Тақырыбы: Кітап –ғылым, тілсіз мұғалім
Мақсаты: Оқушыларға білімнің кітап арқылы берілетінін ұғындыру,оқулықты құрметтей білеуге, кітапты ұқыпты ұстауға баулу.
Оқушының білімділік танымын өмірімен байланыстыра отырып арттыру, зейінін шоғырландыру, шығармашылық қабілетін, ой-өрісін дамыту.
Оқушылардың кітапқа деген сүйіспеншілігін арттыру, оқулықты құрметтей білуге,
адамгершілікке тәрбиелеу.
Көрнекілігі: кітаптар көрмесі, кітап туралы қанатты сөздер, мақал-мәтелдер.
Сабақтың барысы: 1.Ұйымдастыру.
1-жүргізуші: Армысыздар, ата-аналар, ұстаздар!
Кітап- шебер ұстаз, тілсіз мұғалім.
Кітап- адал пейіл, асыл дос.
Кітап- мұхит, сол мұхиттан не терең?
Мен біліммен ылғи дос боп өтер ем!
2- жүргізуші: Кітапты оқи отырып, адамның ішкі рухани жан дүниесі артады.
Айналадағы өмірмен, табиғатпен, адамның еңбегімен, құрбы-құрдастарыңмен танысып, жақсы болуға, жақсылық іс істеуге құштарландыратын осы –кітап.
Кітап- қарым-қатынастың, еңбектің, күрестің құдіретті құралы. «Кітап-білім бұлағы» деп бекер айтылмаған екен.
Енді біз кітап туралы қандай нақыл сөз, мақал-мәтел, өлеңдер білеміз, соны ортаға салайық.
1-оқушы.
Адамның досы кітап, өмір кілті,
Тең келмес оған жиған дүние-мүлік
Ақылшы, жанға серік жол бастаушы,
Асыл ой, қазынасы, өмір көркі.
2-оқушы
Тұрады басын құрап әріп неден,
Басталған білім басы әліппеден.
Қарасақ шалқар теңіз, түпсіз мұхит,
Оқысақ кітап сырын ашып терең.
3-оқушы
Кітапты оқымайды сыйламаған,
Білімге жанын жайып қинамаған.
Өсірген кімнің болсын ой-өрісін,
Сол кітап бек ақылшы күнде маған.
4-оқушы
Түлекті тәрбиелер кітап-мектеп,
Өседі сол кітаптан бұтақ көктеп.
Молайтып ақылыңды сан еселеп,
Береді білім нәрін кітап көптеп.
5-оқушы
Кітаптар бейне жапырақ
Жырлайтын сырын өмірдің
Оқисың кейде жаттап
Көтеріп күйін көңілдің
6-оқушы
Айдын шалқар кейде бір
Кітапты тұнған көл дерсің
Ауадай қажет бейне бір
Таппасаң нәрін шөлдерсіңъ
7-оқушы
Білім алар көп адам
Жақсы нәрсе жоқ одан
Қызыға кеп оқимын
Кітапты көрсем жаңадан
8-оқушы
Кетпйді ешбір жадымнан
Мектепке бардық күз айы
Тастамай сені жанымнан
Қолтықтап жүрдім ұдайы
9-оқушы
Достарға толы маңайым
Татулық тәтті бәрінен
Ерекше сені санаймын
Құшақтап жүрмін мен әлі.
10-оқушы
Ұсынған қойынан
Білімнің үлесін
Шықпайды ойыңнан
Досың ғой білесің
Бұл не?
Бұл –кітап.
11- оқушы
Бәрін, бәрін білесің,
Оқи берсең кітапты.
12-оқушы
Қазынаны тереңнен табарсың,
Білімді кітаптан аларсың13-оқушы
Асыл ойдың иесі, бар ғалымның жүйесі
Қуанышты
Көңілдің, баспалдағы өмірдің
Жан азығым серігім, ардақтамас сені кім?
Кітап.
Күнде өсіп көңілім, көріктеніп келемін,
Көптің тауып керегін, кезінде айтып беремін.
Бірақ білмес парқымды, байқап жүрмін әркімді
Оқушы.
