Та?ырыбы: «Мен мектепке барамын»

Тақырыбы: «Мен мектепке барамын»
 Мақсаты:
1.    Мектепалды даярлық сыныбының жыл бойы алған білімдерін, үйренген жұмыстарының нәтижесін көрсету.
2.     Балалардың сөздік қорын, тілін, ойын дамыту, ой-өрісін кеңейту, өнерді сүйюге тәрбиелеу.
3.     Балаларды бауырмалдыққа, Отан сүйгіштікке тәрбиелеу.
4.    Көрнекіліктер: Шармен безендіру.т.б. 
Барысы:
І. Ұйымдастыру кезеңі:
а)Топты дайындау,безендіру.
ә) Балаларды даярлау.
Тәрбиеші:
     Құрметті аяулыда, ардақты ата-аналар және бүлдіршіндер. Бүгінгі мектепалды даярлық сыныбының “Мен мектепке барамын” атты ертеңгілігімізге қош келдіңіздер!
   Кеше ғана мектеп табалдырығын имене аттаған жас бүлдіршіндер, бүгін саналы оқушы болып, 1-сыныпқа қадам басқалы тұр. Білім кемесіне мініп, ілім іздеп алға қарай ұмтылу әр азаматтың борышы. Қазір бір жыл бойы алған білімдерін көрсетіп, өнерлерімізді  ортаға саламыз.
  Бүгін сіздер соның куәсі боласыздар. Құрметті көрермендер “Мен мектепке барамын”  атты ертеңгілігімізді бастауға рұқсат етіңіздер.

Тәрбиеші:
Ұстаздар шығарады кеменгерді,
Бүгінгі ертеңгіліктің куәгері.
Ду қол шапалақпен қарсы алайық,
Бүгінгі салтанат иелерін.

Балалар ортаға шығады.

Вальс: «Сыр сұлу»

Балалардың тақпақтары:

Өлең: «Аяулым мектебім»
Ойын: «Иа, жоқ»
1. Мектепке біз барамыз ба?
2. Кілең бестік аламыз ба?
3. Айтқан тілді аламыз ба?
4. Ақылды бала боламыз ба?
5. Нан жеймін деп жылаймыз ба?
6. Таңертен ерте тұрамыз ба?
7. Сабақта отырып ұйықтаймыз ба?
8. Ойыншықтармен ойнаймыз ба?
9. Екі алғанда жылаймыз ба?
10. Оқушы біз боламыз ба?
Тәрбиеші: Құрметті балалар сендерді енді даярлықпен қоштасып 1-ші сынып оқушысы боласыңдар, сендер тәртіпті, жақсы оқушы болу  үшін маған қандай уәде бере аласыңдар ма?
Хор: Біз біріншіге барамыз,
         Біз оқушы боламыз.
         Жақсы оқып сабақты,
         Кілең бестік аламыз,
         Сабақтан ешбір, қалмаспыз,
         Тәртіпті біз боламыз,

Ойын:«Бағаңды біл!»

Ойын барысы: Балалар әуен ырғағымен шеңберді айналып жүреді.

Жерде сандар теріс жатады, әуен тоқтағанда балалар сандарды жылдам көтеру керек. Балалар ренжімес үшін жақсы бағалар қойылады. Тек «4» пен «5» бағасы ғана жатады. Ойын 3-4 рет ойналады.

Балалардың тақпақтары:

Би: «Мани, мани»

Ойын: «Шарды жар»

Мақсаты: Балаларды шапшаңдыққа үйрету, топпен ойнауға тәрбиелеу

Шарты: Балалар мына жерде жатқан шарларды жарамыз ішінен сұрақтар шығады, кім сұраққа дұрыс жауап берсе сол балаға сыйлық беріледі. (Жұлдызша)

Өлең: «Бал балалық»

Тәрбиеші:

Бөбек еді ол рас,
Кіп- кішкентай кешегі.
Бүгін міне, азамат,
Болды бәрі деседі.
Әріп танып, сурет салып,
Жаттықтырды қолдарын.
Мектебіне шығарып сап
Тілейік ақ жолдарын.
Тәрбиеші: Құрметті ата-аналар, ұстаздар, қонақтар! Біздің бүлдіршіндеріміздің білімдерімен, өнерлерімен таныстыныздар, сіздерге рахмет айта отырып, біздің бүлдіршіндерімізге өз тілектеріңіз  болса білдіріңіздер демекпін .
Құттықтау сөздер, алғыс хаттар тапсыру.
        Ата-аналарға:
      Алғыс хаттарды тапсыру .
Тәрбиеші:

Айналайын гүлдерім,
Айым менің күндерім.
Маған қызық тілдерің,
Естен кетпес күндерің.
Сендердікі болашақ,
Өтер балғын жастық шақ.
Озат болып оқыңдар,
Ойға білім тоқыңдар..

Тәрбиеші:Ертеңгілігіміз аяқталды.

3