2 саны ж?не цифры

Пәні: математика

Күні: 7.10.2015ж

Сабақтың тақырыбы:2 саны және цифры

Сабақтың мақсаты:

білімділік: 2 саны және цифрын жазуға, оқуға, сандар жасай білуге, сан мен цифрды ажыратуға үйрету.

дамытушылық: логикалық ойлау қабілетін, сын тұрғысынан ойлау, шығармашылық қабілетін, өз бетінше жұмыс жасай алу дарындылығындамыту.

тәрбиелік: Отанды сүюге, Егеменді Қазақстанды қастерлеуге, ұлтжандылық пен патриотттыққа тәрбиелеу.

Сабақтың түрі: ойын сабақ

Сабақтың әдісі: сұрақ-жауап, илюстрациялау, түсіндіру.

Сабақтың көрнекілігі: дидактикалықматериалдар, ойын элементтері, электронды оқулықтар.

Сабақта қолданылатын технология түрі: инновациялық оқыту, ойын арқылы оқыту.

Пәнаралық байланыс: әліппе, бейнелеу, дүниетану.

Сабақтың барысы:

І. Ұйымдастыру кезеңі:

а) құрал-жабдықтарды түгелдеу,

ә) қауіпсіздік шараларымен таныстыру.

ІІ. Психологиялық дайындық кезеңі:

«Жәндіктерге көмек» ойыны.

Мақсаты: күз келді, қылышын сүйретіп қыс келеді, барлық адамдар, жан-жануарлар, жәндіктер, құрт-құмырсқалар қысқа дайындалуда. Кәне біз де жәндіктерге (қоңыз бен инелікке) көмек берейік.

ІІІ. Өткен сабақты пысықтау кезеңі:

«Қанша? Қайда?» ойыны. Мақсаты: көрсетілімдегі жәндіктерді санап, өз орындарына орналастыру арқылы, өткен сабақтағы            1 саны  мен цифрын тиянақтау, оқушыларға комьпютерді өз бетінше басқаруды үйрету.

 ІV. Жаңа сабақты түсіндіру  кезеңі:

А) оқулықпен жұмыс;

- Балалар мына суреттегі баланың есімі Тапқырбек. Ол сендерге бүгінгі сабақты жақсылап түсініп, меңгеріп, сандар мен цифрларды жаттап алуға көмек бергелі келіпті. Балалар  бүгінгі өтетін мына санды танимыз ба, танысақ қандай сан?

- 2 саны

Дұрыс, сан не үшін керек?

- Заттарды санау үшін керек.

Онда суретте берілген жемістерді санайық.

Неше пияз?

- Екі пияз.

Неше қызылша?

- Екі қызылша.

Неше қияр?

- Екі қияр.

Жарайсыңдар балалар! Енді келесі тапсырмаға көшейік. Ыдыстағы не?

- Ыдыстағы сәбіздер.

Неше сәбіз?

- Алты сәбіз.

Түстері қандай? Ажыратып санайыз.

- 4 қызыл сәбіз, 2 сары сәбіз.

Ал, мына қораптағы не?

- Қораптағы қарбыздар.

Неше қарбыз?

- Бес қарбыз.

Олардың барлығы бірдей ма?

- Жоқ, үшеуі ала қарбыз, екеуі қара қарбыз.

Жарайсыңдар балалар.

Енді барлығымыз алдымыздағы оқулыққа қараймыз № 2-ші тапсырмаға зер саламыз. Суреттегі не?

 - Кесінді.

Бізге кесіндінің ұзындығын өлше депті. Ұзындықты немен өлшейміз?

- Сызғышпен.

Онда өлшеп көрейік.

-  2 см.

V. Жаңа сабақты пысықтау кезеңі:

А) Оқулықтағы №3-ші тапсырмаға қараймыз.

Ойын: «Жеміс жинаймыз». Мақсаты: суреттегі берілген жемістердің ішінен бүгінгі  өткен 2 санына сәйкес келетін жеміс түрлерін қорапқа саламыз

Сабақты бекіту.

• Балалар біз қандай сандармен таныстық?

• Кесінді деген не?

• Сәуле деген не?

Бағалау

Жақсы қатысқан оқушыларды атап айту.

Қазақ тілі 2 сынып

Күні: 7. 10.2015

Сабақтың тақырыбы: Дауыссыз б мен п

Сабақтың мақсаты:

Білімділігі: түбірдің соңындағы п дыбысына дауысты дыбыстан басталған қосымша жалғанған жағдайда п дыбысы б дыбысына өзгеретіндігін түсіндіру; басқа тілден енген, соңында б дыбысы келетін сөздердің жазылуын естеріне түсіру.

Дамытушылығы: сөздік қорларын молайтып, дұрыс сөйлеу дағдысын қалыптастыру.

Тәрбиелігі: еңбексүйгіштікке, тиянақтылыққа тәрбиелеу.

Сабақтың түрі: дәстүрлі сабақ.

Сабақтың типі: жаңа білімді меңгеру.

Сабақтың әдісі: түсіндіру, сұрақ-жауап, ой қозғау, сергіту сәті, ребус шешу.

Сабақтың тәсілі: жаппай, жеке.

Сабақтың көрнекілігі: тақырыпқа сай суреттер, плакат, электрондық оқулық.

Пәнаралық байланыс: әдебиеттік оқу, дүниетану.

Сабақтың барысы:

1. Ұйымдастыру кезеңі. Оқушыларды түгендеу, оқу құралдарын тексеру.

2. Психологиялық дайындық

Қайырлы күн, достар!

Бүгінгі күн, міне,

Сәттілікке толсын

Біздің алар бағамыз

Кіл бестіктер болсын.

3. Үй тапсырмасын сұрау

86-жаттығу. Өзің білетін зиянкестер туралы әңгімеле.

- Дыбыстар нешеге бөлінеді?

- Жуан дыбыстыларды ата?

- Жіңішке дыбыстыларды ата?

- Дауыссыз дыбыстар нешеге бөлінеді?

- Үнді дауыссыздарды ата?

- Ұяң дауыссыздарды ата?

- Қатаң дауыссыздарды ата?

4. Жаңа сабақ

1) Кіріспе бөлім.

«Орфографиялық сөздікте қалай жазылады?» тапсырмасы.

Тақтаға кейбір әріптері түсіп қалған сөздер жазылады.

кәсі... қалы... клу...

мекте... ғажайы... шта...

- Осы сөздер орфографиялық сөздікте қалай жазылады деп ойлайсыңдар? (Тақтаға оқушылар көп нүктенің орнына тиісті әріпті (п, б) жазады).

Сөздерді бірнеше балаға дауыстатып оқыту.

- Балалар, осы сөздердің соңында б дыбысы естіліп тұр. Ал сендер неліктен кейбір сөздердің соңына п, ал кейбір сөздердің соңына б әріптерін жаздыңдар?

Сөз соңында б дыбысы естілгенімен, п әрпі және кейбір басқа тілден енген сөздердің соңында б әрпі жазылатындығы еске түсіріледі. П мен б дыбысына аякталатын сөздерге мысалдар келтірту.

Б мен п әріптері туралы не айтуға болады?

Б - ұяң дауыссыз дыбыс, ал п - қатаң дауыссыз дыбыс.

Күннің реті Көркем жазу

Суреттегі заттарды атау, оларға ы дыбысын қосып айтып көр.

Өлеңді мәнерлеп оқы.

Күзгі дала

Дала жатыр демалып,

Үлестіріп жемісін.

Дүниедегі ең алып

Осы дала мен үшін.

Алма сыйлап бөбекке,

Алма ағаштар сарғайған.

Төгілген тер шелектеп,

Елестеді маңдайдан.

(Тұманбай Молдағалиев)

П әрпіне аяқталған сөздерді көшіріп жазып, п әрпінің астын сыз. Бұл сөздердегі п дыбысы қалай айтылатынын байқа. Ол дауыссыздардың қай тобына жатады?

Ереже: Сөз соңында б естілгенімен, п әрпі жазылады.

88-жаттығу. Көп нүктенің орнына п, б әріптерінің тиістісін қойып, сөздерді көшіріп жаз. Оқылуы мен жазылуын салыстыр.

Әде..., тала..., жі..., шө..., қора... .

89-жаттығу. Ребусты шеш. Шешуіндегі сөзді қатыстырып сөйлем құра.