әсерлемей,асырмай, айтып берші жасырмай,
жан азығым, серігім, ренжіткен сені кім?
Кітап.
Кейбіреулер ерігіп, бос жүруден зерігіп
Бетімді менің ашады, әңімеге басады
Жолдарымда сызады, шырқымды да бұзады
Онымен іс бітпейді, беттерімді бүктейді
Көп жерімді жазады, қайшыменен қияды
Налымаймын неге мен, бұл секілді пендеге.
Оқушы.
Сені сүймес адам аз
Ақылды көп, надан аз
Ондайлардан түңілме
Сені ойлар түбінде
1-жүргізуші:Ән;`Ана-ұстаз орындайтын Д.Нұрымғали
2-жүргізуші: Журналистер дайындаған жаңалықтармен танысу
- Балалар, «Кітап!. Осы бір бес - ақ әріптен тұратын сөзде қанша мән бар, мағына бар! Кітап - шебер ұстаз, тілсіз мұғалім, оқушы өміріндегі ата - ана мен мұғалімнен кейінгі орынға ие құрал. Оны адал дос, асыл қазынасы мол қамба десе де болады. Ендеше, кітаптың біздің өмірімізде алар орны ерекше екенін түсінейік».
- Ал, сол үшін тілшілерімізге сөз берейік.
1 - тілші: - Армысыздар ағайын.Арман
2 - тілші: - Бармысыздар, бауырлар! Эфирде «Айна» ақпараттық бағдарламасы.
1 - тілші: - Бүгінгі күннің басты жаңалықтарымен таныс болыңыздар!
2 - тілші: «Не білеміз?» айдарымен Аружан тілшіміздің сұхбаты.
1 - тілші: Белгілі 3-сынып оқушысы – Ернұрдың қазақ тілі кітабы науқастанып қалыпты.
2 - тілші: «Кітапты қадірлейік!» айдарымен Ернұр тілшіміздің сұрақтарына
3-сынып оқушылары жауап береді.
1 - тілші:- Әр түрлі жаңалықтар» айдарымен Аружан тілшіміздің сұхбаты
2 - тілші: Тілшімізбен сұхбат
Аружан тілші:- Сәлеметсіздер ме, көрермендер!
- Сонымен, Кітап – араб сөзі, «жазба», ал түрікше «дәптер» деген мағынаны білдіреді. Кітап өмір айнасы, заман сыры, тарих шежіресі, оқу, тәрбие құралы.
Түркі халықтарының көне жазба ескерткіштері.
Тұңғыш қазақ кітабы қай жылы шықты.
Тұңғыш қазақ кітаптары 1800 жылы шығарыла бастаған.
«Не білеміз?» айдарымен тілшілеріңіз Марат
2-жүргізуші: Науқас кітап көрніс. Дәрігер ролінде Шуғыла,науқас кітап ролінде Ернұр.
1 - тілші: Белгілі 3- сынып оқушысы – Ернұрдың қазақ тілі кітабы қатты науқастанып, жедел жәрдеммен аудандық ауруханаға жеткізілді, оқиғаның қалай болғанын түсіну үшін бейнекөрініске назар аударайық.
Ернұр: - Сәлеметсіз бе, дәрігер!
Дәрігер: - Сәлеметсің бе?
Ернұр:- Дәрігер, мен сізге кітабымды әкелдім. Ол қатты науқас.
Дәрігер:- Жарайды, алдымен диагнозын анықтап алайық (кітапты алып қарайды)
Ернұр:- Мен үйде жоқта інім алып, осындай күйге жеткізіпті.
Дәрігер: - Көңіліңді түсірме, емдеп жазамыз! Кітабыңа су тиген, жыртылған.
Кітабыңды түптеймін, жыртылмасын,
Мұқабасын бүктеймін, жыртылмасын,
Таза болсын беттері, кірлемесін!
Көрген адам кітабың кір демесін!
- Мен саған кеңестер жазып беремін, соларды мұқият сақтайтын бол!
Ән:
Тақпақтар:
Сен адамзаттың жақын досы!
