Жоғары сынып қыз балаларына арналған «ҚЫЗ ҚЫЛЫҒЫМЕН СҮЙКІМДІ» атты семинар

Иманкулова Қанипа Сұңғатұлқызы ,

педагог- психолог,

Шалқар қ. №5 мектеп- лицейі,

Ақтөбе облысы.

Жоғары сынып қыз балаларына арналған

«ҚЫЗ ҚЫЛЫҒЫМЕН СҮЙКІМДІ»

атты семинар

Мақсаты: қоғамда қыз балалар арасында болып жатқан келеңсіз оқиғалардың алдын- алу, кәмелетке толмаған қыз балалар арасында кездесетін ерте жүктілік, оның денсаулыққа қаншалықты зиян екендігін түсіндіру үшін осы бір дерттің себебі мен салдарын талқылау.

Көрнекілік: телевизор,семинар тақырыбы, музыка.

Жүргізуші: Саламатсыздар ма, құрметті қонақтар, оқушылар! Қыз – сұлулық пен ақылдылықтың белгісі. Ұлтқа келер ұят пен ардың өлшемі. Қыз қылығы – талайды тамсандырып, талайдың жүрегін жаулаған. Қаншама ақынның шабытын оятып, жырына арқау болған. Қыз – қазақтың мақтанышы. Мектебіміздегі психологиялық қызметтің жұмыс жоспарына сәйкес өткізілгелі тұрған 9-11 сынып қыз балаларына арналған «ҚЫЗ ҚЫЛЫҒЫМЕН СҮЙКІМДІ» семинарға қош келдіңіздер!

Жүргізуші:

Мектеп жасындағы қыз балалар тәрбиесін негізінен үш кезеңге бөлуге болады.
1. Бастауыш сыныптар кезеңіндегі тәрбиенің мақсаты тазалыққа, ұқыптылыққа, жинақылыққа үйрете отырып, баланың көп білуге құштарлығын арттыру, кітап оқу мәдениетін дамыту.
2. Бесінші - сегізінші сыныптар арасында алғашқы кезеңдегі тәрбие түрлері ары қарай дамытыла түседі. Бұл тұста, жас ерекшелігіне қарай, қыз бала анасынан ешнәрсе бүкпейді. Қит еткен нәрсенің бәрін айтып келеді. Сол шыншылдығы мен ашықтығын пайдаланып, қыз баланың келешегіне ең керекті нәзіктік, ілтипаттылық, үлкенді сыйлау, кішіге қамқор болу, тұрақтылық сияқты мінездерді қалыптастыру - басты борыш. Сонда бұл сипаттар келешекте жарасымды жар, аяулы ана, қоғамымыздың белсенді мүшесі болатын қыз баланың бойынан әрқашан нұр болып
төгіледі.
3. Тоғызыншы - он бірінші сыныптар аралығында тәрбие алдыңғы кезеңдермен тығыз байланысты. Адамға деген мейірім бала кезден, ең жақын адамын сүюден басталады. Сондықтан әрбір қыз балаға ата - анасын, туыстарын, ұстазын сыйлап, қадірлей білуді үйретсе, болашақта одан елін, жерін, халқын сүйетін, өз шаңырағын ардақтайтын, балаларын жанындай жақсы көретін қамқор ана, қайратты жан, нәзік ару шығары сөзсіз.

Бүгінгі семинардың мақсаты: қыз балалармен әңгімелесе отырып, ар – намысын, тазалығын, сұлулығын жоғары қоя біліп, жұрт алдында абройлы болуға тәрбиелеу. Салауатты өмір салтын қалыптастырудағы ой – өрісін дамыту, зиянды әректтерге еліктеудің, қызығудың өмірлеріне қауіп тудыратынын ескерту. Сонымен қатар қыз балалар арасында болып жатқан келеңсіз оқиғалардың алдын алу,  кәмелетке толмағандар қыз балалар арасында кездесетін ерте жүктілік, оның денсаулыққа қаншалықты зиян екендігін түсіндіру, психологиялық ағарту жұмыстарын ұйымдастыру.

Жасөспірімдік шақ – бұл бала өміріндегі физиологиялық және психологиялық өзгерістердің  өте жылдам өтетін, әрі оның өмірдегі өз орнын анықтайтын, бағыт-бағдар алатын ең күрделі кезең екені анық. Демек, осы кезде бала дамудың бірнеше жолдарының біріне аяқ басады.  Бұл кезде өмір көз алдында өзгеріп салады. Алғашқы махаббат, бірінші кездесу, алғашқы сүйіспеншілік – мұның барлығы жасөспірімдердің аңдамай аяқ басуына, күрделі қиындықтарға әкеп соғуы мүмкін. Солардың бірі – ерте жүктілік. Бүгін де осы тақырып аясында әңгіме өрбітетін боламыз.