Сергіту сәті

5. Өзіндік жұмыс

Төмендегі суреттерден штаб, клуб сөздерін оқуға болады. Қалай?

Штаб, клуб сөздерін п дыбысына аяқталған сөздермен салыстырып, қорытынды жасап көр.

Топ, штаб, шалап, қап, клуб, кәуап, қалып, сап, куб, тап, араб. Сөздерді көшіріп жазу, мағынасын түсіндіру. П-қатаң дауыссыз, б-ұяң дауыссыз. Кейбір сөздер ережеге бағынбайтынын ескерту.

Клуб, араб сөздеріне сөздік жұмысын жүргізу.

клуб – үйірме араб – ұлт

Штаб, куб. Бұлар - басқа тілден енген сөздер. Осы сөздердің жазылуын есте сақтауымыз керек.

Ереже

Клуб, штаб, куб, араб тәрізді кейбір сөздердің соңына б әрпі жазылады.

6. Сабақты қорытындылау.

• Б қандай дыбыс?

• П қандай дыбыс?

• П мен б әріптерінің жазылуы туралы не айтуға болады?

7. Үйге тапсырма

91-жаттығу. Мұғалім, мектеп, оқу, талап, кітап тірек сөздерін пайдаланып, «Мектепте» тақырыбына әңгіме құра.

8. Бағалау.

Пәні: математика

Күні: 7.07.2015

Тақырыбы: Қосу және азайту  (23+2, 25-2)
Мақсаты: 1.Ондықтан аттамай екі таңбалы және бір таңбалы сандарды қосуды, қосу мен азайту үлгілерін қарастыру. Ондықтар мен бірліктерді азайтуды пысықтау.
2. Ойша қосу мен азайтуды жетілдіру. Ойлау қабілетін, зейіндерін дамыту.
Математикалық сауаттылыққа баулу
Жүрісі:      І. Ұйымдастыру.              Психологиялық дайындық
Математика – бар ілім басы,
Математика – ғылым патшасы.
Математика- өмір тірегі,
Математика – шәкірт жүрегі.
ІІ. Өткен сабақты  пысықтау. (Кестеге бойынша  өзіндік  жұмыс  нәтижесін  талдау)
ІІІ. Тірек білім.
Санды  парақшалармен жұмыс.
— Келесі  санды  ата: 23… 25… 35… 57… 86… 72… 99…
— Алдыңғы  санды  ата: … 20,  … 30, … 40,  …50, …61, … 88, … 97.
— Көршілерін  ата: …65…, …69…, …89…, …73…, …82…, … 91 …
ІУ. Жаңа  сабақ
1. Ойға  сақта  (қосу, азайту  амалдарын жүзеге  асыру  тәсілдерін  түсіндіру)

23+2=                                                       25-2=

23+2=20+(3+2) =25                            25-2=20+(5-2) =23

20    3                                                   20    5
Түйін: 3+2 жазуы, 5-2 жазуы нені білдіреді? Бірліктерге бірліктерді қосады, бірліктерден  біріктерді азайтады.
2. Тақтамен  жұмыс. Түсіндіре  отырып  шығару.
26+2=20+(6+2) =28                                 28-2=20+(8-2) =26

20    6                                                          20    8
45+4=40+(5+4) =49                         49-4=40+(9-4)=45
63+4=60+(3+4) =67                         67-4=60+(7-4)=63
3. Математикалық диктант
1) (10+2)+6=18
2) (30+8)-4=34
3) (80+7)-5=82
4) (30+3)+5=38
4. Сергіту сәті
Орнымыздан тұрайық,
Белімізді жазайық.
Жоғары-төмен қарайық,
Солға-солға түзу түр.
Оңға-оңға түзу түр,
Алға қарайбір адым,
Артқа қарай бір адым
Бойымызға күш жинап,
Бір дем алайық.
5. Топтық жұмыс. Теңдеуді  шеш.
10-Х=7                      Х-7=3                        Х+7=10
Х=10-7                      Х=3+7                       Х=10-7
Х=3                           Х=10                          Х=3
10-3=7                      10-7=3                        3+7=10
6. «Кім  тез?» ойыны.  (Мәтінді  есепке айналдырып, кері  есеп  құру)
Көк шар – 9            19                Шешуі: 19-9=10
Қызыл шар- ?                             Жауабы: қызыл шар – 10
7. Өзіндік  жұмыс:    51,            50,         49,          48.
5150,      5049,        4948
51=50+1             50=50+0            49=40+9                48=40+8
8. Шығармашылық  тапсырма.
У. Бекіту
УІ. Қорытындылау, бағалау.
Үйге  тапсырма: №6 (55-бет)

