Сабақтың мақсаты: 1. Оқушыларды Алғабас ауылының тіршілігімен таныстыру.
2. Ауыл мен туған жер туралы түсініктерін кеңейту.
3. Туған жеріне, еліне деген сүйіспеншілік сезімін қалыптастыру.
4. Туған жердің қадір- қасиетін ұғынуға, өз ойларын жүйелі түрде жеткізе білуге, сөйлеу мәдениетіне үйрету
Сабақтың әдісі: Жаңа технология элементтерін қолдану
Көрнекілігі: Интерактивті тақта, бүктеме қағаз.
Сабақтың барысы:
І. Шығармашылық жұмыстар
(Оқушылардың ауыл, туған жер туралы жұмыстары)
ІІ. Ой қозғау («Ауыл», «Алтын бесік», «Туған жер», «Ауыл кімдердің мекені?» деген тақырыптар аясын түсіндіру
ІІІ. Ауыл тіршілігін танып біл
(Ауылымыздың тіршілігін баяндау)
Шаттық шеңбері: Е.Ерботиннің "Туған жер"өлеңінің бір шумағын балалар айтады.
Төскейден жел еседі,
Төбемнен бұлт көшеді.
Туған жерім мен үшін
Көк майсасын төседі.
Өзіммен - өзім
Балалар үнтаспадан табиғаттың дыбыстарын тыңдайды және көз алдарына елестеді.
Туған өлкеміздің табиғаты қандай тамаша .Айналамыз жап-жасыл, сан алуан тамаша гүлдер хош иісін аңқытып, биік,биік ағаштар мейірімді анадай көлеңкесін тосып тұр.
Туған жердің әрбір шөбі,әр гүлі,әр ағашы, салқын самалы,қасиетті топырағы көзіңе оттай ыстық.Оның қызыл-жасыл көбелегі, құстарының құйқылжыта салған үні, жан-жануарлардың дыбысы құлағыңа жағымды стіледі. Жақын маңнан тау бұлағынан бастау алған өзеннің сарқыраған дауысы естіледі. Туған жердің таза ауасымен дем алып, көңілдерің көтеріліп,жандарың жайланып қалды.
Енді туған жерімізге қандай жақсылық жасай алатынымызды ойлап, көз алдымызға елестетіп көрйік.Ал енді көзімізді ашып, өз ойларымызбен бөлісейік.
І. Шығармашылық жұмыстар:
Әркімге өзінің туып-өскен жері, оның сылдырлап аққан суы, биік таулары,ағаштары,хош иісті гүлдрі де ыстық. Сондықтан әркім өзінің туған жеріне деген махаббатын,Отанына сүйіспеншілігін,мақтанышын түрлі жолдармен білдіреді.Ақын-жазушыларымыз туған жердің сұлу табиғатын,байлығын жырласа, сурешілеріміз суретін салады.
(Оқушылардың ауыл, туған жер туралы жұмыстары) салған суреттері,ермексаздан жасаған заттарын көрсетіп,көрме жасайды.. Тақпақтар оқиды.
1). Арай: Ауылым Алғабасым құт дарыған
Өзіңе жете ме бар ғалам.
Өзімдей жас өрендер туып өскен,
Айналдым киелі қара топырағыңнан.
2.Нұрасыл Халқыңның ырысына айналған
Егініді аймағы желегін жайған.
Дән егіп терлеген шаруалары
Күз келгенде астығын жиған.
Көгінде күні жарқыраған.
Ақ жүрек адамдары аңқылдаған.
Мақтанамын киелі Ауылымнан.
3. Мерей: Алғабас туған елім, туған жерім,
Ешқандай ел жетпейтін менің жерім.
Жазық дала, кең дала жайылымды.
Адамдары сыпайы, қаайырымды.
Суы қандай тәтті су бал татыған,
Буы қандай ыстық су шай қайнардай.
4.Дастан
Мектебім бар зәулім сарай мақтанардай.
Спорт кешенім бар, таң қалардай.
Егінім бар алуан түрлі ақ бидайлы
Міне осындай ауылым менің мақтанарлық.
5. Кәусар: Туған жерде асыр салған
Біз ұланбыз өрімдейміз.
Біз ұланбыз еңбек құмар
Өнер десе ерінбейміз.
6.Бекарыс: Жайқалған шалғын
Қазына толы.
Толассыз қарқын
Маңыраған малы
Байлығы тасқын
Арманы асқан
Бақытты ауыл Алғабасым...
ІІ. Ой қозғау
Тілеухан:
Менің ойымша ауыл әр адамның ата-тегінің бесігі, арқа сүйері, балалық шақтың мекені. Атамекенге деген махаббат, атамекенге деген сағыныш ауылдан басталса керек.
Нұрай:
Қазақтың хандары мен батырлары, ғалымдары, ғылымдары мен қаламгерлері осы ауыл даласынан қанат қағып қияға ұшқан.
Асылбек: Қазақтың ұлы ақыны Абай, ұлы жазушы Мұхтар ауылдан шықса, батыр Бауыржан Момышұлы ауыл баласы
Бекнұр: Ауыл десем, мал елестер көзіме
Ауыл десем, дән елестер көзіме
Ауыл десем ер саламын құр атқа
Ауыл десем, ән елестер құлаққа
ІІІ. Ауыл тіршілігін танып біл
(Ауылымыздың тіршілігін баяндау)
Ауылымызда бидай, арпа, жоңышқа, бау-бақша дақылдары егіледі.Жылқы,сиыр,қой,ешкі өсіреді.Егін егу,мал бағу,жеміс-жидек өсіру--осының бәрінде де ауыл адамдары істейді.
Дәйек сөз " Ауылым----алтын бесігім" деген мақалды түсіндіру. Әркім туған жерін - ауылым дейді. Ауылын алтын бесікке теңеуі , бақытты балалық шағының ауылда,туған жерінде ата- анасымен, отбасымен достарымен,сыныптастарымен өткізген сәттерін айтады.
Ғажайып сөздер
Балаларға үйренген өнегелі сөздерін қайталату.
-Туған жерімді сүйемін.
-Туған жерге қамқормын.
Қорытынды:
Дұрыс айтасыңдар, балалар ,туған жер бұл біздің туып өскен ауылымыз.Біз бүгін Туған жер ауылымыз туралы әңгімелестік.
Отанды, туған жерді,ауылды қадірлеу керектігін түсіндік.
