"Жапыра? тамырдан н?р алады" атты ата - аналармен ж?ргізілген тренинг

№ 28 орта мектеп

Тақырыбы : «Жапырақ тамырдан

нәр алады»

(Тренинг)

Дайындаған : Медетова Б. А.

2013 – 2014 оқу жылы

Мақсаты : 1. Отбасы тәрбиесінде ата – ананың балаға тәрбиелік ықпалын

арттыру, тәрбиелік ықпалының ерекшеліктерін ашып көрсету

2. Ұрпақ тәрбиесінде халық педагогикасының жүйелері, яғни

жүрек пен ақыл тәрбиесі арқылы тәрбиелеудің маңызын ашып

көрсету

3. Тәрбиенің ең тамаша жері – отбасы екенін, олардың бала

тәрбиесіндегі мүмкіндіктерінің жоғары екендігін және бүгінгі

заман талабынан шығатынын дәлелдеу, жанұядағы тәрбие

жайында пікір алмасу

Көрнекілігі : «Тәрбиесіз берілген білім, білім емес ...» Әл – Фараби «Балаға

берілген бірінші тәрбие ата – анасын, туысын, жолдасын

сыйлауға үйретуден басталады...» Ы. Алтынсарин.

Әдістері : пікір – алмасу, сұрақ – жауап, сауалнама

Тренинг бағдарламасы :

1. «Артық болмас таныстық»

2. Топқа бөлу

3. Ой жинақтау

4. «Жанұя ойыны» сергіту жаттығуы

5. «Жағдаяттан қалай шығасыз ?»

6. «Жақсы сөз – жан жадыратар»

7. Қорытындылау

Тренинг барысы :

1. Танысу : ата – аналар әрқайсысы өзінің есіміне сын есім қосып және өз

бойындағы үш қасиетін кезекпен айтып шығады.

1. Топқа бөлу (жапырақ, тамыр)

2. Ой жинақтау

Екі топқа тақырып беріледі. Ата – аналар сол бойынша өз ойларын ортаға салады.

1 – топ : 1. Бақытты отбасы болудың негізгі шартына нені жатқызар едіңіз?

2. Білім сапасын көтеруде ата – ананың рөлі бар ма ?

2 – топ : 1. Бала тәрбиесі үшін отбасы жауапкершілігі басым ба , әлде

мектептің жауапкершілігі басым ба ?

2. Отбасында қалыптасқан қандай дәстүрлеріңіз бар ?

4. «Жанұя ойыны» сергіту жаттығуы

1 – топқа :

1. Балаңыздың туған күні ?

2. Сынып жетекшісінің толық аты – жөні ?

3. Балаңыз қандай өлшемде аяқ киім киеді ?

4. Балаңыздың парталас көршісі кім ?

5. Балаңыздың сүйікті асы ?

6. Балаңыз қандай түсті жақсы көреді ?

7. Балаңыз спорттың қандай түрін жақсы көреді ?

8. Балаңыз 1 – сыныпқа қай жылы барды ?

9. Балаңызды еркелетіп қандай сөз айтасыз ?

10. Балаңыз сізді ренжеткенде ең алдымен қандай сөз аузыңызға түседі ?

2 – топқа :

1. Отбасының басшысы кім ?

2. Мектептің мекен жайы ?

3. Мектеп директорының толық аты – жөні ?

4. Балаңыз болашақта кім болғысы келеді ?

5. Балаңыз қай пәнді жақсы көреді ?

6. Балаңыздың арманы ?

7. Орыс тілі пәнінен беретін мұғалімнің аты – жөні ?

8. Балаңыздың парталас көршісі кім ?

9. Балаңыз сыныпта нешінші қатарда отырады ?

10. Балаңыздың сүйікті ас қандай ?

1. «Жағдаяттан қалай шығасыз ?»

Стол үстінен кез – келген билетті алып ситуациялық сұраққа жауап берулеріңіз керек. (топпен жұмыс)

1 – жағдаят. Тоқсандық қорытындысы бойынша сіздің балаңыз бір сабақтан «үшке» кетті делік. Сіздің іс – әрекетіңіз.

2 – жағдаят . Балаңыз мектептен жылап келді. «Мұғалім маған ұрысты» деп... Сіз не істер едіңіз ?

3 – жағдаят. Бала мен бала мектептен шығып келе жатқанда бір – бірімен төбелесіп қалды. Ол бала сіздің балаңыздың өте жақын жолдасы еді. Сіздің іс – әрекетіңіз ?

4 – жағдаят. Ұлыңыз мектептен келе сала «Құрысын мектеп! Мұғалімдердің бәрі әділетсіз!» деп күйіп піседі! Сіз не істейсіз ?

5 – жағдаят. Балаңыз – өте жақсы оқитын бала. Бір күні сабақтан «екі» алып, мұғалімнің ескертпесі күнделікке жазылып келді. Сіз не істер едіңіз ?

6 – жағдаят. Сіздің балаңыз басқа сыныптың бір баласын ұрып, қатты жаралап тастады. Сіз сол баланың ата – анасы хабарласып ренжіді. Бұндай жағдайда балаңызға не шара қолданасыз ?

1. «Жақсы сөз – жан жадыратар»

(Екі топқа ата – аналардың баламен қарым – қатынасында баланың үмітіне балта шабатын, кінәлайтын сөздер беріледі. Осы сөздерді олардың өз күшіне сенім тудыратындай,қолдау көрсете алатындай сөздермен алмастыру керек.)

1. Сенен ешқандай жақсылық шықпайды, нөлсің ?

2. Неге сен басқа балалардай емессің ?

3. Неменеге ұсқынсыз болып кеткенсің, шашың дудыраған, үстің кір – кір?

4. Сенің кесіріңнен өмірі жолымыз болмады

5. Тағы осылай істесең, менен таяқ жейтін боласың ?

6. Жұмысыма барарда, сенің мектебіңнің жиналысы да жағаласып қалды

Қорытынды

Тренинг соңында ата – аналарға жапырақтар үйлестіріліп беріледі. Оған ата – аналар өзін қызықтыратын сұрақтары немесе ұсыныстары болса жазып кетуге болады.