Пәні: дүниетану

Күні. 7.10.2015

Тақырыбы: Мен және басқа адам. Әдептілік

Мақсаты: 1.Мен және басқа адам. Әдептілік жайлы түсінік беру.Адамдардың бір-бірімен қарым-қатынасы, сыйластығы жайлы әңгімелесу.

• Танымдық қабілеттерін дамыту.

• Әдептілікке тәрбиелеу.

Әдісі: сұрақ-жауап түсіндіру, өзіндік

Көрнекілігі:суреттер,

Сабақтың барысы:І. Ұйымдастыру кезеңі

- Сабаққа дайындық

ІІ Үй тапсырмасын сұрау

• Сыйға-сый

• тақырыпты оқу

• түсінгендерін сұрау

ІІІ Өткенді пысықтау

- сұраұқтарға жауап алу.

ІҮ мақсат қою

Әдептілік жайлы кіріспе әңгіме жүргізу.

әдептілік туралы тақпақтар айту.

Ү. Жаңа сабақ

а/ Мен және басқа адам. Әдептілік. Тақырыбын оқып, мазмұнын ашу.

Адамдар бір-бірін қуантса көңілі көтеріледі,.

Ренжітсе көңғіл-күйі түседі.

ә/ тақырыпты оқу 1. іштей оқу

2. тізбектей оқу

3. жеке- жеке оқу

б/ Сұрақтарға жауап алу

Сен өзіңнің ең жақын досыңды не үшін жақсы көресің?

Кімді және неліктен сыйлайтындығыңды түсіндір.

в /Сергіту сәті

ҮІ Түсінгендерін тексеру

Әдептілік адамдардың өзара жақсы қарым-қатынасының жүріс-тұрысының ережесі.

ҮІІҚорыту

Әдептілік – иіліп сәлем бергені

Әдепті бала –арлы бала

Әдепсіз бала – сорлы бала

ҮІІІ Үйге тапсырма

1. 14-16 бет оқу

Бағалау

Тақырыбы: сыйға сый

Пәні: дүниетану

Күні. 7.10.2015

Мақсаты:  1. Сыйға-сый тақырыбын оқи отырып, айналадағы дүниемен дұрыс қарым-қатынас жасау жайлы түсінік беру  

2.Танымдық қабілеттерін дамыту.

3.    Адамгершілікке тәрбиелеу.

Әдісі: сұрақ-жауап түсіндіру, өзіндік

Көрнекілігі:суреттер,

Сабақтың барысы:І. Ұйымдастыру кезеңі .

Сабаққа дайындық

ІІ. Үй тапсырмасын пысықтау: 

нан туралы мақал-мәтелдер, тақпақтар сұрау

ІҮ. Мақсат қою   

«Еңбек етпеген ішіп-жемейді»

Ү. Жаңа сабақ   

а/ «Еңбек етпеген ішіп-жемейді» тақырыбын оқып түсіндіру.

ә/ Сұрақтарға  жауап алу  

б/ тақырыпты оқу   

1. іштей оқу 

2. тізбектей оқу

3. жеке- жеке оқу

Дәптермен жұмыс. ғ/ «Еңбек етпеген ішіп-жемейді»тапсырмасын сұрау: 

«Еңбекпен келген нан – қасиетті тағам» тақырыпты оқу, түсінгендерін сұрау

ІІІ. Өткенді дегенді қалай түсінесіңдер?

ҮІ. Түсінгендерін тексеру:

Сабағыңа жөндеп,

Әзірленсең еңбек

Қиындықтың бәрін,

Еңбек қана жеңбек

ҮІІ.Қорыту 

Еңбектің наны тәтті, Жалқаудың жаны тәтті

ҮІІІ. Үйге тапсырма    10-11 бет оқу.

Бағалау