Жол тәртібін білейік, аман-есен жүрейік

Тәрбие сағаты

Жол тәртібін білейік,

Аман-есен жүрейік.

Күні

22.09.2023

Сынып жетекшісі:

Тыныштықова Ж.Ә

Класс: 3 «Б»

Қатысушылар саны: 19

Қатыспағандар саны:

Сабақтың мақсаты:

жаңа оқу жылының басталуы қарсаңында білім алушылардың бойында білімнің басымдылығы мен маңыздылығын және жағымды көңіл-күй қалыптастыру Балалардың «сыйластық» құндылығы туралы түсініктерін кеңейту, үлкен – кішіге деген сүйіспеншілігін, сыпайылық қарым – қатынасын дамыту, кішіпейілділікке, ізеттілікке тәрбиелеу.

Құндылықтарды дарыту

Ар-ұят: шешім қабылдай білу және жауапкершілікті сезіну.

Сабақтың барысы

Сабақтың кезеңі/ уақыт

Мұғалім әрекеті

Оқушы әрекеті

Ресурстар

Ұйымдастыру кезеңі (3 мин)

І. Ұйымдастыру кезеңі. Балалар қызыл, сары, жасыл жетондарды өз қалауымен таңдап, алып үш топқа бөлініп отырады.

Қызығушылықты ояту.

www.bilimland.kz порталындағы «Видеожинақ» ресурсы («Сынып сағаты тақырыптары» бөлімі) http://bilimland.kz/kk/home#lesson=12002 арқылы оқушыларға бейнебаян көрсету.

Оқушылар мұғаліммен амандасады,түгенделеді,

Сабақ басы (10 мин)

Мұғалім:

- Құрметті оқушылар, бейнебаяннан көргеніміздей бүгінгі тәрбие сағатымыздың тақырыбы қандай деп ойлайсыздар? Неліктен мен сіздерге қызыл, сары, жасыл жетондар арқылы топқа бөлдім. Бұның сыры неде?

- Дұрыс айтасыздар, жолда жүру ережесі, бағдаршамның адам өміріндегі маңызы туралы болмақ. Сабағымыздың басты мақсаты егемендігі мен елдігі орнаған осындай Қазақстан атты бейбіт өлкемізде сәбилердің қуанышты күлкісі мен аналарымыздың әсем жүзі бақытқа толы болса дейміз, ол үшін әр азамат өмір қауіпсіздігін сақтап, жол тәртібін білу керек. Біз бүгін осы мақсатта жол ережелері өлкесінде қонақта боламыз. Сәт сапар, Жас ұлан!

II. Мағынаны ашу.

1-жүргізуші:

«Жол тәртібін білейік,

Аман-есен жүрейік» атты тәрбие сағатымызды ашық деп жариялаймыз. Тарихқа көз жүгіртетін болсақ, жүріп-тұруды реттеу қажеттілігі машинаның аз кезінде-ақ туған көрінеді. Алғаш рет 1868 жылы Лондон қаласында темір жол бағдаршамы орнатылды. Ол қолмен ауыстырылатын және алмастыру үшін арнайы адам тұратын еді және ол көп уақыт алатын болды. Кейінірек 1870 жылы америкада электр бағдаршамы пайда болды.

2-жүргізуші:

Ал бүгінгі таңда бағдаршамды электронды есептеу машинасы арқылы басқару жүзеге асырылған. Қазақстанда бағдаршамдар барлық ірі қалаларда орнатылған. Қазақстанда 1917 жылға дейін 127 км ғана жол болса, елуінші жылдары республикамыздағы асфальт жолдарының ұзындығы отыз км дейін жетті. Ал қазір сегіз жүз миллион км-ден асады.

1-жүргізуші:

- Балалар, МАИ қызметкері дегініміз кім? Дұрыс айтасыздар, бүгін бізге МАИ қызметкері келген екен. Сіздердің ұшқыр ойларыңыз бен білімдеріңізді сынап көрмекші.

МАИ қызметкері:

- Әр бір аймақтың өмірі көлікпен тығыз байланысты. Сондықтан жолда жүру тәртібі мен қауіпсіздік ережелерін білулерін керек. Әрбір жаяу жүргінші, әр бала жол бойында аса сабырлылықпен аспай-саспай жүріп тұруға тиіс. Сол себепті сіздерге қояр бірнеше сұрағым бар. Бірінші, жаяу жүргіншілер қандай жерлермен жүреді?

1-оқушы:

Жаяу жүргіншілер жиек жолмен жүруге тиіс. Ал жол үсті тек көліктің жүруіне арналған. Жаяу жүргіншілер жиек жолдың тек оң жағымен жүреді, сонда қарсы келе жатқан адамдарға бөгет жасамайтын болады.

МАИ қызметкері:

- Топталып келе жатқан жүргіншілер жол бойымен қалай жүруі керек?

2-оқушы:

Бір топ жаяу жүргінші тек жиек жолмен немесе келе жатқан көлікке қарсы бағытта жолдың сол жақ жиегімен екі қатардан аспай жүру керек. Олар жолды кесіп өтпек болса, екі көшенің немесе жолдың қиылысқан тұсына тоқтау керек. Негізінен жол тәртібін сақтап, жаяу жүргіншіге арналған жолмен немесе бағдаршамнан өтуі керек.

МАИ қызметкері:

- Жол өткелінен жүгіріп өтуге бола ма?

3-оқушы:

Жүгіріп келе жатқан адам айналасын бағдарлай алмай қалады және қарсы келіп қалған көлікті байқағанмен, сасқалақтап жарақаттануы мүмкін. Сондықтан әр кез сақ болып, асықпай жүрген абзал.

