Тақырыбы: « Сынып дарабозы»
Мақсаты: Ой жүйрік, танымдық денгейі жоғары, интеллектуалды оқушылардың дарынын белсенділігін арттыру, білімдерін көрсету.
Ойын барысы:
1. Таныстыру.
2. Сарапшылар мүшесін сайлау.
4. Жеңімпазды анықтауға сарапшыларға сөз беру.
Уа, халайық, халайық
Бәріңе жар салайық
Бүгінгі кеш төрінде,
Сынып дарабозы елінде
Сұрақ шешіп жарысып
Шабыт толып, көңілге
Көңілді кеш жасайық
Мұнда қызық табылар
Жұмбақ, есеп-бәрі бар
Ал сайыскер балалар
Білімдеріңді сынайық
Сыныптың дарабозын
Арамыздан табайық.
Құрметті ұстаздар, оқушылар ! Сіздерді 3- сынып оқушыларының арасында өтетін «Сынып дарабозы» атты сайыс сабағын көруге шақырамыз.
Шын жүйріктер сыналады жарыста.
Сарапшылар бағалайды сіздерді
Жеңіс-мәре жақын ба,әлде алыс па?-демекші сарапшылар алқасымен
таныстырайық.
(Сарапшылар алқасын таныстыру.)
1.
2.
3.
Ақыл –тон аңдағанға тозбайтұғын,
Білім- кен қанша алсаң азбайтұғын.
Қатарың оза шауып бара жатса,
Арқаңның ауруы не қозбайтұғын,-деп Тұрмағанбет Ізтілеуов айтқандай,білім сайысына құлшынып тұрған білімді оқушыларымызды ортаға шақырамыз.
- 3 «А» «Жүйрік»
- 3 «Ә» «Тапқырлар»
- 3 «Б» «Алғырлар»
- 3 «В» «Тұлпар»
- 3 «Г» «Білгірлер»
Өнер менен білімде,
Әркімнің өз жолы бар.
Сайысарлық бүгінде
Өзіндік менің үнім бар,- дегендей білімпаз жастар өздерін таныстырып шықсын.(Сайыскерлер өздері туралы айтады.)
Сайыс 4 бөлімнен тұрады.
1. Бәйге
2. Дода
3. Полиглот.
4. Мақалды жалғастыр
Бақ пен сыналар бұл жарысқа қатысып отырған оқушыларға сәт сапар тілей отырып, шындарға биік қоңғайсың демекпіз. Ал жас қырандар 1- кезең «Бәйге».
1 кезең «Бәйге»
Қарап тұрмай бәйгеге кеп еніңіз,
Шәкірттерге әділ шешім беріңіз,
Жүзден жүйрік, мыңнан тұлпар шығарар,
Бәйге, бәйге, бәйгені бір көріңіз.
1.Ойыншыларға экранда көрсетілген 4 тақырыпты таңдау ұсынылады.
2. Әр тақырып 20,30,40 санды ұяшықтарға бөлінген.
3. Ұяшықтағы сұраққа жауап берсе ойыншы сол ұяшыққа тиесілі ұпайды иеленеді.
4. Ұяшықтағы ұпай көбейген сайын сұрақтар күрделене түседі.
Мәңгі бақи есте қалар,
Ғажайып бір кеш болсын.
Білімдірек шәкірт озар,
Қиынырақ сұрақ болсын
2 кезең «Дода»
Бұл кезеңде әр топқа тапсырмалар беріледі.
- Тапсырма
- Не жеңіл? 1 кг мақтама, әлде темір ме? (Мақта)
- Баласы 9 жаста, бұл шешесінен 35 жас кіші. Шешесі неше жаста. (44 -те)
2-тапсырма
- Серік 21 жаста. Оның жасы Бауыржанның жасынан 3 есе үлкен.
Бауыржан неше жаста? (7)
- Елтаңбаның авторы кім? (Нажмединов)
3-тапсырма
- Тоқаш 20тенге тұрады. Осындай 6 тоқаш үшін неше тенге төлеу керек? (120)
- Ы.Алтынсаринның қандай өлеңдерін білесің?
(Кел балалар оқылық, Өнер білім бар жұрттар)
4- тапсырма
- Лақтың салмағы 8 кг, ал ешкінің салмағы одан 3 есе артық. Ешкі неше килограмм тартады. (24кг)
- «Оқусыз білім жоқ, білімсіз күнің жоқ» дегенді қалай түсінесіңдер?
- тапсырма
- Серік әрқайысы 9 тенге тұратын 5 дәптер және 160 тенге тұратын альбом сатып алды. Серік барлығына неше тенге төледі? (205 тг)
- Қазақстан Республикасының астанасы қай қала? (Астана)
«Ана тілің- арың бұл,
Ұятың боп тұр бетте
Өзге тілдің бәрін біл
Өз тілдің құрметте»- деп Қ.Мырзалиев ағамыз айтқандай, жас өркендердің тіл білімін тамашалайық.
3-кезең «Полиглот»
Келді кезек полиглотты шешуге,
Жауаптарды аударуға екі тілде.
Қазақ, орыс, тілін білсеңіз,
10 ұпай, шәкірт саған несібе.
Жұмбақтар беріледі сол жұмбақтардың шешуін екі тілде айту.
- Білімнен мол сый асы
Балғындардың ұясы (мектеп-школа)
- Білімнің дәнін тереді
Балаға тәлім береді (ұстаз-учитель)
- Өзі сонша аппақ
Жесең оны тәтті ақ (қант-сахар)
- Адамға серік
Күзетке берік (ит-сабака)
- Үлкен алтын табақта
Әлемге нұр таратқан. (күн-сольнце)
4 кезең «Мақалдарды жалғастыру»
Ең оңайы жарыстың “Мақал жалғастыру»
Мықтылары қалыпты жеңсін енді.
Тез жауап бер ойланып тұрып қалмай,
Осы ойында көреміз ерен ерді.
4 кезең «Мақалдарды жалғастыру»
Жеңімпазды анықтау үшін сарапшыларға сөз береміз.
Жеңісің құтты болсын,
Болашақта да тек алдыда көріне бер! Марапаттау.
-Бүгінгі көріп тамашалаған «Сынып дарабозы» зияткерлік сайысы өз мәресіне жетті. Зейін қойып тыңдағандарыңыз үшін алғысымыз шексіз.
Ойын аяқталды!
