Тәрбие сағат "Азизим, Онажоним!"

Мавзу: Азизим ,Онажоним!

Мақсад :

1. Фарзандга она қадрини, ҳурматини ўз ўрнига қўйишни ўргатиш.

2. Онагабўлган меҳрни кучайтириш.

3. Ҳаётда онанинг ўрни, нақадар ўзгача, нақадар улуғлигини англатиш.

Жиҳози:

Лозинглар, шарлар, расмлар,мақоллар,слайд.

Тарбиявий соатнинг бориши:

Муаллим:

Аёл борки дунёда бахт бор, иқбол бор!

Аёл борки дунёда ишқ бор, висол бор!

Аёл борки дунёда гул бор, баҳор бор!

Аёл борки дунёда онаизор бор!

Ассалому алайкум дилбар ва латофатли аёллар , мухтарама онажонлар,азиз устозлар, қадрли опа-сингилллар! Бир-биридан лобар,гўзал қизлар!

Она диёримиз узра баҳор нафаслари эсиб турган ушбу оромбахш,умидли кунларда хонадонимиз фариштаси,оила қўрғони ва файз бағишловчи,фарзандларини оқ ювиб, оқ тараб ,вояга етказувчи, яратганнинг тенгсиз мўъжизаси бўлган аёл зотини улуғлаш учун йиғилдик, юрагимиздаги энг юксак, нозик туйғуларни ифода этган холда баҳорнинг илк шодиёнаси-гўзаллик ва нафосат байрами- 8 март- халқаро хотин-қизлар кунини нишонлаш учун йиғилдик.

Барчангизни ушбу байрам билан муборакбод этамиз. Толеингиз хамиша баланд,умрингиз узоқ,хонадонингиз тинч, оилангиз тотув, ризқи насибангиз зиёда бўлсин!

Жасмина: Асалому алайкум бугунги бизнинг томашамизни кўришга келган меҳрибон онажонлар!

Эзель: Онажонлар, бувижонлар сизларни яқинлашиб келаётган аёллар байрами билан чин дилдан табриклаймиз.

Ассалому алайкум азиз онажонлар.

Сиз эмасму, Навоийнинг онаси.

Асия.Сиз эмасму, Амир Темур онаси

Ботир.Сиз эмасму, Улуғбеку , Бобур онаси

Ҳамма : Сиз барча-барча йирик зотлар онаси,

Сизга таъзим, сизга олқиш, сизга шараф-шон.

ШЕЪРЛАР: Қайнар орзум чашмаси,

Қонсин дилим чашмаси

Меҳнат қилай юртимга

Кўрк қўшилсин кўркига

Келган барча меҳмонга

Бизлар деймиз ассалом

Онажоним жон онам,

Меҳрибоним офтобим

Оқ пахтадай сочингиз,

Омон бўлсин бошингиз.

Айта қолинг бувижон,

Ҳозир қанча ёшингиз.

Сўзларингиз хўп қизиқ

Юзингиз кеча чизиқ

Аччамлашсам бувижон,

Бағрингиз бунча иссиқ.

Бошловчи:Болажонлар биласизларми бизни “Неварам “-деб эркалайдиган инсонлар ким?

-Бу бизнинг бувижонларимизда,тўғрими , болажонлар.

-Тўғри.

-Ундай бўлса эндиги қўшиғимизни меҳрибон, ардоқли бувижонларимизга атасак.

Қўшиқ: “ Бувижоним”

ШЕЪРЛАР:

Малика: Байрам бўлсин муборак,

Меҳрибон устозларим,

Сизлар бизларга керак

Жонажон устозларим.

Хуснора:Ишчану чаққон онажоним,

Ҳаммага ёққан онажоним.

Ипакдек юмшоқ, сезгир яна

Бўлма дер уришқоқ – маҳмадона.

Нозаним:Ойи-ойи, жон ойи,

Катта бўлдим бинойи,

Игна беринг, ип беринг

Мен ҳам кашта тикаман.

Укам ухлаб ётибди,

Шовқин қилсам бўлмайди.

Кўйлакчасига ғунча

Тикиб қўяй тургунча.

ҚЎШИҚ. “Нон ёпганда”

Бошловчи:Лол қолганда олам,

Ким энг сулув одам?

Ўқувчи:Онам

Бошловчи:Қўзичоғим дер сени,

Ҳар тонг ,ҳар чоғ ким?

Ўқувчи:Онам

Бошловчи:Бир зум азоб чексанг

Сенга парвона ким?

Ўқувчи:Онам

БОШЛОВЧИ:Ҳа, онажонларни қуёшга ўхшатгим келади ,унинг меҳри барчага бирдек нур сочганидек туганмасдир. Қувонсак қувонган, оғрисак куюнган, қийналган вақтимизда суюнчиқ бўлган зот ҳам онадир.

ШЕЪРЛАР:

Эрталаб уйқунгда бошингни силар,

Саломат бўлгин деб умрингни тилар.

Бир зум узоқ кетсанг,қадрингни билар

Онадек яқин дўст борми дунёда.

Дарё каби меҳри оқиб туради.

Тунлари шамлар ёқиб туради.

Онадек яқин дўст борми дунёда.

Қўлин очса дуога асрайди сени,

Кеча-ю кундуз ҳам ўйлайди сени,

Онангдек ҳеч ким кутмайди сени,

Онадек яқин дўст борми дунёда.

Бир зум азоб чексанг сенга парвона

Ёнингда айланиб, бўлар гирёна

Чунки, оналар барибир она

Онадек яқин дўст борми дунёда.

Бошловчи :Эндиги навбат ўйинга. 4-5 та оналаримиз даврага чиқади. Ўйин номи “ Ўз болангизни топинг”.

Саҳна кўриниши: ” Она-бола“

Бошловчи :

Эшитган лол қолар айтган алланга,

Қўшиғинг жим тинглар ҳаттоки шамол.

Қалбингдан олади меҳринг алангга,

Табиат гултожи ўзингсан аёл.

Энди алла тинглаймиз.

Бошловчи :Азизлар! Шунинг билан бугунги кечамиз ўз ниҳоясига етиб борар экан сизларни қалбингизга оз бўлсада қувонч, баҳорий илиқ кайфият улаша олсак,ўзимизни чексиз бахтиёр ҳисоблаймиз.

Дунёдаги барча болаларнинг оналари омон бўлсинлар! Оналар фарзандларининг камолини,роҳатини кўрсин! Байрамингиз қутлуғ бўлсин аёллар!

Энди ўз фарзандларингиз илиқ мухаббатини қабул қилинглар(юракчалар берилади)!

6