Келмейді сені оқымай көңіл қойшы.
Ел мұңы, өмір сыры, ақын жыры,
Басылған таңба болып өзіңде осы.
Сөйлесіп өзіңменен тіл қатады,
Еріксіз сөзін жұртқа тыңдатады
Жеткізіп өткендердің өсетін,
Шешіліп кейде достай сырласады.
Ақылдың сөнбейтін шамшырағы,
Білімнің сарқылмайтын бал бұлағы.
Ашқанда –ақ өткен күнмен беттеріңді,
Келелі күн көз алдыма көп тұрады.
Іздегенде табылады,
Ғылым жұмбақ,тау сындас.
Білім өмір сабағы,
Ғұмыр бойы таусылмас.
Кітап туралы ережелер
1. Кітаптың мұқабасы бүлінбес үшін оны қаптап ал.
2. Тамақ ішіп отырып кітап оқыма, оны ластап алуың мүмкін.
3. Кітаптың арасына қаламсап және басқа жуан нәрсе салма, оның түбі жыртылады.
4. Кітап беттерінің бұрыштарын бүктеме – оның бұрыштары жыртылады. Кітап беттерінің арасына қыстырғыш жасап ал.
5. Кітап беттерін жыртпа, кітапқа сурет салма, оған жазба, кітапқа сиямен де, қарындашпен де ешбір белгі салма.
6. Кітапты майыстырып бүктеме, оның беттері жыртылады.
Ұқыпты оқушы.
Кітап жинап, түптеймін,- жыртылмасын,
Мұқабасын бүктеймін - қырқылмасын
Таза болсын беттері - сызылмасын.
Көрген кісі кітабы кір демесін.
Жұмбақтар:
Қабат - қабат қатталған,
Асыл сөзбен апталған.
Парағы бар сөйлейтін,
Ол қазына өлмейтін.
Бетін адам ашады,
Білім нұрын шашады.
Мақал - мәтел
Ақыл азбайды,
Білім тозбайды.
Артық ғылым кітабы
Ерінбей оқып көруге.
Кітап білім бұлағы,
Білім өмір шыр
2-жүргізуші
1. Әңгіме неге «кітаптар мұңыдеп аталған?
2. Кітаптарды өздерің қалай ұстайсыңдар?
3. Оқушылырға кітаптың тигізер пайдасы қандай?
4. Кітаптарды кімдер және қалай жасайды?
5. Кітаптардың оқушыларға ренжігендері дұрыс па?
6. Кітап қайда басылып шығады?
7. Кітапты баспадан шығару үшін не қажет?
-Сендер сол жайлы не білесіңдер, балалар?
1-жүргізуші
Балалар, кітапты жыртпай, кірлетпей, бүлдірмей таза ұстау-бәріміздің міндетіміз.
Бізде кітаптары қапталған, өте таза, ұқыпты ұстайтын оқушылар да арамызда бар.
Олар жауапкершілікті түсінген оқушылар.
2-жүргізуші
Ойланайық, балалар,
Кітап-асыл досымыз.
1-жүргізуші
Жайнатып жанымызды
Келтіріп сәнімізді.
Арнайық бас қосқанда
Тамаша әнімізді.
Ән әуен теріңдер
Бәрің бермен келіңдер
Мың бұралған бишілерді
Тамашалап көріңдер.
«Корейский» биі орындалады Нұржан Ш
Артық ғылым кітапта,
Ерінбе оқып көруге.
Абай.
Кітап маған тақтан да қымбат.
Шекспир.
Наданмен қас болғанша,
Кітаппен дос бол.
Бауст.
Кітап — асып-таспайтын асыл досымыз.
Гюго.
Жақсы кітап — ақылды адамның әңгімесімен бірдей.
Толстой.
Кітап — ақылды қуаттандыратын құрал.
Каменский.
Кітап — мұхит, сол мұхиттан не терең?
Мен біліммен ылғи дос боп өтер ем!
Егер мен бай болсам, тек қана кітап сатып алар ем.
Кітап әлемдегі құпиялы ұлы ғажайыптардың бірі. Горький