Қоғам назарын аударған осы бір дерттің себебі мен салдарын біз бүгін оқушы қыз балалар және арнайы мекеме қызметкерлердің қатысуымен талқыламақшымыз.\

Семинардың қонақтарымен таныс болыңыздар:

1. ___________________________________________________________________

2. ____________________________________________________________________

3. _____________________________________________________________________

4. _____________________________________________________________________

Олай болса БЕЙНЕРОЛИККЕ назар аудрайық

Жүргізуші:

Алғашқы сөз кезегі

_____________________________________________________________________

Жүргізуші:

Келесі кезекті психологиялық тренингке береміз.

«Мен қандаймын?» позитивтік танысу тренингі.

Жүргізушісі : Келесі сөз семинардың құрметті қонақтарына бергім келіп тұр: ______________________________________________________________________________________________________________________________________________________________________________________________________________________________

Топтық жұмыс «Арт - терапия»

1 топ – «Әр бір қыздың арманы» акварель арт - терапия

2- топ – « Қыз баланың болашағы» мақта арт – терапия

ТРЕНИНГ шешімін табу

1. Ерте жүктілік деген не?

Ерте жүктілік деп 13-19 жаста болатын жүктілікті айтады. Осы уақытта қыз балаларда өтпелі жас кезеңі басталып, гормондық қайта құрылу жүреді. Медицинада 18 жасқа дейін болған жүктілік ерте жүктілік деп саналады. Ерте жүктілік немен қауіпті?

Жүктілік кезінде ағза күшейген тәртіпте жұмыс істейді – жүрек-қан тамыры, эндокриндік жүйе және ішкі органдарға үлкен жүктеме артылады. Бұның қиындығы жасөспірімнің гормондық қайта құрылуы жүктілік қайта құрылуға жүктелгені. Жас аналарда көбінесе плацентарлық тапшылық, анемия, токсикоздар болады.

Қыз балалардың ағзасы осындай жүктемелерге әзір емес!

1. Ерте жүктіліктен қалай сақтануға болады?

Ерте жүктіліктің негізгі проблемасы бұл жыныстық тәрбие туралы білімінің жеткіліксіз болуы, не болмаса тәрбиенің мүлдем жоқтығы. Көптеген отбасыларда бұл тақырыпқа әңгіме қозғалмай, жабық күйде қалады. Бірақ бұл дұрыс емес. Негізінен, жоспарланбаған жүктіліктің 90% отбасындағы тәрбиеге және қарым-қатынасқа байланысты келеді. Яғни ана мен қыз баланың өзара қатынасы бұзылса, қыз бала «әдейі» бәрін кері істейді.

1. Ерте жүктіліктің қандай профилактикасы бар?

Проблемамен күресудің ең үздік тәсілі – проблемадан сақтану.

Жоспарланбаған жүктіліктен сақтанудың тәсілдері туралы ата-анамен жиі әңгімелесу керек.

Жыныстық тәрбие туралы кітаптар оқу.

Егер қыз бала жыныстық қатынасқа ерте түссе, оның салдарын білуі керек:

Осындай өмірге ол дайын ба? Баланы көтеріп, өмірге әкеле ала ма? Егер ол ерте жүктілікке әзір болмаса, ол сақтанудың жолдары және құралдары туралы толық ақпараттануы керек.

1. Ерте жүктіліктің нәтижесі.

Бұл мәселеге әлеуметтік тұрғыдан қарағанда, қыз бала білім алу, жұмысқа орналасу және карьера құру мүмкіндігінен айырылады.

Жүргізуші:

Еліміздің болашақ азаматтары белсенді, азаматтық жауапкершілігі мол, шығармашылыққа бейім, қоғам мен мемлекетті жетілдіру мүддесінде әрекет ете алатын, жоғары мәдениетті тұлғаны қалыптастыру басты міндет.

Бүгінгі 9-11 сынып қыз балаларына арналған «ҚЫЗ ҚЫЛЫҒЫМЕН СҮЙКІМДІ» семинар өз мәресіне жетті.

Назарларыңызға рахмет! Сау болыңыздар!