МАИ қызметкері:

- Көліктің оңға бұрылатынын қалай білуге болады?

4-оқушы:

Оңға бұрылатын көлік жолдың оң жағындағы бірінші қатарда тұрады және оң жақ бұрылысты білдіретін жарығын жағады.

МАИ қызметкері:

- Аялдамаға тоқтаған автобустың қай жағынан өту керек?

5-оқушы:

Аялдамаға тоқтаған автобустың алдынан да, артынан да өтуге болмайды. Сол айналада жол өткелі болуға тиіс, содан өту керек.

МАИ қызметкері:

- Жол үстінде топталып жүрудің қауіптілігі неде?

6-оқушы:

Топталып келе жатқан балалар өзара әңгімеге айналып, жолда жүру ережесін ұмытып кетуі мүмкін. Сондықтан жол өткелдерінде әңгімені қойып, барлық зейінді жол қауіпсіздігіне аудару керек.

МАИ қызметкері:

- Жарайсыңдар, балалар, жол қауіпсіздігі туралы білімдерін жоғары екені көрініп тұр. Енді балалар www.bilimland.kz порталындағы «Видеожинақ» ресурсы («Сынып сағаты тақырыптары» бөлімі) http://bilimland.kz/kk/home#lesson=12027 сайтынан мына бейнебаянды көруге шақырамын.

МАИ қызметкері:

- Балалар, мұқият тыңдасақ, мен сендерден осы бейнебаяннан алған білімдерінді тексеріп, емтихан аламын. Мына жерде көлік жолы жатыр. Байқасаңыздар, түрлі жол кедергілері орналасқан. Мына машинаға отырып, осы кедергілерден дұрыс өтіп, қандай белгі екенін атап беруіміз керек. Кімде-кім жол тәртібін сақтап, мүдірмей жауап берсе, жас инспектор куәлігіне ие болады. Көп ұпай жинаған команда жеңіске жетеді. (Әр дұрыс жауап берген оқушыларға жұлдызша беріледі)

МАИ қызметкері:

- Бүгін сендер өздеріңнің жол ережесі туралы білімдерінді жақсы көрсете білдіңдер. Қай жерде жүрсеңдер де жолда жүру ережесін ережесін сақтап, басқаларды да соған шақырыңдар. Бүгінгі тамаша сабақ үшін сіздерге алғысым шексіз. Сіздер секілді білімді ұрпақ тұрғанда еліміз аман, жұртымыз тыныш, сәбилеріміздің жарқын күлкісі мәңгі естіледі деген үміттемін. Сабақта білімімен топта ерекше көзге түскен оқушыларды ортаға шақырамын.

(Көп ұпай жинаған оқушыларға «жас инспектор» куәлігі тапсырылады).

Бағдаршам, жол белгілері салынған суреттер

Соңы

2 мин

Рефлексия.

Оқушылар стикерлерге жеке ойларын жазады:

• Сабақта сізге не қатты әсер етті?

• Сіздің есіңізде қандай жақсы істер немесе идеялар қалды?

• Қандай тапсырмалар немесе әрекеттер ең қызықты болды және неге?

Қорытынды:

Хормен:

Жол тәртібін білейік,

Аман-есен жүрейік.

Қазақ атты елімде,

Бақытты өмір сүрейік!

Оқушылар стикерлерге жеке ойларын жазады

стикерлер

№

Не бағаланады

1

Сынып жетекшісінің негізгі жеке басының бағасы.

Сынып жетекшісінің толықтай ой өрісі және білімі

Педагогикалық және әдістемелік шеберлігінің деңгейі

Сөйлеу мәдениеті, дикция, шапшаңдық, қарқындылық, бейнелілік, сезімдік

Әдептілік және демократияшылдық деңгейінде оқушылармен қарым-қатынас

Мұғалімнің сыртқы келбеті, мимикасы, қылықтары, өз- өзін ұстау

2

Сынып сағатындағы оқушылардың негізгі мінездемелері

Танымдық белсенділігі, шығармашылық және өз бетінше жұмыс жасау деңгейі

Жалпы тәрбиелеу және арнайы икемділігі және дағдылары

Ұжымдық (топтық) жұмыстар формаларының тиімділігі

Тәртіптілік, ұйымшылдылық, қызығушылық деңгейі.

3

Сынып жетекшісінің және оқушылардың ұстанымын бағалау.

Тәрбиелік материалдың ғылымилығы, қол жетімділігі.

Өзектілік және өмірмен байланыс

Жаңа нәрсенің деңгейі, тәрбиелік материалдың тартымдылығы.

4

Тәрбие берушінің және оқушылардың сынып сағаты барысында қызмет әдісі тиімділігін бағалау.

Сабақ уақытын ұтымды және тиімді пайдалану, оның оңтайлылығы, кезектесуі және қызмет түрлерін алмастыру.

ТСО және көрнекіліктің мақсаттылығы және тиімділігі.

Сынып сағатының барысында оқушылармен кері байланыс

Сынып сағатының оқушыларға тигізетін эстетикалық ықпалының деңгейі.

5

Өткізілген сынып сағатының қорытындыларын және мақсаттарын бағалау.

Сынып сағатының тұжырымдамаларының нақтылық, анықтылық және қысқа айтушылық деңгейі.

Мақсатқа бір уақытта нақтылы, күрделілік және қолдан келерлік қол жеткізу.

Жүргізілген сабақтың оқушыларға ықпалын тигізу. (не нәрсеге және қандай дәрежеде оқытылды)

Тәрбие беру ықпалдылығының деңгейі. (олардың тәрбиелеуге не себеп болды )

Сабақтың оқушыларға тигізген ықпалдылығының деңгейі (олардың дамуына не себеп болды)

Қорытынды: