады.Моншақты тек алтын, күміс, меруерт, маржандардан ғана емес, біздің күнделікті киімімізге тағылатын түймелерімізден де жасауға болады екен.

• Түйме дегеніміз не,кім айтады?

(түйме сөзінің анықтамасы оқушының жауабын тексеру үшін инер-ті тақтадан қайталап оқылады)

Түйме – киімнің немесе бұйымның екі бөлігін бір-біріне бекіту үшін қолданылатын зат болып табылады.

• Балалар, мына көріп отырған әшекей заттарыңның барлығы түймелерден жасалған

(түймелерден жасалынған әшекей бұйымдардың жинағы көрсетіліп,таныстырылады)

• Түймелер қандай түрлі формада болады екен? (дөңгелек, төртбұрышты, сопақша, үлкен-кіші, т.б)

• Түймелерді неден жасайды?(пластик,темір,ағаш,т.б)

• Балалар біз бүгін осындай түрлі әдемі түймелерімізден моншақ жасаймыз.Бізге қажет болатын құралдар:жіп,түйме,қайшы,ине.

• Бәріміздің құралдарымыз бар ма?

• Пайдаланатын құралдарымызға байланысты қауіпсіздік ережесін еске түсіріп жіберейкші,кім айтады?

Қауіпсіздік ережесі:

1.Мұғалімнің рұқсатынсыз жұмысты бастама

2.Жұмысты бастамас бұрын жұмыс киіміңді киіп ал

2.Қайшыны құрдасыңа ұсынарда сабымен ұсын

3.Инемен жұмыс кезінде жан-жағыңа алаңдама,жұмыс біткен соң инеңді арнайы ине қыстырғышқа орналастыр

4.Құралдарыңды құрал салғышта ұста

5.Жұмысыңды аяқтаған соң,жұмыс орныңды жинастыруды ұмытпа!

• Енді балалар,түймеден моншақ жасаудың ретімен танысп алайық.

Жұмыстың жасалу реттілігі:

1.мойнымызға өлшеп,өз қалауымыз бойынша жіпті инеге сабақтаймыз (1 – сурет).

2. Жіптің бір ұшына ілгекті байлап, бекітеміз (2 – сурет).

3.Түймелерді жіптің екінші ұшынан бір - бірлеп өткіземіз (3 – сурет).

4. Жіптің екінші ұшына ілмек жасап,оны ілгегіне бекітеміз (4 – сурет).

5.Жасаған жұмысымызды өз қиялымызбен әсемдейміз (баяу ән қосылып,ән ырғағымен оқушылар әшекей бұйымдар жасайды)

Шығармашылық тапсырма:

Түймеден қолға тағылатын әшекей жасау.

V.Жаңа білімді бекіту

- Біз бүгінгі сабағымызда нені уйрендік?

- Жасаған бұйымдарыңды қалай әсемдедіңдер?

- Түймеден тағы басқа қандай бұйым жасауға болады деп ойлайсыңдар?

- Жасаған бұйымдарыңды кімге сыйлайсыңдар?

VІ. Келесі сабаққа қажетті құралдар

Келесі сабақта әкелетін құралдар: пластмасса сақиналар( өлшемдері бірдей 3 –еу),жіп (қалыңдау),майда моншақтар және қайшы.

ҮІІ.Бағалау

Сабаққа қатысу белсенділігіне қарай оқушыларды мадақтау, бағалау.