Жолда ж?ру ережесін білесі?бе?

Тақырыбы: Жолда жүру ережесін білесің бе?

Мақсаты: Оқушылардың тілін ұштастырып, жол ережесін жасына сай меңгерту. Қалыптасқан түсініктерін, білімдерін пысықтап, адам өмірі үшін қажеттілігін түсіндіру. Жаяу жүргінші мен көліктің байланыс қатынасын білдіру. Көшеде жүру ережесін түсіндіру арқылы жолда жүру мәдениетін үйретіп сақтыққа тәрбиелеу.

Жол заңы дұрыс жүріп , абай  болуды  талап етеді. Жол тәртібін  бұзба , ол  қатер  тудырады. Жолдың қалыпты қозғалысы көбінесе балалардың жол бойында қалай болса солай жүріп, доп  қуалайтыны , шаңғы  тебетіні , жүріп  бара жатқан машинаға  жабысатыны ,қалтарыстан жолға  шығып  келетін салдарынан бұзылады. Жол тәртібін бұзғандықтан  кейбіреулер машина  дөңгелегіне ілініп қаза тауып , кейбіреулері  жарақат алады . Ал кейбіреулері өмірлік  мүгедек болып қалады.

Сондықтан әрбір оқушы мектепте оқылатын Жолда жүру ережесін білесің бе? тақырыбындағы сабақты мұқият тыңдап, әр сабақтан қорытынды жасап отыруға міндетті .Үлгілі , тәртіпті оқушы көшеде, жолда  жүру ережесін ,заңын бұзбайды.

Жалғайтын достастырып бар елменен,

Жолдардан тұрады ғой әлем деген.

Бүгінгі бізге келген қонақтарға

Сабағымыз басталсын сәлемменен.

• Үлкен жолдың үстінде,
  Әмірші де, күшті де.
  Бағдаршам екенін,
  Есте сақта достарым!
  -Сонымен балалар бағдаршам дегеніміз не? (жол тәртібін реттеуші)
  -Тратуар немесе сая жол дегеніміз не? (жаяу адам жүретін жол)
  -Жаяу адамға қай жолмен жүруге болмайды? (көлік жүретін жолмен)
  -Бағдаршамның түстерін ата? (қызыл, сары, жасыл)
  -Әр түстің қызметі? (тоқтайды, дайындалады, жүреді)

Кей кезде бағдаршам жұмыс істемей қалады. Сол кезде бағдаршамның міндетін мемлекеттікавтоинспекциясының қызметкерлері атқарады. Ол адамды реттеуші деп атаймыз. Қолдарына ала таяқша ұстайды. Оны жезл деп атаймыз.

Олай болса балалар біздің әр сынып оқушыларымыз осы жолда жүру ережесіне байланысты көріністері бар екен, олай болса оқушыларымызға кезек берейік.

Оқушылар енді біраз жұмбақтар шешейік.

1. Көліктің  қаншасын үстінен өткізген , Іргеден басталып , алысқа жеткізген. (Жол)

2. Жоқ өзінде бас та , ауызда  да  , құлақ та ,
   Бақырайған  үш көзі  бар бірақ та.  (Бағдаршам)

3. Жан толған бұл үйдің,
   Айналасы терезе,
   Аяқ киімі – резеңке,
   Ал бинзин-оның асы. (Автобус)

4. Бір ғажабы бұл жерде,
   Бір нәрсені ел күтеді
   Отырады біреуі
   Тік тұрады біреуі
   Не қылған жер бұл өзі,
   Айтыңдаршы кім біледі? (Аялдама)

Айналайын, абайла,
Жан жағыңа қарайла
Жолда жүру ережесін
Есте сақта қалайда.

Сонымен балалар біз сендермен жолда қалай жүру керек екенін білеміз. Жол ережесін әрқашан есте сақтау керек. Жол ережесін жақсы білсек өзіміздщі жол апатынан сақтаймыз. Ал енді осы ережелерді орындап, аман болайық.

Хормен: Ұлы сөзді тыңдаймыз,

Жол тәртібін сақтаймыз!

Жамбыл бастауыш мектебі

(Оқушылар жиыны)

Дайындаған: Тастурганова Р.Ж